علامات او اثر جرج عملية الصدر..

[بلوبيري مافن]

مرحبا حبوبات..
ماشالله عليكم.. لكم باع طويل بكل شيء.. ربي يحفظكم..
انا من دبي.. وعندي سؤالين اتمنى من اصحاب الخبرات يردن عليه..

اولا علامات جراحه شد الصدر الي تكون حول الحلمة..
انا وايد افكر اسوي شد للصدر.. وخوفي من الاثر.. طبعا المشكله ترهل بعد الولادة ولانه حجمه كبير كنت سي والحين دي.. هو ماشي حاله لكن اتمنى يرد مثل قبل مشدود او مليان على الاقل.. الوصف الدقيق لحالتي انه "ذوا" يعني اذا وخيت شويه لتحت يكون شكله مثل الزم وهذا لانه كبر وصغر وايد لاني ازيد بحملي وايد بالوزن.. لكن بعد اخاف اسوي العمليه ويكونالاثر حول الحلمة واضح وريلي يجز وتلوع جبده اذا انا مب متقبله فكره الجرح كيف الزوج.. ممكن من اصحاب الخبرات هل الاثر قوي واضح جدا ومتى يقل بعد كم شهر؟؟

وسؤالي الثاني.. طبعا انتوا بالكويت ماشالله وايد دكاتره والعمليات صارتعادي عندكم نحن بالامارات وايد معتمين على الموضوع فماعندي معلوماتعن الدكاترةالزينه او المستشفيات الزينه او حتى لو دكتور عندكم يزور الامارات مثلا او غيره.. فيا ليت لووحده عندها فكره تخبرني وبكون جدا شاكره حبوبات..

 

[سـما]

هلا والله
باهل الامارات

اذا الترهل بسيط مايحتاج تسوين شد
اما اذا كبير الترهل الافضل تشدين

والاثر يعتمد على شطاره الدكتور
وهو بالنهاية حتى مع افضل الدكاترة لابد ان يكون اثر خط رفيع

انا ما جربت
وناويه اجرب عن قريب
وللحين ما اخترت الدكتور

والله يوفقنا جميعاً

 

[بلوبيري مافن]

هذا الي مخوفني .. ماتخيل شكلالحلمة محددة بدايرة ولو رفيعه.. تعتقدون يتقبلهاالزوج ؟؟ انا احاتي عمري اتخيل نفسي يوم بجابل المرايه عيني بتعورني الشكل مب طبيعي بيكون اتخيلها كأني حاطة ستيكر!! والله ابىاسويها مليت من اللخبطه.. يعني انا حلوه الحمد لله لكن العمر والعيال .. حتى بالجلابيات احس شكلي مب مضبوط الصدر ذاوي والبطنفيه زوايد ما يخفيها المشد.. كله من القيصري.. يبتعيالي قيصري.. ومنيومها طلع لي بطن تحت مبراضي ينزل كأني ركبت قطعه مب مالتي ما تخصني.. والله ريلي عمره ما قال شيء لكن انا ادري انه مب حلو..
حتى بطني ابىاسوي له شفط وشد بس بعد خايفه من اثر العمليه الشق من اول الخصر لاخره قبيح.. قاعده احاول اسوي الميني ابدومن سيرجري وانشالله تضبط معاي ويقتنع دكتور يسويها لي .. اثر الجراحو بيكون اقل .. اادري ابى واتشرط مصختها.. بس والله الاثر كبير..
انا لاحظت حد منالبنات بعدهم يسون شد الصدر الي على شكل مفتاح يعني دايره حول الحلمة وخط لتحت.. احس خلاص تطورتالعمليات بس حول الحلمة .. احس كله يعتمد على الدكتور وشطارته وضميره.. يعني اذا انت ما تعرف غيرك يعرف خبر المريضه انه في تقنيه يديده ومب عندك مثلا اواغلى او او لكن لا تشوهها.. يعني لو بنجابل عمارنا بيكون الجسم كله خطوط جراحة فوق وتحت خريطه.. الله المستعان...

 

[freethinker]

اوكي شي غريب وانتي تتكلمين قمت اشوف صدري هههههههههههههههههههه

الي حوالين الحلمه كلش مو مشكله ولا يبين ! لكن اذا انتي وايد وايييد خايفه من الجروح وماتبين شي لو بسيط كلش فلاتسوينها

لان راح يصير معاج جرح وراح يكون كبير بالبدايه وخلال 5 الى 6 شهور راح يتحول لونه ابيض ويضعف الخط الابيض مع الايام
انا اكلمج مسويه الشد الطولي وحوالين الحلممه صارلي الحين 9 شهو والخط وايد ضعيف نفس سترج مارك وكلش مو مضايقني بس اذا انتي تتضايقني من هالشي فلاتسوينها لان الشد لابد منه جرح واثر . شكرا وعفوا :d

 

[بلوبيري مافن]

انا عيزت وانا ادور صور للصدر حول الحلمة واثر الجرح حولها مب ملاقيه.. وحتى الدكتور يراويني صور بس من بعيد مب وايد واضحة ابى اشوف بعيني الاثر كيف بيكون.. بصيح جد ابى اسويها بس وايد خايفه منالاثر.. بليز الي عندها صور واضحه لما بعد العملية الاثر الجراحي تنزل الصور .. شكرا حبوبه فري ثنكر.. انتي ماشالله عندج اراده ربي يسعدج ويوقنا وياج يارب..