علامات الطلق.. اللي صارت معاج..

[HaMboOoSha]

السلام عليكم :eh_s(7):

والله يهون ويسهل على الجميع ,,,,

ياليت كل وحده تكتب شنو علامات الطلق اللي صارت معاها :eh_s(11):,,,,عشان الكل يستفيد وخاصه البكريات :eh_s(2):يستفيدون من الخبيرات :ggdw:
جزاكم الله خير:eh_s(7):

 

[Fyonkita]

ررررفع

 

[دلع24]

انا جاني نفس اعراض الدوره بس ع اقوى ومغص حاار يحوشنيي كل خمس دقايق واذا حاشني ما اقدر اقعد ولا اوقف منه


شي فضييع

الله يسهل علييج ياااربي وعلى جمييع الحواامل

 

[ملكه الحطب]

عوار بطن مثل المغص والظهر يتخشب وماتقدرين تقعدين منه واذا يزيد كل خمس دقايق واتعرقين هذي ولاده على طووول

 

[حـوراء]

ياااااه ذكرتيني
انا كنت نايمة وقعدت من عوار مثل الدورة بالضبط بطني وظهري وفخوذي ، ولمن قمت حسيت بشي ينزل طلعت هذي سدادة عنق الرحم وبعدها قام ينزل ماي شوي شوي وطيرااااااااان عالمستشفى

 

[q8 knosha]

بس عوار فبطني

مثل عوار الدوره

وعرفت انه طلق

 

[HaMboOoSha]

فيونكيتا

دلع٢٤

ملكة الحطب

حوراء

كنوووشه


مشكورين ما قصرتوو

انا تقريبا قاعده احس بتجاديم مثل ما ذكرتوو





ننطر الباجي

 

[Om_RaYomaH]

مع اني اولد قيصري
بس دايم قبل عمليتي يجيني طلق
ويولدوني بسرعة
احس بمغص على عوار شديد لي درجة تحسين في شي يلوي ارحامج من تحت ويروح ويجي كل خمس دقايق
وبولادتي الاخيرة
بطني كان يتصلب ويفج ويرد يتصلب ويفج
عقب يجيني عوار بظهري فجاة كانه منشار لي درجة انقز من مكاني فجاة
وبعدها عوار بس برجولي وبس احس اني بردانه ورجولي ذبحتني كانه سكاكين فيها
وقمت تكرمين ارجع منه
واخر شي خلاص قمت ارجف كانه معاي حرارة مو قادرة اتحكم بنفسي
اكيد بتقولون شنو منطرج كل هذا؟؟!
خخخخخخخ
لاني لمن اروح باسوي تخطيط للطلق كل شي يختفي ولا كانه
الله يسهل عليج
ولا تستعجلين على عمرج
لا تدخلين المستشفى الا والرحم مفتوح
انا لعبوا فيني ببنتي البجر وزهقوني ابر بس بجرية اطول المفروض يصبرون
ليمن تعبت وانتفخت وشوي وانفجر بسبب الطلق الصناعي
فنصيحة انطري على نفسج قد ماتقدرين بعدها روحي للمستشفى

 

[حشمه]

سبحان الله من حمال لي الثاني الطلق يختلف بالبجر نزل الماي والثاني لا

كان بطني يتصلب يصير يابس ويرد عادي والجعده مغص مثل الدوره يروح ويرد

مانبي نخرع البجريات ان شاء الله كل شي سهاله من رب العالمين

 

[Mrs.H]

نفس عوار الدورة مال اول يوم..تحسين ودج بس تنسدحين وتتلحفين وطبعا يكون منتظم العوار

 

[دلال.]

اول شي نزل دم خفيف بعدين واحنا نازلين بنروح السيارة نزل الماي
وبالطريج بديت احس بطلق خفيف نفس المغص اخر بطني وشوي شوي يمسك كل بطني واخر الظهر

 

[.:lady bug :.]

عوار مثل الدورة

مرت اخوي يالها ترجيع قوي طلع الرحم مفتوح
واخت رفيجتي اسهال تكرمون قوي وطلع مبطل الرحم

بس عموما عوار مثل الدوره

 

[الروح كالريحان]

هههههههههه
عاد انا توني والد
رجعتوني قبل٢٠ يوم،؟
انا اكثر من اسبوع معاي طلوق بارده وشربت دارسين كوب ورا كوب
وسبحان الله يختفي العوار
مع ان الرحم مفتوح واحد سانتي
بعدها جاني اسهال قوي وانتم بكرامه ولوعة ورجعت ترجيع قوي اول مره يمر علي من قوه نزل معاي دم
وبعدها بدت الطلوق الصجيه
بس تحملت مابي اروح ويردوني نفس دايم
لين نزل معاي الماي وزاد العوار ورحت للمستشفى

 

[M!SS.LOBY]

سبحان الله

 

[M!SS.LOBY]

الحمدالله

 

[M!SS.LOBY]

الله أكبر

 

[Aloe Vera]

اول مرة ياني مغص مثل عوار الغازات و قام يتكرر كل عشر دقايق و يزيد العوار و تتقارب الفترات بين عوار و الثاني

ثاني مرة قمت بنص الليل على احساس قوي اني ابي اروح الحمام و اول ما وصلت الحمام راح العوار ولا كانه فيني شي و بعدها قام يتكرر كل عشر دقايق و صارفيني تكرمون اسهال و بطني كان يتيبس مع كل طلقة و يصير شكله غريب

بس العوار ماكان نفس عوار الدورة لا غير

كانت احس بطني يصير يااابس و كانه يبي يطلع اللي فيه بقوة

بس اهو بعدين العوار يزيد بس محتمل يعني مادري شلون اشرح و ينسي بسرعة

 

[HaMboOoSha]

بنااات

يعطيكم العافيه

جد قاعدين تفيدووونا وايد

مع ان هذا ثاني حمال لي

بس هالايام مختلطه علي الامور

قاعد اييني عوار مثل الدوره قوي و بعدين يخف و يروح
كل يوم جذي




يلا نبي تجارب بعد عشان يستفيدون البنات

 

[N.o.d]

up
up

 

[white**angel]

اي والله حتى انا احس ماراح اميز عوار الطلق. لانه من جم يوم كان ايني شد قووووووي ببطني وعوار بظهري وكان منتظم كل خمس دقايق بالضببببط
وكان صوب الشد احس بس بطني بيتشقق بس حاولت اتحملا خفت اروح الطبيب ولمن نمت وقعدت ولانفس الشي ومن عقبها بس ماقمت احس في