السلام عليكم ورحمه الله وبركاته ماادري كيف ابتدي وأقوللكن الي ابي أقوله انو انا علاقتي مع ابوي جدا سيئه ابوي عصبي ويقط الكلام ويجرح ومراقباته واسلوبه وطريقته بالكلام معي جدا تجعلني ارمي كلام عليه مااعرف اسكت عن حقي وصرت ارمي عليه كلام وتدخلاته فيني متى اخلص و ويرمي كلام علي بانو انا فاشله وانو مارح يخاني اكمل دراستي ولارح يخليني اتزوج اخر مره مسكني وضربني ضرب ع راسي بقدر قوته وهذي اخر مره تكلمت معه والان مانكلم بعض ويبيني اتاسف منه الان علاقتي معه فقط سطحيه جداااااا تقدروا تقولوا علاقتي معه علاقة مصلحه فقط وبصراحه هذا الشي مريحني جداااااااااااااااااااااا لانه ابد انا وابوي مانتوافق انا ما انكر فضل ابوي علي وانو يصرف علي لكن عمري ماسمعت كلمه حلوة منه واحسه جاااااااف جدا وقاسي ومايحبني وظلمني في أشياء كثيره المهم هل تجدوا تصرفي كذا صح بانو علاقتي اخليها معاه سطحيه لانه كذا انا مرتاحه جداااااولا اتاسف له معنو مااحس انو انا غلطانه بشي وهو ضربني ضرب مبرح ع راسي يعني اخذ حقه وبزيادهومااحب ابني علاقه مع ابوي لانه هو شخص حقووووووود جدا واسلوبه ينرفز ولاابي اعيد الكره انو اتعارك معه مره ثانيه
هل تشوفوا تصرفي صح
إختي ‘
تصرفج طبعااا لااا مو صحيح ! ...
مهما يكون هذا أبوج .. لو شيسوي فيج تقولين له حاظر و تم !
يمكن يكون أبوج ريال كبير بالسن أو مضغوط من أمور معينه أو حتى قاسي شوي
بس يتم أبوج !
بالعكس أنا أقول صلحي علاقتج فيه .. و اول ما تروحين له بوسي راسه و تأسفي منه
وقولي له إني انا غلطت غلطه كبيره و عسى ربي يسامحني .. !
و يبا انا ابي منك غنك تسامحني إنت عزوتي ..
وتالي قولي له كل اللي بقلبج .. إنه أهو يمكن قسى عليج شوي بس تكلمي معاه
بهدوووء .. قولي له إنت قسيت علي وانا بنتك ما ابي منك هالقساوه .. إنت عزوتي
وانا ما ابي أخسرك لكن المفروض إنك تتفاهم معاي بهدوء بدون كلام يعور القلب
إنت ابوي إنت أغلى شي عندي .. و من هالكلام ..
صدقيني ترى إنتي اليوم عندج أبو .. في ناس غيرج لا ام ولا أبو و يتمنون بس
قومه والديهم من القبر يبوسون ريولهم بس .. !
في ناس من كثر ما يحتاجون العزوه قاموا ينذلون بين الناس بس لانهم فقدوا أبوهم !
الأبو طول عمره عزوه و اهو الستر للبنت .. أهو اللي يستر على بنته ..
تخيلي لو أبوج مو موجود لـ فتره طويله !
منو اللي بيستر عليج ! منو اللي بيصرف عليج ! منو اللي بيعزج و يرزج !
مهما يكون هذا أبوج ما راح يعيش عشانج أكثر من عمره " عسى ربي يطول بعمره "
بالعكس .. روحي له و تصالحي معاه
وبعدين تذكري مثلما تدين تداااان !! ..
مثل ما تعاملين أبوج راح يعاملج ولدج او بنتج
مثل ما تعطين لوالديج راح يعطونج عيالج !
لا تخلين دعوه صادقه من حر قلب أبوج تصير دعوه مستجابه
ترى دعوه الوالدين مستجاااابه ..
نصيحه مني .. إذا تبين أبوج يتعدل .. عدلي معاملتج بالأول خليه يشوف تربيته الصح ..
وتالي كلميه بهدوء بلي يضايقج من معاملته ..
عسى ربي يرضي عليج وعلى والديج .. ~
