علاج كلي للشعر

[هواجيس الفجر]

السلام عليكم و رحمة الله و بركاته ..

بنات الموضوع مسبب أزمة نفسيييييييييييييييييييييه حييييييل بشكل ما تتخيلونه

تعبت تعبت تعبت ...<< بالثلاث من شعري ..

آخر حل فكرت فيه اهو علاج طبي بعيادة .. لا تقولون لي اخذي تحاليل يمكن نقص دم خذيت تحاليل كانت سليمة .. جميع انواع الزيوت و الحنة و الخلطات استخدمتها ولا اكو فايدة ..

ببجي والله :eh_s(11)::eh_s(11):

حلات البنت بشعرها انا مليت من ابي شعر كثييييف و صحي انا شعري ناااااااااااااااااااااااااعم و خفيييييييييييييييييييييييييف و ميت من تحت

ابي منو جربت عيادة ومشت معاهم و تعدل شعرها و هل في امل انه يصير كثيف تكفووون ابي استانس بعرس اخوي تقريبا بعد سنة ابي حل من الحل ابي اعابل فيه من الحين

نخيييتكم يا كويتيات لا اطنشوووووووووووووون

 

[&موناليزا&]

عزيزتي رفع لعيووووووووونج

 

[أم ريــــما 22]

اب لعيونج

 

[هواجيس الفجر]

الله يرفع قدركم

ووووين الباقي

 

[ام عبد العزيز م]

اب اب

 

[نويرة الكويت]

أنا عن نفسي جربت إبر الميزوثيرابي في مستشفى طيبه حيييل فرق معاي وأهم شي الفراغات كلها تغطت

 

[doudou2009]

هلا فيييييييييييييييج حبيبتي اول شي حبيت اقولج مبروك على عرس اخوج والله يتمم على خير ان شاء الله
ثانس شي شوفي بدون لاحد يقص عليج اذا انتي من عمر شعرج خفيف مستحيل يزيد وهاذا كلام علمي يعني لو عندج 100000 بصيله مايزيدون لانه البصيله اهي اللي تطلع الشعر مثل ماتعرفين اما اذا شعرج خف وطاح لاسباب ماااا فهاذا باذن الله حله سهل
شوفي حبيبتي اول شي سوي تحليل هرمووووووووووووووووونات لانه تلعب بحسبتج اذا كانت متخربطه لاتقولين زغيره انا وسليمه انا صار فيني تكيس من لما كنت 15 مو شرط العمر عشان جذي سوي فحوصات لانه بهالحاله له علاج ثاني هاذا وانشاء الله افيدج فيه بس اذا كنتي اولريدي مسويه والحمدالله سليمه عيل سمعي اللي بقولج عليه وترا على فكرا من علامات التكيس تساقط الشعر وعدم ثبات الوزن وحبوب البشره وعدم انتظااااااااام الدوره اذا هاذا طيران واقرب تحليل بس ان شاء الله ماكو الا العافيه
اول شي عليج بالاكل الصحي هاذا لازم ووخري عن المقالي والبيبسي والاشياء اللي فيها كافيين
ثاني شي الخلطااااات الطبيعيه سدر حنه صبار جرجير وكل وحده وطريقتها عاد هذيل بالتكثيف محد يقدر يعارض كلامي فيهم بس ترا السدر مو على اي شعر يطيح يعني مايناسب اي شعر واستخدمي شامبو سلفكرين الحنه مخفف بماي وبالشور دااااااايما ماي بارد وانسي الحار لانه يطيح الشعر واخذي فيتامين هيرفت مع كوب حليب قبل النوم لمده 6 شهور تاخذينهم ثلاث شهور وتريحين شهر تالي تردين لهم 3 شهور ثانيه واول خطوه عشان تهتمين بشعرج قصي التالف منه لاتقولين حرام لا لانه التالف ياثر عالشعر الصحي والحين اللي ابيه منج والخلاصه وعقب ست شهور اتحداج اذا ما تسنع شعرج
تحليل هرمونات
اكل صحي وحبوب هيرفت مع حليب قبل النوم وتشربين ماي وااااااااااااااااايد عشان توصل الفايتمن للشعر
الخلطات الطبيعيه مرتين بالاسبوع مع شامبو سلفكرين والاستحمام بماي بااااااارد
وانا على فكره ماقلتلج تونيك ولا امبولات ولا شي طبي عشان انتي ماعندج تساقط ولله الحمد وتر بالنسبه للميزو انا طقيت لما راسي صار مشخال هههههههههههههههههههههههههههههه والله العظيم مافاد ولاشي ترا تقنيته شنو ابره فيتامينات تنغز بالراس يعني فكرتها الفايتمن يوصل اسرع بس لا اكث ولا اقل عشان جذي لما تهدينها يرد الشعر يطيح والليزر هاذا نصب بنصب والله حبوبه خلج على جدولي مو اقل من 6 شهووووووووووور وراح تشوفين اللي يسرج وعقب هالست شهور بتدشين المنتدى تدورين مكان تصبغين فيه ولا تقصينه من كثر ما انتي مستانسه بالنتيجه هونيها وتهون وانسي شعرج فكري باشياء ثانيه وسوي الي قلتلج عليه واي سؤال دزيي حبيبتي عالخاص

 

[آطخمـُ عنزيـهِ]

نفس حالتي والله

اذا لقيتي حل بلغيني

 

[غلااا الرووح]

هاذا رابط راح يفيدك ان شاءالله

وعنى ترانى جربت العيادات كلها وابر الميزوثيرابى مااستفدت

ماابى الادعواتك ياخيتى انا حاليا ابطبق هالنظام وبحط ماى زمزم بمرش على التسريحه وبعد كل صلاه ارش منه على شعرى

http://www.q8yat.com/t932534.html

 

[هواجيس الفجر]

جزاااااكم الله خييير

فديتكم ما قصرتوووو

 

[barbya_q8]

يارب يجعلج سبب من اسباب منفعتنه وكثافة شعورنه ويزاج الله خير ضروري اقري رسالتى عالخاص اذا ماعليج امر

 

[aloooya]

اب اب