علاج الرحم ((والخوا))

[يارب ارحمني]

السلام عليكم ورحمة الله وبركاته

شلونكم بنات رفيجتي عندها مشكله حساسه وحتاجه مساعدتكم

البنت زواجها قريب ومعاها افرازات ورطوبه ورائحه كريهه بالمنطقه الحساسه واصوات تطلع من منطقه الشرج ومره البنت سمعت وحده من الحريم الكبار تقول البنت اذا كانت معاها هالاعراض وخصوصا الاصوات من منطقة الشرج هذا دليل انها معاها ((خوا )) يعني خربانه بالعربي وبعد الزواج راح يفشلها زوجها اذا ماعالجت
راحت لدكتوره وعطتها مضادات حيويه وقالت معاها بكتيريا لكن مانفعتها
والحين نفسيتها تعبانه حيل ومحتاجه مساعدتكم
اذا تعرفون حرمه مضمونه تعالجها بالاعشاب وتكون عندها ذمه ومعروفه

وراح تدعيلكم وانا بدعليكم
وترا كثير من البنات يعانون من هالمشكله لكن مايكتشفون نفسهم الا بعد الزواج

 

[ريفيل]

خل اروح لام عبدالله اللي بالمنقف
... بس ترى البنت غالبا ما يكون عندها هذا النوع من المشاكل يمكن قاعد يتهيا لها

 

[يارب ارحمني]

هلا ريفيل

البنت لما راجعت الدكتوره طلع معاها بالفعل بكتريا

وشنو تعرفين عن ام عبدالله ؟؟؟

 

[يارب ارحمني]

اشدعوه محد رد غير ريفيل

الله يسامحكم

 

[ريفيل]

والله دايما اسمع من الحريم يمدحونها وعلاجاتها اعشاب بس خوش مرة وتفهم

 

[يارب ارحمني]

ريفيل مشكوره ياحياتي وبغيت رقمها ماعليج امر

 

[ياعنك لي لابة]

هذي خلطة لخوا الرحم ..اخذتها من وحدة ومعروفة هالخلطة وكل من يمدحها .. خليها تجربها وتعطينا اخر الاخبار :eh_s(6):

نوى التمر ينقع بالليل بماي لغاية الصبح .. بعدين يعض للشمس حتى ينشف ..

ويحمس على نار داخل المقلاة ..

ثم يطحن وينحط معه مرة نص فنجان + قهوة محموسة فنجان .


وتحط شوية منه مع فنجان القهوة وتشربه .. بايام الدورة ..


وبس








:eh_s(17):

 

[يارب ارحمني]

ياعنك لي لابه

مشكوووووووووره وجزاج الله خير وبقولها تجربها وان شاللله تستفيد منها

 

[الذوووق]

اولا الخوا غير والالتهابات البكتيريه غير


الخوا ما يجي البنت الا اذا كانت ما تهتم بنفسها بوقت الدوره

اما الالتهابات ما ينفع معاها الا علاج الطبيب والمضادات الحيويه فانا انصح بعلاج طبي احسن


عموما

سمعي اللي بقوله




هذي خلطة لخوا الرحم ..اخذتها من وحدة ومعروفة هالخلطة وكل من يمدحها .. خليها تجربها وتعطينا اخر الاخبار

نوى التمر ينقع بالليل بماي لغاية الصبح .. بعدين يعض للشمس حتى ينشف ..

ويحمس على نار داخل المقلاة ..

ثم يطحن وينحط معه مرة نص فنجان + قهوة محموسة فنجان .


وتحط شوية منه مع فنجان القهوة وتشربه .. بايام الدورة ..


وبس




الخلطه اللي قالت عنها يا عنك لي لابه زينه مع القهوه


ولازم بايام الدوره تتدفا وما تاكل حمضيات ولا موز ولا كوسا

وتكثر من اللحوم والمرقوق والشغلات الدافيه بوقت الدوره وتمتنع نهائيا عن المشروبات الغازيه


بالنسبه لاول ثلاث ايام من الدوره لازم تاكل لهوم مرتين باليوم

ومكوناته حلبه نجديه وسويده ورشاد وفلفل اسود

ولازم تشرب اعشاب دايم مثل الزعتر واليانسون والكمون


وبالنسبه للغسول انصح بسيتيال


والملابس الداخليه تكون قطنيه وتتبدل مرتين باليوم


اتمنى اكون ساعدتج

 

[يارب ارحمني]

الذوق

مشكوووووووووره ياحياتي وجزاج الله كل خير على معلوماتج وصدقيني رفيجتي بتدعيلج لو استفادت وانا بدعيلج

 

[نوافه]

الله بصراحه الموضوع جدا رائع واعجبني جدا
تسلموووووووو

 

[كويتية اصيلة]

مساء الخير


بنات ماقلتوا كم حبة نوى نحط بالخلطة هذي وانشاللله بجربها




مشكوورين

 

[pain]

جم حبه بنات ؟؟

 

[الريم30]

بنصحج نصيحة أنا كنت مثل أختج وحدة قالتلي بعد العادة خامس يوم لهمي رشاد أسعودي من الحساء أصلي تنشف ويشد رحمها وخليها تشرب بالشهر حلبة يقوي الظهر وينضف الرحم وجربته والله حتة قرحة الرحم راحة وشئ ضروري مابي أنساة كل شهرين مرة تاخذ تحميلة مثل المرهم الآسود من مستشفى الصباح تنزل أشكال وألوان أذا ألتهابات وطمنيني عسة ربي يشافيها

 

[نزف]

يعطيكم العافيه بنات


استفدنا وياكم