طيب علاج الثعلبه والصلع مجرب في شهر يبان المفعول
________________________________________
السلام عليكم ..
هذي وصفه قالته لي أم صديقتي تحكي لي كيف عالجة صديقتي من الثعلبه اللي كانت تعاني منه حوالي 15 سنه بالرغم بالرغم ماخلت دكتور ولاحرمه مداويه الاراحت له بس مافادها غير هذي الوصفه بالرغم هذي الوصفه ماخذتها من حرمه كبيره في السن والوصفه هي ::
شوك الجمل وهذي صورته وتلاقينه في البر وهي وجبة الجمل المفضله !!
وفازلين
الطريقه::
تحرقين الشوك على النار الين يصير لونه أسود مفحم وبعدين تخلطينها مع الفازلين وتحطينها على محل الصلع أو الثعلبه وش راح تلاحظين بعد 3 أيام أنتفاخ محل الصلع بعده ب3أيام راح تشوفين ظهور المسام بعد ماكان محل الصلع أملس مافي أي فتحة مسام بعدهاا راح تلاحظين ظهور الشعر ..
ملاحظه جداّ مهمه::
عيبه يخلي الشعر خشن بس من جد يعالج وماراح يطلع الثعلبه مره ثانيه ..
وللمعلميه::
أم صديقتي هذي معلمه أبتدائي وتقول حاطه هذي الوصفه في الدرج حق مكتبها وكل من شافت بنت فيها صلع أو ثعلبه تناديها عندها في المكتب كل يوم وأهي بنفسها تحطه لها وتحلف أن الامهات يجون يشكرونها ويسالونها وش هي الوصفه وكانت تعالمهم تقول مابي كل أم تعاني مثل ماعانيت في بنتي...
طيب ليش يصير انتفاخ ؟؟ اسأليها لو تكرمتي انا باستخييييييير الله واجربها فيني فراغاااااات ..
ومافهمت طريقتك يعني اطحنه بعد ماحرقه واحطه مع الفازلين ؟؟
و كل يوم احطها مكان الصللللللع لمدة كم لان صعب الفازلين كل يوم وشهرين ؟؟؟؟؟؟؟؟
واقدر اسوييها واخليها ولا كل يوم بيومه ..
معليش وضحي اكثر ..
ان شاءالله القاها بمكه او جده..تقبلي مروري وانتظر ردك
اي والله
الله يجزاك الجنة ولا يحوجك لهالخلطة يارب ..
موضوع عن جد مفيد ..
تحياتي لك
..دانة الدنيا..
اللهم أمين ويجميني ويحمي بنات المسلمين يارب..
ويشهد الله علي مانزلت هذي الوصفه غير أبي الاجر والدعاء لي ولهذي الحرمه صاحبة الوصفه أن ربي يشفيهااا ..
النبته عندنا بالديره شكلي ببيعها على البنات,,,,,,,,,,,,,,
امزح بس لايكون عشبه مسرطنه من يوم تسسبب انتفاخ ويمكن ناس تقتلهم
لا ياقلبي ماسببت سرطان لاحد على بنت الحرمه وطالباتها الي عالجتهم..ولاتخافين ماراح تموتهم مايجيهم غير العافيه باأذن الله..
والانتفاخ وش سببه أقولك ياقلبي ؟؟
الثعلبه لمن تكون في الراس مع مرور الزمن تصير زي الحفره في الراس فلمن حطت العلاج أنتفخ محل الثعلبه وصار مسوي لفروة الراس هذا دليل على أستجابة الراس للعلاج فهمتي يعني مو أنتفاخ مشوه كانك مفقوشه بحصى ههههه
المشاركة الأصلية كتبت بواسطة غآليه وعيني اغلى
طيب ليش يصير انتفاخ ؟؟ اسأليها لو تكرمتي انا باستخييييييير الله واجربها فيني فراغاااااات ..
ومافهمت طريقتك يعني اطحنه بعد ماحرقه واحطه مع الفازلين ؟؟
و كل يوم احطها مكان الصللللللع لمدة كم لان صعب الفازلين كل يوم وشهرين ؟؟؟؟؟؟؟؟
واقدر اسوييها واخليها ولا كل يوم بيومه ..
معليش وضحي اكثر ..
ان شاءالله القاها بمكه او جده..تقبلي مروري وانتظر ردك ..
شوفي ردي للي قلبك بخصوص الانتفاخ أم الصلع مايسبب لهم أي أنتفاخات ؟؟
تقول لي الحرمه زوجها عنده عامل في المزرعه أصلع مره مافيه ولا شعره ..
تقول جاء زوجي وأخذ من عنده هذي الوصفه لان هذي الوصفه مسويتها بكميات كبيره وأعطاه العامل وسافر لمصر زوجها ولمن رجع بعد 3أسابيع شاف الصلعه طالع فيهاا شعر ولمن سأله قال هذا دواء حق مدام..
بالنسبه للطريقه::
بعدماتحرقينه مايحتاج تطحنينه لانه أصلان راح يتفتفت معاك وعلى طول أخلطيه مع الفازلين وياليت تسوين بكميه تكفيك لمده 3أسابيع..
وحطيها كل يوم لحد مايطلع الشعر ..
بالكثير من أسبوعين الى 3أسابيع تشوفين النتيجه..
وراح تلاقينه كثير في تهامه أو المغمس ورى الشرائع..
الله يجزززززززززززززاك الجنه يانقش
انتي وصاحبة الوصفه ويرزقكم كل خير بالدنيا وآن شاء الله تفيد اخوي وتطلع شعره
جربيها وراح تدعيلي ..
انا صلعاء وخايفة نفس السؤال ليش الانتفاخ
لا تخافين سويها وتوكلي على لله وبخصوص الانتفاخ أقري ردي للي قبلك وراح تعرفين ليش الانتفاخ..
والحرمه بنفسها تحكي لي تجربتها مع كل شخص حطت له هذي الوصفه حتى تقولي كانت عندي طالبه سنه 2أبتدائي من كثر الفراغات في راسها صارات أمها تلبسها باروكه وتقول كل صبح أوقف على الدرج ولمن أشوفها أنديها ودخلها في المكتب مابي أحد يشوفها وبعدين تنحرج البنت ولمن جات الصيفيه تحلف لي الحرمه صاير شعرها اللي نبت الين كتف البنت ..
ياقلبي حمستيني لها بس ليش الانتفاخ
خبرين وارسلي لي على الخاص
علشان ابد فيها
وجزاك الله خير
أبشري ...
وربي يالغاليه لو طلع شعري على هالوصفه لاادعيلك طول عمري
يالغاليه ممكن تقوليلي كم مقدار العشبه والفازلين لما اخلطها وكم ساعه اخليها على راسي واذا ماعندك مانع توفريها لي من الحرمه وانا اشتريها منها لان الان مافي ربيع وصعب نلاقي هذي العشبه في البر
والله يالغاليه اني محتاجه هذي الوصفه لي ولي بنت خالتي معاها السرطان وطاح شعرها كله ياليت تفيديني عسى ربي يوفقك دنيا واخره ويحقق امانيك عاجل غير اجل يارب العالمين
المشاركة الأصلية كتبت بواسطة صمتي حياتي
بس اقطع الشوك واجمعه واحرقه والا الشجرة كلهاااااااا
الشجرة كله يالغلا...
المشاركة الأصلية كتبت بواسطة العااااااااشقة....
وربي يالغاليه لو طلع شعري على هالوصفه لاادعيلك طول عمري
يالغاليه ممكن تقوليلي كم مقدار العشبه والفازلين لما اخلطها وكم ساعه اخليها على راسي واذا ماعندك مانع توفريها لي من الحرمه وانا اشتريها منها لان الان مافي ربيع وصعب نلاقي هذي العشبه في البر
والله يالغاليه اني محتاجه هذي الوصفه لي ولي بنت خالتي معاها السرطان وطاح شعرها كله ياليت تفيديني عسى ربي يوفقك دنيا واخره ويحقق امانيك عاجل غير اجل يارب العالمين
مو محدده المقدار الحرمه لكي الكميه اللي أنتي تبين تحددينها وبخصوص كم ساعه؟؟ الحرمه تقول أكثر من 6ساعات ..
هي ماتبيع هي تسويها اذا راحت للبر وتاخذ العشبه وتسويها وتعطي كل من يحتاجها ..
طيب يالغلا بنت خالتك يمكن ماراح يفيد معاها لانه تاخذ الكيماوي والكيماوي بحد ذاته يحت الشعر ..
وبخصوص وين تلاقينها هذي العشبه متوفره حتى في سوق الغنم ..(الماقفه)لانه تنبت من تلقاء نفسها ومو لازم ربيع ..
والله يكتب الشفاء لبنت خالك والله ينول اللي بالك..
ياليت تجيب نتيجه والله تعبت من شعري
خفيف من قداام
الله يجزاك الجنه
بس وين احصل هالنبته
باذن الله راح تجيب نتيجه ..
وهي متوفره في البر بشكل كبير ...
الله يجزاك خير والله يشفيها .
أنا أعاني من شعري خفيف من قدام وفيه فراغات وصارت فروة الراس باينةوجربت علاجات كثيرة من أكثر من عشر سنوات للأسف ما شفت نتيجة دائمة ( الحمد لله )
سؤال : هل أقدر أستغني عنه بعد ظهور لشعر ؟
نعم راح تستغنين عنهامدي الحياه بس مثل ماقلت بعدين يصير شعرك مره غزير وكثيف وجاف ..
وعندي طلب : ياليت توفرين لي العشبة لأني في أشد الحاجة لها والله لأدعي لكم في سجودي بصلاة التهجد.
بصراحه لي فتره طويله ماطلعت للبر ..ياليت توصين أحد من أخوانك أو أي أحد من أقربك لانه متوفره حتى في سوق الغنم لانها عشبه تنبت عشوئي في البر ومعرفه باسم شوك الجمل لان الجمل يحبهااا ...
شكرا على الرد
طيب هل يوضع على منطقة فيها شعر خفيف ؟يعني الفازلين ما يضر الشعر ست ساعات عليه ؟
هو يكثر الشعر بشكل كبير بس هم أرجع وأقول هو يخشن الشعر .وماراح يضر 6ساعات ..
رفع
آآآآآىه ياريت ينفع وتتغطى ذا الصلعه قبل عرسي
الله يرفع قدرك والله يكتب لكي التوفيق والصلاح في حياتك الجديده..
بس حطي في بالك هو يخشن الشعر..
اختي جزاك الله خير
شيكي عالخاص
تم الرد..
الله يجزاك جنات النعيم
باذن المولى ان شاء اجربها على قريبي
ورح اذكر تجربتي بحول الله
بارك الله فيك وفي هالانسانه الفاضله اللي قالت لك عليها
ياليت ياقلبي تذكرين لنا تجربتك حتى تعم الفائده للجميع..
وبنتظارك يالغلا ..
الله يجزاك خير يارب انتي وصاحبة الوصفة يارب فعلا شعر ي وشعر اىلوادة حت من العين
صحبة الوصفه تقول سبب الثعلبه أساساّ كان عين لان كان شعر بنتها طويل وغزير ومن بعد ماحظرت عرس بدء الثعلبه في راس بنتها ومافاد معاها غير هذي الوصفه وياليت قبل لاتحطين الوصفه على الراس لاتنسون ذكر الله وقرات المعوذات والله يجعاها سبب في الشفاء باّذن الله..
بس كيف نحرق العشبة وهي راح تكثف الشعر
تحرق العشبه على النار حتى يصير أسود ويتفتفت وتخلطه مع الفازلين ويستخدم..
طيب ضروري كل يوم..احط الوصفه ولمدة كم شهر ..وممكن عرف لبنت لي بالابتدي ووصل شعرها لكتفها ماشاء الله كم لمدة لي ستخدمت فيها الوصفة..
كل يوم تحطينه ..
والمده 3أسابيع الى شهر حتى تشوفين النتيجه وظهور الشعر باذن الله..
مع بداية الترم الثاني حطة لها على شعرها ولمن جات العرس في الصيفيه شافتها شعرها الين الكتف حتى البنت جات هي وأمها وسلموا عليها وشكرتها والدتها وسالتها و ش اللي حطتها على راس بنتها ..
طيب تنفع للصلع الوراثي والمرضي والشعر اللي يتساقط من الأدوية او تكيسات المبيض
أكون صادقه معاك والله مدري بس وصفه ماراح تضرك جربيها واذا مانفعتك ماراح تضرك لان كل الوصفه حاجة طبيعيه مافي أي ضرر ..
جربيها يمكن تكون سبب في الشفاء ..
باذن الله..
حياكم الله وأسفه على التاخير لاني كنت مشغوله بالجامعه ..
لآزم العشبة تكون خضراء ماينفع تكون يابسة لأن لها اسم ثاني هو العاقول وشوك مريم وشوك مريم هو كف مريم
الله يجزاكم خير واذا عندها وصفات خليها تكتبها لنا عن جد حلت ازمة لنا
خضراء أو يابسه مافي مشكله أهم شي توفير هذي العشبه وهي فعلا أسمها العاقول أم شوك مريم أول مره أسمع فيها ..
وأن شاء الله أي وصفه مفيده راح أنزلهاا هون ..
الله يرزقك ويوفقك ويسكنك واهلك وكل من تحبين الجنه وجميع المسلمين
ويشفي مرضنا ومرضاكم ياحي ياقيوم بس بغيت اسالك اخوي فية صلع كامل
للشعر والحواجب والرموش والجسم عامة فكيف يستعملها ؟
حطي الوصفه اللي تبغين تنبت فيها الشعر مثل الراس والحواجب واي منطقه بالجسم أم الرموش مانصح فيهاا ...
ياليت صاحبة الموضوع تجي وترد علينا
وانا بنتظار مشكلتك وعلى فكره هي تناسب الصغار في السن ماتضر بس المشكله في الصلع علشان أقدر أفيدك
حياكم الله جميعاااا..
بنات اللي راحت وجابتها خليها تصورها لنا وخاصة اذا كانت يابسة خضرا موفقة نقش حنا الله يستجيب لدعائك اللهم امين
يرزقك ويحقق لك كل ماتتمنين
أمين ياارب ..
فعلان بنات اللي تشتريه او تجيبه من البر تحط صورته للفائده...
مشكوره يالغاليه والله يجزاك الف خير ياااارب انتي وصاحبة الوصفه
انا راااح اجربها بحول الله بس لدي استفسااار اضعهها علي مكان الصلع بس
الله يعافيك ويسلمك يالغلا..
توضع الوصفه محل الصلع فقط..
الله يسعدك لازم الشوك الدائريه موجوده
عندي قديمه يعني يابسه بس الساق والورق وكورالشوك الموجوده قليل جدا
1-ينفع احرق الساق والورق بدون كور الشوك لان عندي كم كورة وصغيره مو متل الصوره كبيره؟
2- تخلي الشعر خشن مره لان شعري ناعم اذا خشن مو مره عادي احطها؟
الله يحققلك ماتتمني
أيه يالغلا على كلام الحرمه أهم شي الكور اللي فيها الشوك لانه يوجد بداخلها حبيبات صغار مكوره ..
وهو يخشن الشعر ويعطيه كثافه مو طبيعي ...وهذا اللي انا شفته بنفسي ...
الله يجزاك الجنة ..
طيب ليش الشعر يطلع خشن؟ لو شعري ناعم؟
الله اعلام بس هي قالت كذا وفعلان أنا أشوف شعر البنت خشن ..
ولا بس اول مايطلع؟ وبعدين يصير مثل باقي الشعر؟
لا يالغلا دائم يصير جاف بس مع العنايه والاهتمام اكيد يتغير لان الهدف الاساسي هو علاج الصلع والثعلبه
أختي نقش الحنا
لقيت عند العطار عشبة اسمها ( شوك العاقول ) أنت ذكرتي إنها نفس شوك الجمل لكنها مافيها كور بس أعواد مختلفة الأحجام فيها شوك .
ياليت تفيديني هل هي نفس الي عندك؟
على حسب كل عطار كل عطار يكون عنده مسمى على عشبه معينه ياليت دورين عند عطارين ثقه ويعرفون للاعشاب زين بس العشبه اللي قالتيها مو أهي اهي يكون نفس الصوره اللي حاطتها واهم شي الكور اللي فيها شوك ...
مشكوووووره من جد لو فاادت بدعيلك من كل قلبييي
الله يجزاك خير ويشهد الله علي مابي غير الاجر والفائده لكم خواتي...
اروح وادوره بالبر عندنا
انزين انا عندى شعرى خفيف جدا اقدر استعمل العشبه
أهو ينفع ومثل ماقلت ينبت الشعر ويكثره بس يخشن حطي تحت كلمه يخشن خطين وبالون الاحمر..
لو الوصفه فادتنا يابختك انتي وصاحبة الوصفه بالدعاء
الله يجعلها سبب في شفائك يالغلا ...
الله يجزاك الجنة أنتي وصاحبة الخلطة ويسعدك ويرزقك من واسع فضله
اللهم أمين (أجميعين أن شااء لله)
طيب بساللك الفاازليين لو حطيته ما يطييح الشعر لانه ثقيييل ......واقدر احط العشبه مع زيت ولا عسل
لاياقلبي مايطيح الشعر بالعكس .توكلي على الله ومايجيك غير العافيه ولاتنسين أهم حاجه ذكر الله علشان ربي يبارك لك فيهاا.....
نقش حنا تنفع الشعر اللي انحرق وتساقط من الفرد والحنه السوداء والميش والصبغة وبعدين انا سمعت عن نفس الخلطة سبحان الله من وىحدة اتعالج في التلفزيون ان تحطها وراح تنتفخ بس مانغسل الشعر حت لو حكنا علي العموم الله يوفقك
ويرزقك القبول ومحبة الله
اهو من ناحيه علاج فهو ممتاز باأذن لله وتكثر الشعر بشكل مره كثيف بس هي تقول عادي لو تبي تغسل شعرهافي نفس اليوم اهم شي الاستمرار حتى تبان النتيجه ...
نقش حناء حبيبتي انا اقولك طفل عندي فيه ثعلبه كامل الجسم من 4 سنين مافي ولا شعره في جسمه ماخليت علاج ولا مستشفى الا جربته وقلت استخدمله هدي الخلطه وهو عمره 14 سنه ولي تقريبا 4 ايام وانا استخدمله هده الخلطه بس حطيتها على الراس مدة 6 ساعات ثم اغسلها ولا شفت اي نتيجه فانا حبيت اتواصل مع صاحبة الخلطه قلت تفيدني او اخذ من نفس الخلطه اللي هيا تسويها لانو انا حرقت الاشياء الخارجيه من العشبه فيها صعوبه انو احرقها كلها ماتنحرق الاشياء الداخليه ..
واللهم اشفي مرضنا ومرضى المسلمين اجمعين ويكتب لك الخير من اوسع ابواب رزقه
شوفي ياقلبي الله يشفي لك ولدك ويشفي مرضى المسلمين والله يبلغك فيه..
حبيبتي ولدك علاجه مو في أعشاب ولا عند المستشفى يمكن تكون فيه نفس (عين - حسد )الله يحميه اقري عليه وسبحي بخلطة الرومي (سدر - ملح خشن -شبه بيضاء ) تلقينها جاهزه عند العطار لمده 7ايام سويها وراح تشوفين ولدك تحسن باأذن الله وأهم حاجه .تجيبين من عند العطار قسط هندي مقدار ملعقه مطحون + ملعقة عسل + 4قطرات من زيت الزيتون ..تخلط وتوكل صباحا ومساء..
هذا علاج مبدئي أستمري عليه وبعد أسبوع من هذا البرنامج ردي علي وش صار معه ...
واقسم بالله مابي غير الفائده والاجره وأبي أساعدكم ياحوائيات باللي أعرفه وسمعت عنه قد ماأقدر وماأنزل شي اللى بعد تجربه ...
المشاركة الأصلية كتبت بواسطة >*أم رأفت*<
لله يجزاك خير وان شاء الله تنفع يارب انا عندي بنتي مسكينه عمرها 17 سنه البنات في المدرسه يقولوا لها ياصلعه
مسيكينه حالتها النفسيه مره سيئه بس تبكي وانا ابكي من القهر عليها وديتها المستشفى سويت لها تحاليل للدم
والغده كل شئ تمام وقالوا يمكن صلع وراثي والله المستعان
وفرحت لمن شفت هذا الموضوع هل تعتقدين انه ينفع لها وانا ساكنه الدمام هل الاقي العشبه في سوق الغنم عندنا
والله العظيم اذا فادها راح ادعي لك في الثلث الاخير من الليل لأني تعبت وانا ادور لها علاج
لدرجة اني كنت بوديها الامارات وأركب لها باروكه وهي تبكي وتقول انا ماراح اتزوج طول عمري مين بيرضى ياخذ وحده
صلعه او لابسه باروكه والله لو تشوفيها انت راح تبكي عليها لاحول ولا قوة الا بالله
لا ياقلبي لا تحطين باروكه ولا شي مثل ماقلت سوي لها هذي الوصفه وادعي الله يبارك لك فيهااا ..
وهي راح تلاقينه عند الغنم متوفره بكثره...
وياليت تفيدني وش يصير معاك ولو على الخاص ..
أنتظرك ...
الله يعطيك العافيه بس حبيت اسال بس لثعلبة الشعر
لان اخوي فيه ثعلبه في الوجه بس بين اللحيه وع الفك بس دوائر وسالت ناس كثير نصحوني بالثوم يدعك فيها الثعلبه
وسلامتكم /ياليت اللي عندها خبر ترد علي والله يوفقها
حياك الله يالغلا تنفع وجربيها وراح تبهرك النتيجه بس أهم شي مايكون قريب العين مره...
الله يجزاك خير والله
وهل تنفع لفراغات مقدمة الراس
تنفع أن شاء لله بس أيش سبب الفرغات اذا ممكن ؟؟
طيب اختي كم تنحط ع الشعر؟
6ساعات..
لا تقولين انام فيها؟
في الصباح اذا صحيتي او اذا قمتي تصلين الفجر حطيه والظهر أغسلي شعرك...
لاني استخدم تونيك
يصير احطها بس كم ساعه واغسل؟؟
يعطيك العافيه حبيت اسالك هل تنفع لشعر الخفيف يعني مو صلع
لان صديقتي شعرها مره خفيف ويتساقط فحبيت اتاكد هل هي بس للصلع ؟
اوتنفع لها
خليها تستخدم حبوب حمض الفوليك تركيز 5 بعد 3شهر راح يكثر شعرها ويتوقف التساقط نهائي
المشاركة الأصلية كتبت بواسطة فتاة الهمم
الله يوفقك يا اختي( نقش حنا) ويسعدك بالدنيا والآخرة
اللهم اّمين..
س / كيف اغسل شعري وهل تطلع الخلطة من الشعر بسهولة من دون تساقط؟
عادي زي كل مره تغسلين شعرك فيه اهو لازم يكون فيه اثار الخلطه ..
س/ وش أحسن اغسل شعري بالشامبو او الحنا او السدر؟
بالشامبو ياقلبي ..
افيديني ياختي نقش حنا الله يسعدك
المشاركة الأصلية كتبت بواسطة عمـ1426ـار
طيب اللي ينحرق الورق اللي فيه الشوك والا الثمرة فوق
كله مع بعض واكثر شي ركزي عليه هو الثمره اللي فوق ...
مشكوره يالغلا ..
حياتي نقش حنا ممكن تسألين صاحبة الخلطة عن شول الفنقذ لأنو يعالج الصلع بس يحرق وينضاف لأي زيت فممكن بدل الزيت نحط فازلين وليش شوك الجمل بدل الفازلين نحط زين موفقة يالغلا
تقول ماجربة شوك القنفذ ولازم فازلين مع شوك الجمل مو زيت ولا تنسين ذكر الله علشان ربي يبارك لك فيه...
انا بنت خالتي لها 17سنه كان لها شعر ومن ثاني ابتدائي طاح شعرها حتى جسمهامافيه ولاشعره بس بقولها عليه ويارب يطلع شعرها
الله يجزاك خير ..
ياقلبي انتي الف الف شكر لك يالغلا اختي خلقه شعرها خفيف بس كل ماتكبر يزيد خفته ياعمري يصلح له هالطريقه او لا
واسفه على هالسوال بس انتي استخدمتي الطريقه ابنفسك او لا لاني خايفه استخدم لختي شي يضرها الله يوفقك دنياء وااااااااااااااااااااخره يارب انتي وصاحبة الخلطه
جربي لها ومثل ماقلت راح يخليه كثير وغزير بس يخشن وياليت تستخدمين معاها حبوب فتامين ..
لا ياقلبي ماستخدمته بس الحرمه استخدمه على بنتها وشفته بنفسي كيف شعرهاا غزير وكثيف..
مين بدت فيه تفيدنا الله يجزاها خير.
رفــــــــــــــع الا بدأ فيها وجربها ياريــت يفيدنا ..
اي والله يابنات نبي الفائده تعم الجميع...
اختي نقش حناء الله يجزاك الجنه ووالديك بغير حساب
بغيت اسئلك كيف احرق النبته احطها بمقلات واحمصها ولا احرقها زي الحطب
تحرقينه زي الحطب على عين القز ..
المشاركة الأصلية كتبت بواسطة >*أم رأفت*<
حبيبتي الله يجزاك خير العشبه اشتراها زوجي من العطار وكلها مع بعض بس المشكله انها مكسره وما عرفت كيف احرقها
فحطيتها في صينيه في الفرن الين انحرقت وحطيتها مع الفازلين وصار كانه كريم أسود
فهل كذا كويس بس المشكله ريحتها مره شينه وحتى اذا غسلت بالشامبو يبقى الشعر ملبد والمدرسه تهزأها تحسب
هذا وسخ وتعبت نفسيتها زياده والله المستعان
والله مشكله
يعني الفازلين ما يروح من الشعر؟
المشاركة الأصلية كتبت بواسطة صبااا نجد
أم رأفت
كيف شكلها العشبة ؟
هل فيها كور فيها شوك ؟
ومن أي عطار اشتريتيها الله يجزاك خير؟
هلا اختي تجي في كيس ب 10 ريال وكلها مكسره على بعض بس تقولي له شوك الجمل على طول يعطيك اياه
هذا كل مااكتب عن الموضوىع والموضع منقوىل
