علاج البلغم ،،، ساعدوني

[نسكافيه بالحليب]

شلونكم بنات شخباركم ؟
مشكلتي باختصار البلغم اللي مأذيني واايد لأن انا فيني جيوب أنفية فالبلغم ينزل من الانف إلى الفم بس ما يطلع بره ،، وتعبت وانا أحاول اطلعه بس مو راضي يطلع ،،،
ساعدوني يا جماعة وشنو الشي اللي يساعد على التخلص من البلغم ؟
ومشكوووورين واااايد :eh_s(22):

 

[ii DareeN ii]

اكو دوا يطلع البلغم بس معاه يهيج الكحه تحصلينه بالصيدليه وروحي اشتري من صيدليه خاصه احسن لج من من الحكومه
وهم يقولون قشور البمبر اليابس يغلونها ويشربون مايها تحلينهم عند الحواي

 

[@ دهن العود @]

حبيبتى مالج غيررررررر اوراق الجوافه من الحواج اغليهم وشربى مايهم

حلو وااااااااايد للبلغم

 

[ombaza]

شربي اعشاب على طول لانها تساعد تذوب البلغم
لاتخذين ودوا يهيج الكحه لانه بتستاذين جريبي شي يذوب البلغم
الله يعينج

 

[النبع الصافي]

مثل ماقالت دهن العود أوراق الجوافه والله يشافيج ...

 

[كويتية أصيلة]

شوفي انا بالنسبه للبلغم اللي ينزل من الخشم ما ادري بس واحد هندي عطاني طريقه حق الحكه اللي فيها بلغم يطلع من الصدر
جربيها ما ادري يمكن تفيد

فوحي حليب مع قفشه كركم مع قفشتين شكر حسب الرغبه اشكثر شكر تبين بس لازم الشكر يفوح مع الحليب والكركم تالي شربيه وان شاء الله ما عليج إلا العافيه

ما تشوفين شر ان شاء الله

 

[جارة القمر]

أوراق الجوافة

وعندج البمبر

رووووووووووووووووووعه

 

[Kuwait]

منقوع المره

 

[نسكافيه بالحليب]

Dareen
دهن العود
Ombaza
النبع الصافي
كويتية أصيلة
جارة القمر
Kuwait
مشكووووووووورين حبايبي عالمساعدة وما قصرتوا وانشالله يكون بميزان حسناتكم :eh_s(9):

 

[الشقردية]

البلغم اللي بالصدر بس مادري اذا ينفع العلاج ع العموم جربي انشالله يفيدج

الشمندر الابيض و في ناس يسمونه الشلقم فوحيه و شربي مايه بالليل و الصبح فنجان قهوه يطلع البلغم بسرعه بدون تعب

بس بالنسبه للجيوب مادري والله

و الله يشافيج انشالله ​

 

[نسكافيه بالحليب]

بعد عمري الشقردية ماقصرتي:eh_s(9): بجربه وانشالله يفيد

 

[زهرة اللوتس]

حبيبتي اخذي كزبرة(حب) واغليه وشربي ماية وايد زين للبلغم وللكحة بعد
لمه كنت حامل كنت اشربه لاني ما احب استعمل ادوية
والله يشفيج

 

[نسكافيه بالحليب]

:eh_s(9): مشكورة زهرة اللوتس وما قصرتي وانشالله بجربه

 

[ياسمينا]

اشربي مغلي اللبان المر للصدر والبلغم زين
بالنسبه للجيوب وعن تجربه اكلي شمع العسل رووووعه

 

[tabola]

زين قلتولي مشكورين