عقيدي عقيدي عقييييييييييييييييديييييي

[غزلان الكويت]

السلام عليكم حبيباتي كويتياااااات شلونكم بنات دايما اسمع عقيدي وحتا انا وعايلتنا لاشفنا لبس موعاجبنا والا شي قلنا عقاده وطبعا ربي يغفر لنا هذا خطا بنات هذا تكبر والله سبحانه وتعالى حذر من هالخصله يعني كويتي هندي غني فقير الله تعالى مايفرق بينا الا بالتقوى يعني يجيج واحد غني وثري وواحد معدم بس المعدم قلبه كله تقوى وهذاك لا من يدخل الجنه بنات خلونا نخلي هالصفه والله يجزااااااااكم خير

 

[Dr.Nouf]

انا اقول هالكلمة على الي يسوي حركات هيليقية .. ماتليق بمجتعمنا الكويتي , وساعات ماتليق بديننا الاسلامي بعد!

 

[مس وردة]

صاجه يامه قلتها عسى الله يهدينا

 

[المرتاحة]

عاد انا احيانا اقولها

بس اللي صدمني ابوي قال لي تدرين شنو يعني عقيدي؟!

قلت اللي يتصرف بهلاقه ومافيه ذرابه و يكون وصخ و غير مرتب

قال لي الوالد الله يطول بعمره: العقيدي اهو تبع قبيلة اسمها العقيدات و هذي القبيله شريفه و لهم مواقف مشرفه و ما فيهم عيب او شي يعيب عليهم اخلاقهم او مواقفهم

انا صراحه تفاجأت من اللي قاله لي الوالد

بس يقول لي الناس تعييبهم لانهم بدو و معروفين البدو حياتهم في البر فشي طبيعي تكون ملابسهم كلها غبار و تراب لانهم عايشين في هذي البيئه

 

[FeShinGoOo]

العقيدي بمفهومنا اهو الهيلقي


الي يقول كلام دفش واسلوبه وقح. ويسوي حركات اتفشل جدام الناس ومايحذ احترام ولاحشيمه حق احد

مو سالفة فقر وغني وكشخه سالفة الاخلاق والتصرفات والتربيه والاسلوب

 

[كلي أنوثة]

انا ما احب استخدم هالكلمة لان مادري شنو معناها بالضبط

 

[complex Fa6oom]

احنا نقول حق الهيلقي والدفش عقيدي موو الفقير
​

 

[ReeM ^ Style]

مشكوره حبيبتي صاحبة الموضوع
بس عفوا اختي المرتاحه
صح معلومة والدج بخصوص ان قبيلة اسمها العقيدات
والبدو مايسمونهم عقد عشان ملابسهم اغبار وتراب
الا ياقلبي معلومتج خطا
العقيدات غير والبدو غير
فلاتجمعين الصفات مع بعضها
واذا على التراب
اعتقد كلنا عشنا بالتراب
حتى الحضر كانت بيوتهم من طين
والشوارع من تراب
فماله داعي كلمتج

 

[baby qa6wa]

ماستخدمها

 

[المرتاحة]

مشكوره حبيبتي صاحبة الموضوع
بس عفوا اختي المرتاحه
صح معلومة والدج بخصوص ان قبيلة اسمها العقيدات
والبدو مايسمونهم عقد عشان ملابسهم اغبار وتراب
الا ياقلبي معلومتج خطا
العقيدات غير والبدو غير
فلاتجمعين الصفات مع بعضها
واذا على التراب
اعتقد كلنا عشنا بالتراب
حتى الحضر كانت بيوتهم من طين
والشوارع من تراب
فماله داعي كلمتج

امبلا يا حبيبتي العقيدات يعتبرون بدو

ولا شنو تعريفج للبداوه؟


لكنها قبيله ما لها سند و ظهر قوي او سمعه قويه مثل باجي القبائل علشان جذي طايحين من عين الناس

 

[البرنسيسه سوزي]

صح حبيبتي ربي يغفرلنا... ومعلومت ابوج ان العقد بدو صح بس بدو سوريا...كنت مرة بسوق شعبي يبيع فيه واحد سوري وكلماشفت شى انا واختي نقول وااي عقد؟؟؟؟؟؟ حسيت الرجال طنقر؟؟؟جان يقولي ممكن اقولج شي قلت تفضل وحسيت بيتكلم علي هلموضوع!!!!!!!!!!!

قال انتوا يلكويتين دايم تقولون عقد عقيدي ليه؟؟ انتوا تعرفون معني الكلمه قلت !!!!!!!!!!!!!! لا بس تعودنا اذا شى موحلو او خبصه الوان نقول هلكلمه!!!!!!!!!!!!

جان يقولي وهذي ام الفشله انا عقيدي ؟؟؟؟؟؟؟؟؟؟؟؟؟؟؟؟؟
قلت شنو ؟؟؟؟؟؟؟؟؟؟ّ!!!!!!!!!!!!!!!!!!
قال اي عقيدي احنا قبيله كبيرة بسوريا اسمها قبيله العقيدات واحنا ناس شريفه ناس عفيفه بس عشان احنا ساكنين علي الحدود العراقيه؟؟؟؟؟؟؟؟؟؟؟؟؟؟

قلت والله ما ادري انكم قبيله واسفه اخوي؟؟؟؟؟؟؟؟؟؟؟وانا منقص ويهي احس كسر خاطري وحسيت احنا ناس نقول اي شي مانعرف شنو معناه بس اي كلمه والسلام

ياليت نعرف شنو بنقول وشنو معنى الكلام الي نقطه مايكون جارح للناس الي حولنا

 

[ReeM ^ Style]

امبلا يا حبيبتي العقيدات يعتبرون بدو

ولا شنو تعريفج للبداوه؟


لكنها قبيله ما لها سند و ظهر قوي او سمعه قويه مثل باجي القبائل علشان جذي طايحين من عين الناس

اي لو تلاحظين اتفقت معاج انهم قبيله
بس معلوماتج خاطئه بخصوص ان كلمة عقيدي انطلقت على كل بدوي لان وصخ وملابسه وصخه
مدري من وين جبتي هالمعلومه
اما تعريفي للبدواه ناس لهم اصل وفصل
وماضي عريق وحاضر اعرق
وابسط شي ان جميع حكام الخليج بدو
فلاتجمعين بين هالقبيله
وبين البدو بشكل عام
هذا اللي كنت بوضحه لج حبوبه :eh_s(7):

 

[غرام2]

المرتاحه :
الاختلاف لا يفسد للود قضية ؟ ؟
قبيلة العقيدات قبيلة سور ية تعدادها مليون بسوريا ( منطقتهم ال بوكمال +مدينة الكمال ) _ والنعم فيهم ؟ حاربت الاستعمار الفرنسي بقيادة الشيخ الدندل ( احفادة اعضاء مجلس امه بسوريا )
وكانو بالخمسينات والستينات ييون للكويت بحثا عن العمل الشريف ؟
ولبسهم دشداشة وردية وخضراء وصفراء فاقعة اللون ( وعيال الديره ما >>> عيارين والعياره بدمهم
اذا شافوا واحد لابس غلط قالو : لاتصير عقيدي ؟وتتطورت الكلمة لين صارت ( مو باجي الا بوعقده ) >>>طنازه وعياره هههه
. . ذاك اليوم شفت بيوتيووت صدام يقول :بعرف هاي الكويتيين ليش يقولون عراقي مقطع ,يعني شنو مقطع >>> ههههههه وشكله مستغرب ومنبطه جبده ههههههه

 

[احساس قباني]

اولا العقيدي مو بمعنى الفقير !!!

العقيدي اللي تصرفاته لا تليق بالادب والذوق والاتكيت

ومو كل غني تكانه في اغنياء هيلقين

والغنى هو غنى النفس وبس

لازم تكون النفس غنيه بالتقوى والعفاف والطهارهـ والاخلاق

ومشكوره على الموضوع الهادف​

 

[عاشقة هواك]

انا اقول هالكلمة على الي يسوي حركات هيليقية .. ماتليق بمجتعمنا الكويتي , وساعات ماتليق بديننا الاسلامي بعد!

انا بعد

 

[المرتاحة]

اي لو تلاحظين اتفقت معاج انهم قبيله
بس معلوماتج خاطئه بخصوص ان كلمة عقيدي انطلقت على كل بدوي لان وصخ وملابسه وصخه
مدري من وين جبتي هالمعلومه
اما تعريفي للبدواه ناس لهم اصل وفصل
وماضي عريق وحاضر اعرق
وابسط شي ان جميع حكام الخليج بدو
فلاتجمعين بين هالقبيله
وبين البدو بشكل عام
هذا اللي كنت بوضحه لج حبوبه :eh_s(7):

وي وي وي!!

وين قلت في ردي ان كل بدوي يسمونه عقيدي لانه ملابسه وصخه؟!

ما قلت هالحجي كلش و الظاهر انتي فهمتيني غلط.. بليز اقري ردي مره ثانيه

انا قلت ان العقد عايشين بالصحرا و بسبب بيئتهم تلاقين ملابسهم كلها تراب و مو نظيفه علشان جذي الناس اذا شافت اي شخص ملابسه مو مرتبه ومو نظيفه قالوا عنه عقيدي

اتمنى انج ما تتسرعين

هذا هو و العقيدات بدو لهم اصل و فصل و ماضي عريق الا انهم مالهم سمعه قويه مثل باجي القبائل علشان جذي الناس تهمشهم و ما تعتبرهم شي و بس بالحقيقه اهم بدو و نعم فيهم

 

[كويتية222]

كلمة عقيدي اهي تنتسب لقبيلة العقيدات في سوريا

والكلمة مو باللهجة الكويتية هالكلمة عمرها تقريبا 20 سنة تقريبا ودخلت على مجتمعنا لما ييوا عقيدات سوريا للكويت

وكانوا فقارى ويبون يشتغلون

يعني استخدام هالكلمة استعلاء وحرام نقولها دامكم عرفتوا المعنى

وبعدين الانسان يقاس بشخصيته ونظافة هندامه مو بكشخته وشكثر وياه والا ملابسه اللي لابسها بج

ما تفكر بهالامور الا العقلية المريضة الفارغة ​

 

[جيكره(و)تتغلى25]

من المووضووع عرفت شنو يعني عقيدي

والله حرام داييما اسمع هذا عقيدي وهذا صلبي انا مااحب جذي ودايما هواش مع اخواني وزوجي

والمشكله اذا شاف واحد مايعرف يلبس قال عقيدي

انا عندي ولدي دايم يوصخ عمره لو اسبحه مليون مره وصخ دايما ينادونه اهل زوجي ياصلبي ياعقيدي !!!شالناس استغفرالله حرام والناس تغيرت وصارت للافضل وهم متخلفين

والله عن نفسي اذا شفت شي خايس اقول همجي


ترا ماراح ارجع حق الموضوع اي هجوم او مدح خخخخخ ارسلو خاص


وبالاخير كل القبايل احبهم واحترمهم

 

[sweet.sanfoora]

ليش حراام

منو قال عن فقير وغني الموضوع ماله شغل بالغنى والفقر

بالكويت في عقد والكل عارفهم !

وبثثث

يعطيج العافية

 

[اماراتية لاتنسى]

والله عجبني الموضوع وحسيتة موضوع جاد وحلو حق النقاش...لا شي يديد عرفته وسبب التسمية واحب اعرف اشياء يديده ...وحلو انكم عرفتوا المعنى.... وفي خلاف بسيط ما اقول خلاف هي مثل سوء تفاهم بين الاخوات والحمدالله توضحت.

هيه صح البدوو هم الاصل والفصل حبايبي والله شيوخنا... ومثل ما قالوا بدو سوريا ينقال لهم هالكلمة ..

وان شاء الله الكل يدخل ويفهم الكلمة يمكن انها تجرح الناس

مشكورة اختي ع الموضوع

تقبلوا مروري