عقب البطا جاني ..دماااااااااار سالم حمد الملعبي ..

[مزيونه العرب]

السلام عليكم ورحمه الله وبركاته ...
اجمل قصيده مرت علي انا ...

اليكم القصيده اتمنى ان تنال اعجابكم ..

العز بالله .. والرجاوي بالأولاد
والعبد بأمر الله نصيبه يصيبه
اهب يا حظ البنادم ليا جاد
لامن تمنى شي حظّه يجيبه
احدٍ حياته كلها اعياد فاعياد
من يوم فتّح والهنا في حليبه
ما عابل الدنيا ولا لقمة الزاد
والحاجه العسره تجي له قريبه
تبني له الدنيا وهو قاعد امجاد
وكلِ يقول فلان يا طيب طيبه
واحدِ قضى عمره من إجهاد فإجهاد
وكثر المصايب عجلت في مشيبه
ما ناش من وقته سوى. بن وقناد
والهيّنه تصبح بوجهه صعيبه
يفعل ولا يذخر فلا شك ما فاد
لا ينذكر طيبه ولاحدِ دريبه
هياّ كذا والوقت سلال الاجواد
وشلون يآمن به حبيب وحبيبه
البارحه من واد في واد في واد
لله در الحب والله حسيبه
بين الخيال و واقعي شدّ وعناد
مابين صدق وبين شكِ وريبه
عقب البطا جاني يقول الغلا زاد
اثره صحيح الحب الاول مصيبه
معقول ياجمل حلم بالعمر تنعاد؟
عندي سؤال و لازم انك تجيبه
استحلفك بالله راجع لي ضماد؟؟
يا راعي الجرح الاخير وطبيبه؟
او جازلك جرحي ؟. وناويلك جداد
لا تلومني ..جيّتك هذي غريبه
!!قال انت ناسي إن حظك ليا جاد؟
مهما تمنى شي حظك يجيبه
قلت العفو والعز بالله ليا راد
والعبد بامر الله نصيبه يصيبه


انتظركم ..​

 

[^ دلـع بنـات ^]

عندي سؤال و لازم انك تجيبه
استحلفك بالله راجع لي ضماد؟؟
يا راعي الجرح الاخير وطبيبه؟
او جازلك جرحي ؟. وناويلك جداد
لا تلومني ..جيّتك هذي غريبه
!!قال انت ناسي إن حظك ليا جاد؟
مهما تمنى شي حظك يجيبه


رووووعه .. صح لسان شاعرها و لاهان ناقلها