عفيه نانا ممكن

[بنت_زايد]

ممكن طريقة خبز تورتيلا بالاجبان وربيان وعيش واللبنيه

شو الأجبان الي تستخدمينها؟

مشكووووره

 

[أحلى همبه كويتية]

ان شاء الله بترد عليج اليوم
حاليا هي مشغولة اعذريها

 

[أحلى همبه كويتية]

شوفي هالموضوع يمكن يفيدج

http://www.q8yat.com/t845583.html

 

[جارة القمر]

http://www.q8yat.com/t913142.html

 

[بنت_زايد]

الله يعينها راح انتظر ردها

 

[بنت_زايد]

up up

 

[مذهلة 78]

شوفي حبيبتي انا اقدر افيدج بخبر التورتيلا لان امي اسبانيه وهذا خبزهم

المقادير

1كيس طحين

ملعقتين زبده بس الزبده تكون بدرجه حراره الغرفه

نص كوب حليب دافئ

1 ملعقة شاي بيكنج باودر

1 ملعقه ملح

خلطي المقادير الجافه مع بعض بعدها حطي الزبده وعجني عدل وحاولي انج وقت العجان ترفعين ايدج فوق عشان الهوا يدخل فيهاا

بعدين ضيفي الحليب بالتدريج لين تصير عندج عجينه ماسكه في حال شفتي ان العجينه ناشفه ضيفي ماي بس بالتدريج لين يصير عندج عجينه متماسكه وترفه
حطي العجينه بصينيه مدهونه بزيت وخطيهاا وخليها ترتاح مده نص ساعه

بعدين قسميها لكور وخليها ترتاح مده ربع ساعه بعدين رقيهااا

حطي مقلاه الصاج عالنار ودهنيها بنقطتين زين وحطي العجينه عقب ما رقيتيهاا
لين تستوي بس تشوفين ان الويه اللي فوق طلع فقاعات على طول قلبيها

يعني تقريبا كل ويه راح ياخذ منج نص دقيقه علما يستوي بعدين حطيهم بحافظه لهاا غطى عشان الخبز لا ينشف

 

[الشيف نانا]

ممكن طريقة خبز تورتيلا بالاجبان وربيان وعيش واللبنيه

شو الأجبان الي تستخدمينها؟

مشكووووره

حياج حبيبتي

وسوري على التأخير


خبز التورتيلا انا اسويه بطرقيتين


الطريقه الاولى

مقادير الخبز:
4 كوب طحين / 1/2 كوب زيت / 1 ونص كوب ماء دافئ /م متوسطه ملح/م م بيكنغ باودر
تعجن المقادير مع بعض وتترك لمدة 1/2 ساعه
تقطع العجينه الى 15 قطعه وتترك لمدة ربع ساعه
تفرد بقليل من الطحين ثم توضع بمقلاه ساخنه وتقلب

الطريقه الثانيه ,,


مقادير الخبز
3ك دقيق
1 ½ م ك سكر
رشة ملح
½ بيآلة زيت
1 م ك خميره تذوب في كوب مآء دآفي
1 بيضه
تعجن وتترك لترتآح من 10-15 دقيقه

وبالنسبه للاجبان والله حبيبتي ما اذكر ياليت اتحطين الصوره عشان اشوفها

والربيان طريقته عاى هالرابط

http://www.q8yat.com/t831121.html



والعيش طريقته جدا سهله وعاديه

عيش مشخول واسويه طبقات مع البصل الجوانج المقليه والكزبره الخضرا وشويه صبغه عيش وماي ورد وهيل واخلطهم جميع,,


اللبنيه’’
من كتاب اطباق النخبه ,,


كوب ونص دقيق

كوب جوز الهند

2 م بكنغ بودر

بالخلاط نضع(كوب لبن / كوب زيت/كوب وربع سكر/ 3 بيض)

تخلط المقادي مع بعض وتوضع بطينيه مدهونه بالزيت وتدخل الفرن ختى تستوي وعند خروجها من الفرن تسفى بالشيره,,

​

 

[بنت_زايد]

مشكووووره الغاليه وما قصرتي
الصورة موجوده بهذا الرابط
http://www.q8yat.com/t892026-47.html

 

[الشيف نانا]

تدهن الخبزه بقليل من زيت الزيتون وشوية مايونير وجبن قلاص وجبن موزريلا وزيتون شرايح وطماط ورشيها بالاعشاب الايطاليه,,
حطيها بالفرن على النار اللي فوق مجرد ما يذوب الجبن طلعيها على طول,,

 

[رتبه دبلوماسيه]

اب اب اب

 

[رتبه دبلوماسيه]

.......................

 

[جارة القمر]

مشكوووووووووووره الشيف نانا

 

[الشيف نانا]

حياج الرحمن حبيبتي جارونه ,,

 

[أحلى همبه كويتية]

عساك على القوة نانا
فدييتك على هالوصفات الحلوة

 

[لولوة الكويتية]

شكراً