عفيه لا تملون مني ):

[البطة المستانسة]

مرحبا


بصراااااحة انا إنساااااااااااااااانة الترتيييب بصوب وانا بصوووب >>>> هههههههه بس والله قاعدة أحاول أصير أنثى

جد جد جد بنات والله خاطري أصير مرتبة وأنيقة مو بس بشكلي ...أبي الأناقة والترتيب يكون واضح بالكبت اللي لما يرتب يوم يتعفس أياااااام وبصرااااحة انا السبب:eh_s(2):

والله الموضوع يهمني أبي تساعدوني :
-شلون أصير مرتبة لملابسي وأغرااااضي بشكل داااائم مو متقطع <<<بصراحة دايم الخدانة هي اللي ترتب مو انا
- أبي أفكار لترتيب الكبت يعني : طريقة للبناطيل ، والتي شيرتات ، والملافع ، والتنانير ، وفساتين السهرة الثقيلة والناعمة ، والملابس الدااخلية .
- كيف أضبط مكان ...للعطور ،البخور ، المكياج ، وآآآخر شي مستحضرات الصيدلية من كريمات وسوالف بشرة ؟
- أدري أذيتكم بس تحملوني <<< ترا حدي فوضوية
عفيه عفيه والله جد أحس إن هالسااالفة مؤرقتني لأني ما أحس إني مرتبة

 

[aengineera]

أول شي فضي كبتج كله ومسحيه بديتول وبخريه
علمي الخدامة انها بعد ما تغسل ملابسج وتسويهم اوتي تحطهم عالسرير وانتي اللي تدخلينهم بالكبت
اول شي ملابس السهرة والاستقبال اشتريلهم الجيسه اللي ينحط داخلها الملابس
ثاني شي البنطرونات والشيلات تلقينلهم علاق خاص حلو ويوفر مساحه
التي شيرتات والبوديات تحطينهم يم بعض بعدهم البنطرونات بعدهم التنانير بعدهم الشيلات وهكذا يعني كل فئه بروح
ملابس البيت والبجامات ينحطون بالارفف
بس قبلها تمسحين الارفف بديتول وتحطين اوراق المعطره تنباع عند الشايع
وكل رف تخصصينه حق شي
وبعدين الادراج هم نفس الشي وحطي داخلهم الملابس الداخليه وخلي كل طقم مع بعض

بالنسبه حق التسريحه حطي عليه مفرش وحطي عليه العطر المفضل ومكياجج اليومي وكريمج اليومي والباجي حطيه داخل الادراج مالت التسريحه

وفي ادراج حلوة تنحط داخل الحمام ينحط فيه اغراض النظافه اليومية
وبس سلامتج اي سؤال انا حاضرة

 

[البطة المستانسة]

تسلمين يا الغالية ما قصرتي والله كفيتي ووفيتي