عفيه ساعدوني حسيتوا بهالاعراض؟؟؟

[zargona99]

السلام عليكم مبارك عليكم الشهر
وكل عام وانتو بخير

شلونكم عساكم بخير وشلونكم مع الحمال؟؟ الله يتمم عليكم ويرزقكم بالذريه الصالحه وربي يرزق كل محرومه عاجلا غير اجلا ياااارب


حريم بقولكم انا توني متزوجه صارلي 3 شهور وباقي يومين على دورتي وصارلي اكثر من اسبوع وانا احس بالام الدوره مثل نغزات في اسفل البطن وكنت احس بثقل وقبل جم يوم حسيت بغثيان ودوخه ونفس العوار اسفل البطن
وبعدين قمت احس ان العوار مره يصير اسفل البطن عاليمين ومره عاليسار ومره بالنص وهالفتره صايره واااايد ادش الحمام تكرمون


والحين احس بعوار بطني وظهري كله جنه علي الدوره واحس بلوعه خفيفه مع الم خفيف بالمعده يعني احس كل شي فيني يعورني واحس اني متنرفزه وموقادره انام احس جسمي يعورني وتعبان


قبل كنت احس بعوار الدوره قبل ما تييني بس مو جذي هالمره غير وقبل ما كنت احس بلوعه



عفيه بنات ساعدوني هل هذي اعراض حمل؟؟
وشنو الاعراض اللي حسيتي فيها بدايه حملج؟؟
وشلون عرفتي انج حامل؟؟



عفيه ادعولي اني اكون حامل بهذا الشهر الفضيل
يلا بنات ناطره ردودكم ساعدوني وريحوني

 

[الشموخ~~]

روحي حللي يا قلبي وعسا ربي يرزقج انشاللة ما يخلص رمضان الا العيدية عيديتين قولي امين

 

[zargona99]

امين ان شاء الله والله يحقق اللي بالج
مشكوره حبيبتي نورتي

 

[zargona99]

بس ما يبين التحليل الحين الا لما تتاخر الدوره

 

[&هند&]

ان شاء الله حامل انطري اسبوع وحللي تحليل حمل هرموني ،،،،

 

[STILL G L A M ~]

اول علامه لاحظتها عزج الله البول ريحته تغيرت .. فكرت فيني التهابات طلعت حامل ..

 

["*آآآنؤؤؤقهـ*"]

اعراضج كلها فيني قبل لااحمل ،،

حللي وياااارب حااااامل ،،

 

[غالية22]

موفقه

 

[zargona99]

مشكورين حبايبي ماقصرتوووو


ان شاء الله حامل

يلا وينكم يامتزوجات؟؟

 

[أنفاسي دخون]

نفس الاعراض تحوشني بس انا زيدي عليهم النوم بأي مكان وبأي حزه خخخخ

 

[دنيتى زوجي M]

اناا تغير لون البول عزج الله وريحته قويه
وكنت اشم كل شي بس مو نفس كل مره لا احس الريحه اقوى والنووووم

ان شاءالله حامل روحي سوي تحليل دم اناا تاخرت يومين وسويت تحليل وبين

 

[نـعـومـه]

ماشاءالله ليش مستعيله عالحمل استانسي عيشي حياتج بأذن الله راح تحملين لاحقه

مرات الاعراض تصير من تفكير في الحمل يسمونه حمل كاذب

انا اعراضي كانت كثره روحه للحمام بس ولاماكو الم ولاشي

ونصيحه نطري لما تأخر اسبوع هنيه حللي والله يحقق اللي بالج

 

[zargona99]

مشكورين حبايبي ما قصرتووووو نورتووو الموضوووع

 

[@ام يوسف@]

الله يرزقج الذريه الصالحه

 

[مواصله]

قبل ااحمل كنت احس بنفس الاعراض كل شهر ،،لاتحطين فبالج شيئ وان شاءالله تكونين حامل

 

[zargona99]

ان شاء الله حبايبي مشكورين وماقصرتو

ساعات احس انها تزيد وساعات تكون خفيفه

 

[غلا-زوجي]

حبيبتي مو شرط تتأخر عليج الدورة انا قبل تاريخ الدورة بأربع ايام حلللت تحليل منزلي وطلعت حامل
اعراضج بأذن الله حامل
روحي الصيدليه اليوم اخذي تحليل حمل منزلي بدون لايدري احد خاصتا زوجج واذا مو حامل نطري تتأخر عليج
وبشريييييييينيييييي

 

[zargona99]

مشكوووووره حبيبتي ما قصرتي حسيتي باعراض قبلها ولا لا؟؟

 

[ScarletteO'Hara]

انا لما حملت تقريبا حسيت بنفس الاعراض الي انتي حاسة فيها
بس ما كنت حاطة فبالي اني حامل كنت شايلة هالفكرة من بالي نهائيا
كان اييني عوار بأسفل ظهري
عوار ببطني نفس عوار الدورة
حاسة الشم عندي صارت وايد اقوى قمت اشم بلاوي محد حاس فيها
دوخة حتى رفيجاتي بالدوام انصدموا مني كنت احط راسي على المكتب و اسكر عيوني
لما يه موعد الدورة عني فطنت ان في شي غلط قاعد يصير
بس هم ما حللت الا لما تأخرت علي 6 ايام و لولا حنة ريلي اني اسوي تحليل منزلي جان ما حللت من الخوف ان النتيجة تطلع نيجاتيف
بس الحمدلله يا ربي طلع لي خطين و فرحت فرحة بحياتي ما فرحتها
الله يسهل عليج و اخذي نصيحتي لا تحللين من الحين خصوصا و ان موعد الدورة للحين ما يه
خل تتأخر عليج اسبوع بعدين حللي
ان شاء الله يا رب تكونين حامل

 

[zargona99]

الله يتمم عليج حبيبتي ويسهل عليج ان شاء الله

بنطر جم يوم وان شاء الله خير يارب