عفيه اللي عندها خبره بس تقول رايها

[عاشقه غربه]

مساء الورد على كل الورود اللي بالمنتدى ...شوفو انا بدخل بالموضوع على طول .....انا عندي خادمه هنديه صارلها سنه تقريبا عندي واصلا اهي كانت مدرسه انجليزي بديرتها بس عاد الله يلعن الفقر ...المهم اهي متزوجه وعندها 3عيال و عمرها 32 سنه ....وبصراحه وايد وايد زينه واهم مافيها ادبها وخجلها وووايد محترمه يعني لما اتنرفز على شي ماترد بالمره وتحط راسها بالارض وعادي بعدين تيي تعتذر وتضحك معاي وتخيلوا ساعات لما تبي تمر بمكان وزوجي ببي يمر توقف اخر الدنيا ولا عمرها حطت عينها بعينه و صوتها ووواطي والحلو بالموضوع ان امها بعد بالكويت وساعات انا لما اطلع اطرشها عند امها تزورها .....بس الحين اقولكم الصدمه .....العامل المصري اللي ساكن فوق سطح جارنا شافها بدون ملابس مع واحد بنغالي ...ويقول بعد في مره شافه فوق السطح رايحلها جان يلحقه يبي يصيده ماقدرً ....ونسيت اقولكم ان اهي بس حق تنظيف البيت وانا اللي اطبخ وانا اليهال لان ما احب خادمه تحوش عيالي وانا غسيل الملابس وفوق هذا انا من عندي اعطيها70 مع ان معاشها 50 بس لانها وايد محترمه .... الحين شسوي ؟؟؟؟؟؟؟؟ابي حل اخاف يوم اطلع تدخله البيت لان يمكن ماتقدر بعد تروح السطح عقب ماشافها المصري ....بليز قولولي شسوي حدي ضايق خلقي عليها وعلى نفسي وللحين ما قلت لها شي

 

[* بنت المطر *]

حبيبتي لاتصدقين شي ليم تتاكدين ماتدرين يمكن هالمصري خبيث تحرش فيها مااعطته وجه حقد وحب ينتقم منها !!

انتي ماشفتي شي بعينج ف عطي الموضوع اكبر طاف ترا خرابين البيوت واجد ومايمنع انج تراقبين وتتفطنين ليم تتاكدين

بنفسج عشان ترتاحين

 

[روانتي 12]

امبيه شهالدنيا

كل يووم تطلع لناا سالفه تخرعناا..ماكوو الي تسفرينهاا ولا شتبين فيهاا ترا الخدم ماوراهم غير المصايب

ترا يمكن تسوي اجيد من جذي و وقتهاا تندمين ,,

 

[عاشقه غربه]

والله عاد انا رايي نفسج بس عاد زوجي يقول شكو يعني المصري يقول جذي ...عاد اهو قال راح يشتري كاميرات ونحطها ونشغلها وقت نكون بره البيت

 

[ام ميميتو]

مادري شقولج انا ماحب الخدم كلش قبل كنت اخلي خدامه تيلي مره بالاسبوع تنظف شقتي انا الحين لا انا اسوي كل شي ماحب الخدم ولا احب ادخل وحده بيتي احس مشاكلهم اكثر من نفعهم احس الخدم مافي اشطر منهم بتمثيل الله يكون بعونج

 

[عاشقه غربه]

شسويييييييييييييييييييييييي

 

[روانتي 12]

سفريهاا

 

[عاشقة الاسلام]

تأكدي من الموضوع قبل كل شي
بعدين حكمي عليها اذا صج او لا

 

[عاشقه غربه]

اختي عاشقه الاسلام شلون يعني اتاكد ... اتوقع لو اواجهها راح تنكر

 

[نونينونو]

حطي كاميرا

 

[قانون كـيفي]

وانتي داخله وانتي راجعه قفلي باب بيتك

ليش تروحين واهو مفتوح


هذا اكبر غلط


تفتحون بيوتكم وتطلعون تتمشون واذا طاح الفاس بالراس قلتم شنو نسوي​

 

[nora al]

حطي كااميراا وشوفي لا تظلمينها

والمصري شلون ماقدر يمسكه ؟؟ ماادري وليش سكت على المره الاولى ؟


مااقتنعت بكلاامه !

 

[عاشقه غربه]

اللي تقول قفلي الباب ترى اللي يبي يسوي شي يسويه حتى لو حاطته بتجوري مو بس قافله عليه وبعدين اهيا اللي سوته بالسطح مو بالبيت لان اهيا دايما تنشر ملابسها بالسطح

 

[ما كو اسم]

والله عاد انا رايي نفسج بس عاد زوجي يقول شكو يعني المصري يقول جذي ...عاد اهو قال راح يشتري كاميرات ونحطها ونشغلها وقت نكون بره البيت

ونعم الراي منها ممسك عليها اذا سوت شئ ومنها تتاكدين من غير ما تدري وياليتج ما قلتي لريلج وسويتيها انتي

 

[مناير خزنة التاير]

مو شرط يكون كلام المصري صج ، عادي قا يتبلى عليها
لازم تشوفين بنفسج ، و ترى الهنود مو سهل عندهم هالشي وخاصة اذا متزوجة و عندها عيال

راقبيها و بتعرفين
وانشالله انشالله يكون جذاب

 

[عاشقه غربه]

الله يسمع منج مناير ......انزين يعني محد صار له هالشي من قبل ؟؟؟؟؟؟؟؟

 

[دلوعة مآمآ]

زي ماقالو اخواتي يمكن المصري يتبلا عليكم

 

[اسيرة الأحزان50]

حبيبتي الشغالات لاتثقين فيهم أبدا ، وحده من قرايبي جابت خدامه اندونوسيه وكانت هذي الخدامه تشتغل في دبي​

ولما جات للسعوديه بس تتأفف عشان قريبتي تقول لها عندنا ماتدخلين على الرجال وماتسمح لها تخرج​

برا إلا معاهم وصارت الخدامه تبتكر خطط عشان تخرج من البيت ههههههههههه وصارت​

تقول لقريبتي بروح ارمي النفايات وبعدين قريبتي قالت لها لا زوجي يرميها وبعدين​

الخدامه طلعت بدون ماتدري عنها قريبتي وبعدين تفاجأت قريبتي أن الخدامه مو موجوده​

وعرفت إنها خرجت وصارت تطالع عليها مع الدريشه إلا تشوفوها تتكلم مع عامل النظافه​

كان قريبتي يجن جنونها واول مادخلت الخدامه للبيت قالت لها قريبتي ليش خرجتي​

ومين هذا اللي تتكلمين معاه ، كان الخدامه بكل برود قالت مافيها شيء​

ومره ثانيه قريبتي شافتها مع الدريشه تعطي الدريول فلوس تبيه يجيب لها موبايل​

المهم في الأخير قريبتي سفرتها قالت بكره تجيب لي مصيبه .​

 

[الزورق222]

تأكدى قبل لاتتصرفين باى تصرف اتجاهااا يمكن مظلومه ,,

 

[عاشقه غربه]

انا للحين حتى مابينت لها اي شي حتى تعاملي معاها عادي ....بس عاد على الاسبوع الياي بركب كاميرات