عفية 000منو جربت المرددة أم ناصر

[##أم رابعة##]

السلام عليكم ورحمة الله وبركاته


حبيباتي ما ابي أطول عليكم منو جربت علاج المرددة أم ناصر وهل فعلا علاجها يساعد على الحمل مثلا او تنظيم الدورة وشلونها بالارحام النازلة عفية طلبتكم

ودمتم000​

 

[##أم رابعة##]

شدعوة محد رد​

 

[¤§ زيتونة §¤]

والله حبيبتي انا مو مجربتها بس وايد وايد سامعة انها زينة


وبنات من اهلنا يابوها


بس شغلها ماشاءالله زين






الله يوفقج

 

[لؤلؤية]

انا جربتهاااااااااا مرة وحدة

ابصراحه ماعجبتني

مع اني سامعه مديحها واصل للسمااااا
بغت تشق بطني :cxxxp:

طبعا انا ماكنت والدة ولاشي
بس تأخرت بالحمل...ونصحوني فيها
قالت لي رحمج مايل...واسم الله عليج
حطت ريلها ببطني يعني بتعدله...وعينج ماتشووف الا النور
تقولين حديدة مو ريل :dddds:
والله قعدت جم يوووم وانا اتألم...
ونصحتني باني ادلك المنطقة السفلية من البطن بطريقة معينة
اصلا ما اقدر اجيس المنطقة كلهاااااا من الالم

وعطتني دواء...وقالت لي ب 25
وانا حزتها ماكان عندي الا 20...بس الشهادة لله قالت لي عاااادي
اهي حليوة..وحبوبة في تعاملهااااااااا

للعلم ماحملت عقبها

هذا اللي عندي

 

[##أم رابعة##]

جزاكن الله ألف خير والله يوفقكن انتوا بعد



أخت أم فيصل أمبييييييييييييييييييييه أخاف من مغافصها ما حملتي بعد مشيئة المولى طبعا

 

[فجورة]

اخت ام فيصل و الله كسرتى خاطرى ، روحى سوي سونار على المنطقة عند الطبيب المختص حتى تتطمأنى و تابعى علاجات الأطباء و تشبتى بالأمل و لا تيأسي و اكثرى من الدعاء عسى الله يفرجها و تجبين درزن يهال .

انا لا اثق فى هدول الحريم و الخبرات الغير المدروسة و هدول يضرون و يخربون أكثر ما يفيدون.