عفية أبيكم اتفودوني يعني شنو ابرة تفجيرية

[أم بتول]

أخيرا قررت و رحت للدكتورة ليلى أشكناني امس
و شافت البويضات و قالت إن كل شي حلو سليم
و عطتني موعد السبت الصبح علشان الابرة التفجيرية
و يوم الأحد بليل يتم التلقيح الصناعي
بنات أدعولي
و أبيكم اتفودوني يعني شنو ابرة تفجيرية و شنو اعراضها
و سؤال أخير العينة مالت التلقيح لازم ياخذونها بنفس اللحظة
ولا يصير آخذها من البيت و اوديها معاي اهناك​

 

[*me*]

هلا إختي ام بتول

الإبرة التفجيريه على قولة دكتورتي اتفقس البويضه لوووول ... وهذه تساعدهم بمعرفة توقيت التبويض حق الجماع ... ومالها اي اعراض يالغاليه
بالنسبه لعينة التلقيح طبعا يفضل إنه بنفس الوقت بس إذا تبينها من البيت لازم بخلال نص ساعه اتودينها وتحتفظين فيها بمكان دافي

وإن شاءالله اكون افدتج والبنات اللي عندهم معلومات اكثر إن شاءالله يفيدونج احسن مني

 

[كويتيه مذهله 87]

امممممممممممممم انا خذيتهاا مع الكلوميد مو التلقيح الصناعي
انا بالأساس خذيتها ومو فاهمه شي لان الصراحه دكتورتي بسرعه بسرعه ما تشرحلي
انشالله البنات يفييدونه

 

[أم بتول]

شكرا خواتي على المرور
و الله يستر باجر باخذ الابرة

 

[irresistible]

الابرة تفجر البويضات بس الاحسن ان زوجج يكون معاج يعني اخذوا العينة بالعيادة احسن تظل فريش والله معاج وبشرينا عنج

 

[إستبرق]

والله انا خذيتها مع الكلوميد
والابره عشان تفجر البويضات وتخليهم اكثر عشان تصير نسبه التلقيح اكبر والله يرزقج بالذريه الصالحه انشاءالله

 

[QT]

احتمال يحملين بأكثر من توأم


ربي يرزقج الذرية الصالحه

 

[كيت كات]

هلا حبوبه
الابرة التفجيريه هي
كل سيدة لها فترة تبييض وهالفترة هي اللي تحدد قابليتها للحمل او لا
فان وجد بويضه واحدة على الاقل كامله وسليمة وعادة عند معظم السيدات في اليوم ال14 الدورة
ينفجر غلاف هالبويضه استعدادا لدخول الحيوان المنوي وتكون مستعدة لدخولهم خلال 12 ساعه او يوم
فعشان جذي الدكتورة بتعطيج ابرة تفجيريه اللي اهي تقوم بتفجير الغلاف المحيط للبويضه وبعد عشان
تحدد الوقت اللي بيتم فيه التلقيح الصناعي او حتى الجماع العادي تقريبا يعطون نفس النتيجه
وبالنسبة للعينه لازم ما يزيد الوقت عن نص ساعه من خروجها لان احتمال الحيوانات تموت ويقل عددها
وبالتالي تقل الفرص
اتمنى من الله العزيز ان يرزقج وكل محروم بالذريه ياااااااااااااارب

 

[فوفه]

اختي انا سويت التلقيح مرتين مره تعالجت بأبر وكانت الابره يوميه وكنت اخذها بنفس الساعه كل يوم وبعدها خذيت ابرة التفجير ومره بالكلوميد وبعدها هم خذيت ابرة تفجير وابرة التفجير مالها اي اعراض ولا مخاطر يعني ما تحسين بشي ... واختي بالنسبه للعينه كنت اخذ العينه معاي وألفها بقصدير واحطها بسحاب الجنطه عشان ما يحوشها بروده واول ما اوصل اوديها المختبر بعدها تقريبا بساعه او اقل يسوولي التلقيح ....ويخلوني منسدحه على ظهري لمدة نص ساعه ويعطوووني مجله اللهي روحي فيها :krkrkr: وعقبها يقووولولي توكلي روحي بيتكم ومارسي حياتج الطبيعيه وكانت تقولي دكتورتي لازم يصير في جماع اليوم وباجر...

انصحج انج تريحين نفسج عقب التلقيح وما تبذلين اي مجهود وتمي كله منسدحه على الاقل اول يومين بعد التلقيح

:ggdw:

عسى الله يرزقج يارب بالذريه الصالحه ويرزق كل محرومه يارب

 

[غنوة ستايل]

اهي ابره تخلي البويضه تطلع من المبيض وتتجه الى الرحم
تساعد في سرعه حركتها لان البويضه تكون ثقيله شوي .. فيبي لها دافع

 

[أم بتول]

مشكورات خواتي على المرور
الله يسلمكم أمس بليل خذيت الابرة و الله لا يوريكم
ملاك الرحمة اللي عطتني الابرة
الأصح ملاك العذاب
مكان الابرة للحينه ورمان
المهم بعد ساعة من أخذي الابرة بدت اتصير معاي اعراض وايد منها
غثيان ، آلام بالخاصرة ، دوخة لدرجة اني فقدت توازني
و اليوم أحس إن جسمي كان وايد تعبان و منهلك لدرجة إني لأول مرة بحياتي أنام الظهر لمدة خمس ساعات
علما بأني من سابع المستحيلات أنام الظهر
و باجر الصبح موعد التلقيح في مستشفى الهادي
و الله يستر
و لا تنسوني بالدعاء

 

[*me*]

حبيبتي الف سلاااااامه عليج الأعراض تختلف من وحده لوحده ماعليه كله بأجره إن شاءالله
وياااااااااااااااارب اتسوين التلقيح واتحملين واتييبيين أحلى توأم بس قولي ياااااااااااااااااااااا رب ياااااااااااااا رحيم

ياااااااااااااا رب ارزق أختي ام بتول وارزقني وكل محرومه بالذريه الصالحه عاجلا غير آجلا ياااااااااا كريم يا رزاق يا وهاب يا رحييييييييييييييييم

 

[أم بتول]

سؤال : الابرة التفجيرية بس تفجر البويضات الناضجة
ولا كل البويضات حتى اللي مو ناضجه لأن الدكتورة قالتلي ان بس بويضة وحدة عندي ناضجة
و صج انها تخلي يصير توائم و اشلون اتسوي توائم و اهية مو ابرة منشطة

 

[الغــ مرت ــالي]

الابره اهي اطلع البويضيه من مكانها

والعينه لازم تيبنها بسرعه بس جنه يصير من البيت

 

[موني موني]

انه عطونياها قالتلي الدكتورة تسهل الاخصاب و مثل تقشر البويضة .. تزهبها للاخصاب .. و عطتني معاها حبوب تثبيت .. لمده 14 يوم ....

و قالتلي الجماع باجر و عقبه .. بس حسيت بتعب شوي مثل ما قالوا البنات عوار مثل عوار الدورة ..