عفيةً امهات ساعدوني بنتي فيها حرارة

[نور83]

اشلونكم امهات الله يخليكمً عيالكم يارب ويحفظهم من كل شر عفيةً خواتي ساعدوني امس طعمتً بنتي سم الله عليها تطعيم بو سنه والكل قالي لا تحاتينً ما يسوي حرارة الحين بنتي حرارتها مرتفعة و تكرمونً فيها اسهال شسوي عطيتهاً أدول وكماداتً بس بعرف منو طعمتً عيالها تطعيم سنه وصار معاها جذي عفيةً قولولي حدي خايفةً وأحاتيهاً ناطرةً ردودكم خواتي قولولي شسوي.

 

[ضايعه بينهم]

لا حبيبتي لاتخافين تطعيم سنه اصلا تجي حراره
بس حطيلها تحميله تنزل الحراره افضل انا جذي مع عيالي
وجيبي لها كمادات الجل من الصيدليه وراح تدعين لي
ع طول تنزل الحراره واذا ردت حطي تحمليه طبعا كل ٨ساعات
وماتشوف شر

 

[ملاك ^ الحب]

اي تعيم بوسنه لازم الياهل ترتفع حرارته عادي بس عطيه ادول او تحميله وكمادات وانشالله ماعليه الا العافيه

 

[عشقي فرنسا]

عادي ياقلبو وسعي الخاطر
التطعيمه تجيب حراره طبيعي
لاتحاتين​

 

[نور83]

يعطيكم العافية خواتي ما قصرتوا وديتهاً المستوصف و عطاهاً تحميلة بس هم ما نزلت حرارتها وصلت ٣٩ بس الحين بوديهاً المستشفى

 

[دلع86]

تطعيم السنه مايسوي حراره
شوفي يمكن تغيير الجو ولا التهاب
بس لمن تشوفين الحراره ارتفعت على طووول سبحيها بماي دافي خليها بوربع ساعه جذي وبعدها لبسيها ملابس خفيفه وفي لزقات ينحطون علجبهه بالصيدليه تحصليهم وايد زينين
الله يشفيها ويخليها وانشاء الله مافيها الا العافيه