عـــنـــدج فــيــزا ومـاســتر

[CHANNEL]

غالياتي انا امس اتناقش ويا رفيجتي اقول لها عندج فيزا وماستر كارد تقول لي منو ماعنده بالكويت عايشين عليها الاوادم شي مضمون لهم ويخدمهم بنفس الوقت طبعا اهيا ماخذته عن طريق بيت التمويل وماعليه فوائد


سؤالي هل فعلا الاغلب او الكل عنده فيزا وماستر؟ وهل تنفع او لا؟
انا مضطره اسوي عشان سفراتنا فجائيه من جذي احطها حتياط عشان ماتوهق يعني للظروره القصوى واذا ماستخدمتها بعد سنه بكنسلها ان شاء الله؟

وانا دقيت على البنك استفسر وايد لويه وفيه 3 انواع ومادري شنو انا باخذ اللي فيها 800 احد ماخذها يقول لي شلون الطريقه مو قادره افهم يعني اذا ماستخدمتها بعد سنه اردها عادي بدون شي واذا ستخدمت نصها ياريت تفهموني طريقتها:eh_s(10):

 

[brettey]

شوفي انا تبع بيت التمويل اضمن شي لان باجي البنوك نصب واحتيال انا على معاشي اول مافتحت كانت ب 700 بس كنت اتأذى معاها يعني سحبتها كلها عقب يقصون علي بحدود 200 او 300 كل شهر وكنت اتأذى وارد اسحبها واذا نزل معاشي يردون ياخذونها وهم ارجع اسحبها وهكذا
بس يوم زاد معاشي فتحت الي ب 1200 قيمتها السنويه كل شهر يقصون 10 لمده سنه كامله بس اول سنه بس انه كل شهر يقصون مني 100 واذا خليهم وماسحبتهم وتسدد مبلغ بحدود 500 يقصون 70 يعني جنج داشه جمعيه بس اذا سحبتي منها بماكينه السحب الالي عليها رسوم واذا سحبت منها وانتي تشترين بمحل مثلا سوق او مكتب سفريات بتدفعين بالفيزا او ........ الخ مافي رسوم
بس تبين نصيحتي لا تفتحينها الا اذا كلش مضطره

 

[أنفاسي دخون]

نصيحة لا تفكرين تاخذينها انحاشي والله ما تشوفين الا الخساير

رفيقتي بنك التمويل خذت الفيزا والماستر والبطاقات بالاظرف كنسلتهم خذوا على كل بطاقه خمسين دينار من زود النهيبه وانا والوطني اول سنه ما خذوا رسوم عقبها على كل بطاقه مبلغ وقدره واللي يقهر اني ما استخدمتهم الا مرة وحده بس وحق تعبئه رصيد ما تسوى علي عبيت بعشره خذوها عشرين ويوم جيت اكنسلها خذوا على كل بطاقه 60 دينار حسبي الله ونعم الوكيل اقولهم ما سحبت منها شي يقولون قانون اي قانون يا بابا هذا نصب وزوجي ما ادراك وش سووا بزوجي اقسم بالله العلي العظيم والله يشهد علي ان معاشه اللي نزلوه قبل عيد الفطر اسحبوه كله والله ولا فلس حسبي الله ونعم الوكيل فيهم وفي من شار عليه ياخذ الفيزا :eh_s(14):

واذا قصدش للسفرات والطوارئ حاولي تسوين حساب توفير احسن لش حييييل

وتقبلي نصيحتي ومروري بصدر رحب

 

[ام علاوي وعزوز]

كانو عندي بس كنسلتهم لانهم انهبو المعاش نهيبة
خلج على معاشج وكل شهر خشيلج فلوس حق الضرورة والسفرات المفاجئة انا اسوي جذية وارتحت لا فيزا ولا خرابيط الفلوس اللي اخشهم كأنهم من الفيزا بس الفرق ان ما فيها نهيبة

 

[SPIDER-WOMEN]

انا ماعندي ولا ابي يصير عندي انشالله الله لا يعوزنا لها ماوراها الا الفسفسه والخراب

 

[MyLittleBerry]

لا والله مو الكل عنده

انا عندي فيزا بس تعبئه يعني فاضيه اعبيها من حسابي واستخدمها اذا بشتري من الانترنت بس

 

[¤§ زيتونة §¤]

حبيبتي


اذا تقدرين تتحكمين فيها وما تصرفينها اول باول طلعي وخشيها للسفر بسسسسسسسسس


اما اذا مو ضامنة نفسج تقدرين تخشينها فانصحج لا تطلعينها لانها راح تفضى على طول من تخلصين معاشج ترجعين لها وما يبقى فيها ولا فلس


انا كان عندي اثنينهم بس كنسلتهم وافتكيت ومعاشي كافي والحمدلله

 

[قهوة برية]

خواتي كفو وفوا .!!!

نصيحة خليج ع معاشج ابرك واخصمي مبلغ معين بحساب 2

عشان وقت العازة

 

[فطفط نجد]

انحاااااااااااااااااااااااااااشي عن الفيزا والمااااااااااااااستر

 

[شندوخه]

كلامكم خرعني انا كنت ناويه افتحلي وحده بس الحين خلاص شلت الفكره من راسي

 

[.. مـــلاكـ ..]

الفيزا ادماااان

ديري بالج

موفقة

 

[*أم*خالد*]

خواتي

كل شي في الدنيا له حدين .. زين وشين
حتى الأكل واهوا نعمة من رب العالمين ممكن يكون داء وممكن يكون دواء على حسب استخدامج وانتي بعد قيسي اشياء وايد مثل النت والبلوتوث وغيره .. شلون ناس استخدموها صح وناس اساؤو استخدامها


الفيزا والماستر ما انحطوا حق الصرف الدائم .. يكونون لوقت الحاجة .. مثل الدين .. انتي بدال لا تتسفلين من احد .. تدفعين بأحد الكروت الائتمانية بس هاا ؟ مايمر يوم التسديد الا وانتي مصفرتها .. يعني مايطالبونج ولا فلس حمر كله مكيشته .. يعني مو تمشين وتصرفين فيها على كيفج جنج تقرفين فلوس من جليب وعبالج هالشي مايرد عليج والبنك ماراح يطالبج بفلوسه لا غلطانه

انا عن نفسي .. مستفيده من نظام المكافآت تبع الوطني .. شلون ؟
الحمدلله معاشي يكفيني .. بس في محلات لمه اشتري منهم باحد البطاقات الائتمانية تبع الوطني .. تنحسب لي نقاط .. والنقاط يسوونها لي كوبونات مشتريات .. يعني من هالكوبونات جني مطلعه فلوس الاشتراك السنوي
ودايما لمه اصرف منها .. ادش الانترنت واصفرها بحيث مايمر يوم 3 أو 4 الشهر الا واهيه صفر عشان مايسحبون مني مع الفوائد
وبسس

جذي تستفيدين منها وتتجنبين مخاسيرها

نصيحه بالنسبه للسفر لا تسافرين على الدين .. يعني اذا ماعندج فلوس تسافرين او تصرفين وحاطه ابالج بتصرفين من البطاقات الائتمانيه لأ
واذا ناويه تستخدمينها خلي استخدامها محدود جدا للأشياء الضرورية .. انا شريت فيها صوايغ تخيلي ووايد صرفت .. بس كنت حاطه ابالي اني اصفرها اهوا أول اهدافي .. ما اقول البنك حرامي لأ أقول انا غلطانه اني كنت اصرف بجنون وانا عارفه العواقب

وفي النهايه .. الشي اذا استخدمتيه صح بتستفيدين منه .. واذا اسأتي استخدامه راح تتحملين العواقب
اوزني الموضوع بعقلج وتوكلي على الله

 

[*أم*خالد*]

خواتي

كل شي في الدنيا له حدين .. زين وشين
حتى الأكل واهوا نعمة من رب العالمين ممكن يكون داء وممكن يكون دواء على حسب استخدامج وانتي بعد قيسي اشياء وايد مثل النت والبلوتوث وغيره .. شلون ناس استخدموها صح وناس اساؤو استخدامها


الفيزا والماستر ما انحطوا حق الصرف الدائم .. يكونون لوقت الحاجة .. مثل الدين .. انتي بدال لا تتسفلين من احد .. تدفعين بأحد الكروت الائتمانية بس هاا ؟ مايمر يوم التسديد الا وانتي مصفرتها .. يعني مايطالبونج ولا فلس حمر كله مكيشته .. يعني مو تمشين وتصرفين فيها على كيفج جنج تقرفين فلوس من جليب وعبالج هالشي مايرد عليج والبنك ماراح يطالبج بفلوسه لا غلطانه

انا عن نفسي .. مستفيده من نظام المكافآت تبع الوطني .. شلون ؟
الحمدلله معاشي يكفيني .. بس في محلات لمه اشتري منهم باحد البطاقات الائتمانية تبع الوطني .. تنحسب لي نقاط .. والنقاط يسوونها لي كوبونات مشتريات .. يعني من هالكوبونات جني مطلعه فلوس الاشتراك السنوي
ودايما لمه اصرف منها .. ادش الانترنت واصفرها بحيث مايمر يوم 3 أو 4 الشهر الا واهيه صفر عشان مايسحبون مني مع الفوائد
وبسس

جذي تستفيدين منها وتتجنبين مخاسيرها

نصيحه بالنسبه للسفر لا تسافرين على الدين .. يعني اذا ماعندج فلوس تسافرين او تصرفين وحاطه ابالج بتصرفين من البطاقات الائتمانيه لأ
واذا ناويه تستخدمينها خلي استخدامها محدود جدا للأشياء الضرورية .. انا شريت فيها صوايغ تخيلي ووايد صرفت .. بس كنت حاطه ابالي اني اصفرها اهوا أول اهدافي .. ما اقول البنك حرامي لأ أقول انا غلطانه اني كنت اصرف بجنون وانا عارفه العواقب

وفي النهايه .. الشي اذا استخدمتيه صح بتستفيدين منه .. واذا اسأتي استخدامه راح تتحملين العواقب
اوزني الموضوع بعقلج وتوكلي على الله

 

[!! الواصليّـــــة !!]

شانيل
نصيحتي لاتفكرين فيهم انا من كثر ماتعقدت منهم صرت اتخيلهم رياجيل ههههههههههههههههه
لما خذيتهم قبل ، معاشي صار ماله قيمه والله كلش ماله قيمه
ومن كنسلتهم ارتحت وصرت اخذ معاشي وانا الضحكه هالكبر
انا كنت تبع الوطني تن تن تن << مسويه نغمه يعني !
ومايحتاج اقولج عن الوطني ابو النصب والاحتيال هم وبعيرهم المسطول !

 

[مسوكه^^]

والله اسالين عن الفيزا والماسترررررر
والله خساير وهذا غير الفوائد ودبل دبلات ياربي
انحاشي عنهم بس

 

[MissChoco]

شانيل من صجج!! لا يبا لا تاخذينها لا يقصون عليج

انا رحت البنك وكلموني عنها وقالولي زينه حق السفر ومادري شنو, وليش زينه حق السفر!! مثلا اذا انقصتني افلوس اسحب على كيفي وجذي
والله الله يعافي ابوي الي كل شوي يحولنا احسن منهم


وبعدين كل شهر بيقصون من معاشج شنو مستفيده!!


انا عندي فيزا بس الي مافيها ولا فلس وقد ما ابي اعبي فيها واسخدمها بالنت بس



ونصيحه بيت التمويل كل واحد يقولج كلام غير مالج شغل فيهم .. انا ماشفت بنك يوهق العملاء غير بنك التمويل

لانه صارت وياي سوالف معاهم وماكو فايده فيهم ليومج هذا .. اشكر خدمات ابطلهم و اوقع عليهم وتخيلي مايبطلونهم حقي!! اي ليش جذي يعني وقت خلاص!!


وكذا شغله بالنت اشتريها اخر شي البطاقه مو مفعله .. وربج يفعلونها اكثر من مره ويقولون فعلناها ومافعلوها!!




يعني نصيحه بيقصون عليج وبيعطونج معلومات غلط ابـ غلط نفس ماسوو فيني اخر شي ابوي قام وشرحلي لانه يعرف

 

[سارونه87]

انا ماعندي ولا افكر
مسكينه رفيجتي عندها ماستر وفيزا ولاعبين لعب بالخصم

 

[جوجو.]

الفيزا حق السفر شكو استخدمها بالكويت بعد
المعاش وخلاص
بعد فيزا
اذا بتفتحين اللمت بو 800 خليه حق سفر أو لاسمح الله صار شي احتجتي
مو حق الكويت
هذي نصيحه

 

[CHANNEL]

مشكوووووووووورين كلكم


وانا ببطلها مو عشان اهني والصرف وو..الخ الحمدلله انا اوفر من معاشي لمه اخر الشهر وانا قلت بسويها حق لاسمح الله حق السفر والوهقه ومافكر اسحب نقدي منها بتاتا يعني حاطتها استاند باي بجربها سنه اذا اوكي ومسويه كنترول على روحي بخليها لانه ماتدري ساعات توهقين بالسفر ولاشي ويكون عندج الفيزا والماستر


وانا خذيتها من بنك التمويل ام 800 وقالت لي اذا فرضنا انج سحبتيها 800 كامله بالفيزا اول قصدت مايتعدا ال65 ويقل ويقل لمه سنه تتصكر عندج وتقدرين تصكرينها وانا مو معقوله بطيرها كلها لانه ماحتاجها الا حق الطوايء ومشكورين

 

[Raveena]

انا عندي فيزا انترنت اعبيها و اطلب

و عندي ماستر كارد ما استخدمها الا اذا رحت محل و مشارك في مكافآت الوطني اما اني اسحب منها لا

كخليتها حق طلبات النت اللي ما يقبلون فيها الفيزا و انا ما ادفع فيها بعد 3او 4 ايام اسددها علشان ما ياخذون علي عمولة



حق السفر تنفع اذا كنتي متوهقة ..انا ما استخدمتها لما سافرت لاني كنت موفرة مبلغ و كنت استخدم كرت البنك العادي