عـادي ولا اروح المستشفى ؟؟

[عبث طفله]

قوه بنات .. انا حامل بأول الرابع

تكرمون من الساعه عشر بالليل امس وانا معاي اسهال ..لحد الحين ومغص بالبطن

اروح المستشفى ولا عادي ؟؟ انا الصراحه ماودي اراجع الحين موعدي بعد اسبوعين تقريبا بس ادا مو زين بروح باجر ؟؟

 

[al om]

حبيبتي روحي الطبيب احسن علشان تطمنين وماتشوفين شر

 

[Diva-Q8]

اذا يوم مايظر يمكن حايشتج بروده دفي نفسج واكلي بطاط مفيوح انا صار معاي جذي بس اذا طول اكثر من 3 ايام يعني في شي غلط لازم ترووحين عشان لايصير فيج جفاف لاسمح الله وسلامتج

 

[ReRez]

اذا استمر اكثر روحي وربي يشافيج ويسهل عليج ان شاءالله

 

[.. Dior ..]

يمكن ماكله من المطعم ولا اكل مو نظيف ع العموم الحامل معدتها حساسه

اكلي روب وريحي نفسج ماعليج الا العافيه بس اذا استمر معاج لباجر روحي للمستشفى

انا نفسج حامل بااول الرابع ومرات يحوشني اسهال بس اهم شي مو قوي ومع مغص

وماتشوفين شر

 

[dlll3]

اذا اسهال واجد يعني اكثر من مره روحي للطبيب

 

[عبث طفله]

انا صج ماكله فطاير من المطعم بس اهلي اكلوا معاي ما صار لهم شي ..

الحين وقف بس المغص لي الحين فيه ..

يعطيكم العافيه

 

[شنوووفه]

حبيبتي انا صار معااي جذي بس ديري بالج الاسهال مو زين للحامل ينفتح الرحم حطي قلاص في نص مااي وحطي قفشه كبيره نشا وحده بوحده ييبس بطنج وكله اكلي مفيووح

 

[الباحثات عن الجمال]

الف سلامه عليكي روحي للطبيبة افضل من الانتظار.

 

[عبث طفله]

شنوفه ماقصرتي بروح اسوي اللي قلتيه .. عاد انا رحمي على طريف ينطر اي شي عشان ينفتح الله يستررررر

الباحثات عن الجمال .. العصر بروح ان شاء الله ادا ما وقف المغص

 

[انجبر قلبي]

يـا قلبي عبوث ما تشوفين شر انشالله

والله ما ادري بصراحة بس انا صارت فيني يوم كنت بالشهر الثالث

استمر معاي ثلاث ايام يمكن و راح من نفسه الظاهر كانت حايشتني بروده

بس كنت اكل روووب لأنه يمسك البطن ..

و بطاط مهروس و مووووز كلها تمسك البطن

اكلي الشغلات اللي تمسك البطن لان مو زين يطول معاج

انشالله يكون من بروودة ويروح ولا يكون من شي ثاني​

 

[عبث طفله]

تسلمين حبيبتي جبوررره ..

ان شاء الله يكون برد ..

اكلت بطاط مفيوح وروب .. والحمد لله زينه الحين ..

 

[الخزامه]

سلامتج حبيبتي وماتشوفين شر

 

[روعة خيال]

انا لمن كنت حامل اكلت من المطعم و خواتي كلوا معاي انا تسممت و صار فيني تسمم بالدم و اهم ما فيهم الا العافية

دخلوني المستشفى يوم كامل و عطوني مضادات و دربات

ديري بالج على عمرج