حاليا استخدم كريم ماركة كاثي دالاس
kathy dallas kd 25 cream
سعره 39دك
هالكريم جد عجيب
انا وجهي فيه مسام وحفر بسيطه واحس ماكو نظاره ويبيله شد
هالكريم احسه شد وجهي واختفت الحفر اهم شي
مع انه ما كملت اسبوع وانا استعمله احس ريح وجهي وراحت علامات التعب
وبستمر عليه ان شاء الله
انا احط منه لما ارجع من الدوام وبالليل قبل انام
وهالغسول استعمله العصر لما ارد من الدوام
هو مثل رغوة تنظف وتبيض
اسمه دكتور وايت من جينفشي
الصبح لما اقعد اغسل بصابونة الاحماض
واحس تشد وجهي وتمنع افرازات الدهون اللي تسبب الحبوب لان بشرتي دهنيه
من استعملت هالصابونة انقطع الحب وخف
عند العطار بدينار
وبالجمعيات مره حصلتها بنص دينار ومره ب800فلس
بالليل اغسل بغسول جل خفيف
بالصيدليه سعره 7 دك
خفيف ويناسب البشره المتهيجه والمتقشره
وبالنسبه للرؤوس السودا اللي على الخشم
احط مره باليوم لما ارجع من دوامي
جل بنزاك 5
احس فعلا صغر المسام اللي على خشمي وقاعده تختفى النقط السود وصغرت ومو واضحه حتى خشمي صار يلمع من كثر ما الجلد صار مشدود
بالنسبه لاحسن مرطب للبشره الدهنيه
هو كريم بيبانثين
مو الجل لا الكريم
هذا المرطب الوحيد اللي ما طلع لي حبوب وتشربه البشره بسرعه بدون تدبق
وبالنسبه لواقي الشمس
قاعده استعمل حاليا واقي ماركة ديرماهيل واحسه مبيضني
سعره 13دك بالصيدليه
وبالنسبه لمنطقة بين الافخاذ لان يحتكون ببعض
قاعده احط سودو كريم واحس بيض هالمنطقه
طبعا انا من قبل مقشرتها بكريم ترتيوسبوت المصري
بالنسبه لمنتجات فير اند وايت
استعملت المجموعة حقت حب الشباب سعره ب24 وفاشله
جربت مجموعة برو اكتف من تلي سين
وكانت حلوه
عجبني منها الغسول والكريم حق الحبوب والتونر وحتى الماسك احسه يريح
شريت من قبل من فير اند وايت مثل علبه فيها زيت ثقيل قالي للصيدلي للركب والاكواع
وما فادني مع اني التزمت
تقريبا نفس علبة هذا
بس ناسيه الكلام اللي عليه
جنه اللي متاكده منه انه مكتوب عليه تفتح
قبل كنت استعمل هالماسك مكتوب عليه لتنظيف البشره كان حلو وبارد
بس حاليا قطعته
اذا تذكرت شي راح ارجع اكتب
