عطيتهم عشق من قلبي وعطوني صد وجرووح <<<تعاااالو سااعدوني محتاجتلكم

[ĐāℓốŎố3āђ]

السلام عليكم خواتي الي مالي غنا عنكم ..

اول شي انا عضوه قديمه بهالمنتدي بس ماحبيت ابين لاحد وشبكت من نك ثاني

بدخل بالموضوع على طول ...

بنات
عمتي اخت ابوي واهيا خالتي ام زوجي بنفس الوقت

انا كنت ساكنه عندها بدار وحده وتكرمون حماام واحد بس

وقعدت عندها لمدة سنه على ماولدت ويبت احلى مريومه ...

والصراحه انا بليل ايوع واستحي اروح المطبخ اسويلي شي اكله وبنتي هم تبي اسويلها اكل وانا الصراحه مالي خلق كل يوم اطلع اروح اسويلها اكل

المهم شريت جوله صغيره نقزر فيها وذاك اليوم اشتهيت معكرونيه وسويتها بغرفتي جان تيي مرت حمااي تضحك تقول ماشاءالله غرفتج صارت مطبخ وغرفت نوم وصاله وطلعت
انا الصراحه حزت بخاطري وعمتي تحسبني حاطه فبالي انها طاردتني من المطبخ .. بس حشى ظليمتها شينه لا طردتني ولا قالتلي شي وقالتلي متى ما تبين شي عند المطبخ مفتوح
وكلمت ريلي وقلتله السالفه مرت حمااي ...

المهم مر اسبوع وفجاة قالي ريلي دوريلج شقه ودورنا ولقينا واثثناها وكل شي صار بسرعه

وعمتي تحسبني زعلانه وقالت لزوجي ماتدخل بيتي ليش انا شنو سويت ولا عمري قلت كلمه تكدر خاطرها فيه ولا عمري طولت لساني عليها ولا عمري سمعو حسي ببيتهم ؟؟ شنو السبب ؟؟
طلعت تغاار تقول لزوجي ترضى احد ياخذ بنتك منك وتحسبني انا قايله لزوجي نطلع وتحسبني ماخذه ولدها منها ...

والطامه الكبرى قالت لزوجي اشرايك ادورلك وحده وانا اخطبها لك وعلي تكاليفها ومهارها واسكنها بالشقق الي عندي فووووق <<< هذا كلام زوجي لي

انا قلت الله واكبر انا الي صارلي سنه و 4 شهور حتى مهري للحين ماجاببوووه وكانت مسكنتني بغرفه وحماام وهاذي الي تخطبها لك تسكنها بغرفه

وهذا انا بنت اخوووها الي ما جا مني شي وحريم اعيالها الباقين مطلعين عيونها جذي تسوي فيني

وينك يا يبا تسمع كلام اختك من لحمك ودمك شنو تبي تسوي فيني بس اقول الله يرحمك ويطيب ثرااك

تدرون ليش يابلي طاري انه يتزوج غيري على قولته انه انا ما اجيه كله اهوا الي يجيني <<< قصدي الحق الشرعي
اذا انت مو معطيني مجااااال ما شاءالله 24 ساااعه ..

بس اقوول حسبي الله ونعم الوكيل


والحين انا ابي الحل ...

هل اقوله تزوج علي ؟؟<<<< وانا افكر بهالموووضوع وانطر الصبح على شان اقوله
او اقول لعمي زوج عمتي السالفه .؟؟
او اسكت وابلع السالفه ..؟

 

[حبك بلاني!]

حاولي ما تكبرين موضوع واستغفري وادعي الله يفرجها عليج انشاءالله ولا تقوليله يتزوج عليج وتبتلشين--->اهو يبيها من الله!

 

[ناتشوو]

الحين كلامج مو واضح
امه اللي بتخطبله لأنج طلعت
ولا هو مو مرتاح معاج بالعلاقة
ولا شالسالفة؟
رتبي افكارج
تلحلحي مع زوجج وتفاعلي
وامه تصارحي معاها
وقولي لها ان غرفة وحدة ماتكفي وان ولدها هو اللي يبي الطلعة
مع ان واضح علاقته قوية بأمه
يعني لو هو يبي الطلعة
اكيد قال لها
في شي غامض وماانقال بالموضوع

والحين انا ابي الحل ...

هل اقوله تزوج علي ؟؟<<<< وانا افكر بهالموووضوع وانطر الصبح على شان اقوله

بالله تتوقعين احد بيشور عليج تزوجينه
واذا نصحناج صج بتقولين له تزوج
ديري بالج ترى اقرو 6الاف قرض للزواج الثاني

او اقول لعمي زوج عمتي السالفه .؟؟

عفوا يعني بيمسكها يؤدبها؟
مهما كان هذي عمتج
عيب تضحكين احد عليها
او اسكت وابلع السالفه ..؟
المصارحة احلى شي

 

[ورده الكرستال]

الله يفرجها عليج حبوبه


روحي لعمتج وبينيلها وقوليلها بعتب



لانه حبوبه الدم عمره ماصار ماي



والله يصلح الحال

 

[القلعة الذهبية]

حاولي تصارحين عمتج وتبينني لها موقفج يمكن يحن قلبها عليج مهما كان تبقون دم ولحم

 

[انا لحبيبي .]

لا ما تفتحتي الموضوع , ولا تقللي من قيمت نفسك بهالموضوع

ولما يكلمك انه امه حكتلو هالحكي ، بس احكي الله يهدي البال ويصلح الحال ، احكيلو ياها بصوت يسمعو

ماتعطيه مجال يصير نقااش بهالموضوع

 

[wedifeek]

لا حول ولا قوة الا بالله

لا ياعمري لا تقولين تزوج علي ولاشي عادالرجال مايصدق بالله

انتي فهمي عمتج السالفه قولي انا استحي اطلع بالليل للمطبخ وبنتي معاي شلون او ومااقدر اخليها بالغرفه بروح لها

وانا حشى عمري ماسمعت منج سالفه تكدر خاطرج والله العاالم اني اعزج واغليج ومن هالكلااام

وانتي من كبر غرفتج تسوين فيها معكرونه بعدين الريحه بالغرفه شلون تطلع

المفروض من البداايه يكون لج مطبخ وشقه بكامل معداتها

المفروض الوحده ماتسكت عن حقها وكل وحده تتزوج تطلب وهذا حقها

انتي شووفي بناتها اذا متزوجات وين ساكنات تلقين كل وحده شقه

انا حااسه فيج يااقلبي وربي معاج حق

انا من تزوجت والحمدالله في بيت برووحي لله الحمد لان اهل زوجي بديره ثاانيه

بس اذا زرتهم مالي غرفه ولا شي ناخذ اي غرفه وننام فيها وهم بالليل اجوع واستحي اطلع

وزوجي يجيب لي خفايف باللليل الحمدالله

بس انا فتره وتعدي

انتي الله يعينج

بس

بس زوجج قال دوري شقه ياخووفج اهوو شااكي لامه انج ماتعطينه حقه الشرعي

ومتفقين من زمان على الزوجه الثاانيه وهو يطلعج بشقه ثانيه

انا مااحرضج على زوجج بس الله اعلم بنواياااهم

والزوجه الجديده يعني بترضى بغرفه وحماام اتحدااج اذا ماسوالها احلى شقه

الحين منو ينزوج بغرفه وحماام استعفر الله

انتي كلمي عمتج وطيبي خاطرها وشووفي وش تقولج

وهم زووجج صارحيه قوليله انا مقصره بشي معاااك

وهم انتي زوجج يقوا انا كله اجيج وانتي ماتجين

ليش اشدعووة انتي ليش ماتتكشخين وتلبسين وتجين زوجج

ترى كل الحريم جذي ماننتظر الرجال يجينا احنا نروح له

عشان مانحسسه بشي او نقصر فيه هم هذي واجبااتنا كزوجاات

والله يهديهم لج يااارب

ومايصير كلاامهم صحيح

وانتي ديربالج على زووجج لا تحسسينه بالنقص

ترى الرجال اذا عاف عاف من قلبه

والرجال يبي اللي يدلعه ويحسسه برجوولته

لا تبخلين عليه بشي هذا حلااااالج

والله يسعدكم يااارب

 

[نونو العصله]

لا تكلمينه ولا شي
قوي علاقتج مع امه
تلحلحي
هديه على كلمه حلوه
روحي زوريها و جيبي معاج حلو

اما بلنسبه لريلج
فضي نفسج له
اطلبيه
لا تعطينهم عذر ابد
مدام شوره عند امه
ارضي امه اول
دوسي على نفسج
ميخالف بترتاحين بعدين

 

[رواضي قطر]

قووى علاااقتك بعمتك ولا تقوليله تزوج ولاشي لان الرجاجيل يبون اشاااره

 

[om_dodo]

الله يعين

 

[اينااس]

الله يعينك اختى واذ زوجك تاثر بكلام امه بس على هالساالفه العفو مو رجل

الى يخلى الغير يدخل في حيااتكم

روحى لعمتك وصاارحيه قولى له انا استحى

 

[شقرديه كيوت]

الله يعينج------

 

[يآلبى ضحكتي:$$]

آنآ مآعندي غير آلدعآء يآقلبي

الله يهونهآ عليج ويسهلهآ يآآآآآآآآآآآآآآآآرب​

 

[أسيـ(^_^)ـل]

ياحليلها المكرونه كانت سبب أنكم تتحررون

حبيتها ,,,


هنا الجانب الحلو في المشكلة انتبهتي له

سكنتو لحالكم

كل شئ راح يتغير

ممكن تغازلينه في أي وقت ,,,,كان لازم اشفرها

بس حبيبتي تعرفين أذن طين وأذن عجين ,,,,,حلوة

ماعليك من القيل والقال ولو بيتزوج ماجا قال لك

خلي علاقتك في أمه مثل ماهي لاتعذرين والا تبرريين شئ

اسكتي

وحتى بينك وبين نفسك لاتفتحين مواضيع من ذا النوع

اش

وادهري بعمرك وبيتك وعطور وحركات

وماعليك من أحد


واتمنى لك السعادة