عطوني رايكم

[yara.g]

ابس اعرف رايكم بمشكلتي اهلي طاردني من بيتهم من 4 سنوات عشان وحدة من خواتي اللة لا يوفقها دنيا ولا اخرة افتعلت مشكلة وسبتني وطردتني وامي كانت تقول انها مو متزوجة يعني البيت بيتها والسبب الثاني انه قوية وماتقدر عليها المهم من داك الوقت انا واوصل امي وابوي بالتلفون بس لدرجة اني نسيت ملامحهم داعسة على قلبي على موقفهم معاي بس اقول مابي اقطعهم زي ماقطعوني المهم اني كل ماكلمت امي الفترة الاخيرة ماتعطيني وجة لانها تبيني اعطيها مصروف شهري وانا كاسة اني مابغى اعطيها شي لاني شايلة عليها كثييييييييييييييير اش رايكم

 

[غداً القاك]

والديك اهم
وانت ومالك لـ أبيك>قول الرسول صلى الله عليه وسلم
ومو زين تدعين على اختك الدنيا شنو بدون اهل واخوان وعزوه
روحي حاولي تقربين منها وافهميها مهما قسينا مايبقى لنا بالزمن الا الأخوان بعد الله
هم العزوه
والاهل والسند والظهر
وامك لو تبي مصروف تستاهل مو هي حملتك وربتك
هذا كافي انك تعطينها عيونك مو مصروف

 

[yara.g]

يمكن انتي ماجربتي اش يعني تنطردين من بيت اهلك 4 سنين لا وبعد لسا الطرد قائم عشان الحلوة موراضية وبعدين انا بنتها بس وقت الفلوس بقي الوقت ماتعرفني ووقفة بصف بنتها حتى بعد ماتزوجت بنتها

 

[غداً القاك]

قلبي انتي قلتيها
تزوجت طيب معناتها مو موجوده 24 ساعه ببيت اهلك
تقدرين تردين للأهل تعتذرين وتقربين منهم
الأم قلبها يحن على ضناها ومستحيل تقسى عليك
صح انا ماجربت اللي تقولينه بس الحل قدامك
قلبي هذي امك جنتك ونارك الجنه تحت رجليها
لو قطعنا بوالدينا وش بقى صدقيني
ترى كل شي ربي يأجل عذابه بالأخره الا عقوق الوالدين يقدمه بالدنيا
وانتِ انها تطلب او تلمح انها تبي منك شي وانتِ قادره ولاتساعدينها يدخل ضمن العقوق
هذا رايي واتمنى افدتك
والله يهدي سركم ويلم شملكم ان شاء الله

 

[yara.g]

انا الحين مطرودة حتى بعد زواجها تقول الوالدة انها ماتقدر عليها تصدقين عاد اني حتى بيتهم ماعرفة لانهم نقلوا بيت جديد حتى مرة قلت ان عندي كروت زواج ابقى اوصلها لهم قالت لي حطيها باي مطعم واحنا ناخدها:eh_s(4):

 

[دره سعوديه]

لاحول ولاقوه الابالله,,,حبيبتي مهماا صار ومهماا يصير هذوول اهلك وهذي امك حق لها لوتبي تسوي فيك مهما سوت لاتنسين فضلهاا عليك من لما كنتي صغيره تحملتك كثيروجاء الوقت الي التي لازم تحملينهاا والله فضل الام وحقهاا علينا واجب وتاخذين الاجر ولاتنسين بكرى بتكبرين وبتحتاجين اولاك اكيدماترضين انهم يزعلون عليك لومهما سويتي فيهم راح تقولين تعبي فيكم لما كنتم صغاار وين رااح..تكفين حاولي تحنين لهم وتحنين قلووبهم عليك حاولي وخلي عندك امل واختك لاتخلينهاا حتى لوهي الغلطانه تمسكي فيهاا وماراح يقسى قلبهاا عليك صدقيني راح تحن لك,,والله يرجعكم حق بعض ويجعلك من البارين في والديه

 

[what's up]

ابوج عاجبه هالوضع ؟؟
بعدين شكو يعني اذا كانت مو متزوجه تصير راعية البيت و انتي ذنبج انج تزوجتي
الله يهداهم
شوفي معاش شهري قويه خلي ست البيت تصرف على امج لا تشترينهم بفلوسج هذا مو حل
اذا تبين من خاطرج عطيها عطيه بس مو شهرية يعني مو معاش
بعد يبون يتقاضون فلوس وظيفة الاهل

 

[ياليل مااطولك]

ابس اعرف رايكم بمشكلتي اهلي طاردني من بيتهم من 4 سنوات عشان وحدة من خواتي اللة لا يوفقها دنيا ولا اخرة افتعلت مشكلة وسبتني وطردتني وامي كانت تقول انها مو متزوجة يعني البيت بيتها والسبب الثاني انه قوية وماتقدر عليها المهم من داك الوقت انا واوصل امي وابوي بالتلفون بس لدرجة اني نسيت ملامحهم داعسة على قلبي على موقفهم معاي بس اقول مابي اقطعهم زي ماقطعوني المهم اني كل ماكلمت امي الفترة الاخيرة ماتعطيني وجة لانها تبيني اعطيها مصروف شهري وانا كاسة اني مابغى اعطيها شي لاني شايلة عليها كثييييييييييييييير اش رايكم

سوالي ما موقفك لاسمح الله لو تسمعين ان والدتك او والدك توفوا وهم غير راضين عليك تعوذي من الشيطان وهولاء الوالدين حقهم كبير كما في الحديث =====رضاء الله من رضاء الوالدين ==== وما عليك من اختك اجعلي همك ارضاء من خلقك بتذللك لوالدين ارجوكي ان تزوريهم فهم الخير والله لو يذهبوا عن هذي الدنيا تعرفين غلاوتهم ومنزلتهم فرجائي لكي ولكي ولكل من با المنتدى الله اللله ببركم لوالديكم كل شي يتعوض الى الوالدين وجميع الاحاديث والايات القرانية تدل على وجوب البر بهم === تعوذي من الشيطان وبكرة روحي لهم وبوسي روسهم

 

[yara.g]

كيف ازورهم وانا مطرودة قالتلي ايها بالفم المليان ادا تبين تشوفين نتواعد باالمول واللة انل ماابالغ وربي شاهد علي وزيدة على كدا مو مخلية احد من اخواني او خواتي يكلمني والي يكلمني منهم ويطمني على اخبارهم طبعا بالسر عشان الحلوة ماتزعل يوم الولدة العزيزة عرفت مسحت فية البلاط صرت مني عارفة العيب في الام او بنتها

 

[yara.g]

على فكرة قبل زواج بنتها كلمتني تصيح وتقول سامحني انا مابيدي شي انا ماقدر عليها وماقدر اعزمج بالزواج انتي ماعمرج ضرتني ولاعمر شفت منج شر والمهم ادا احد من الناس سال بنقول لهم انج مسافرة :bbbiu: وبعد مانفدت لها طلبها وانتهى الزواج رجعت زي ماكانت ولسسسسسسسسسسسسسسا مطرودة حتى بعد زواج الحلوة

 

[yara.g]

ابوي مرة كلمتة منهرة اقول لة عاجبك الي قاعد يصير قالي ماني شايف شي انت عايشة واحنا عايشن قالت لة انا ماقدر اجي البيت مطرودة انت تعالي انا مطرت احد من بيتي انا ابغك قدام زوجي تقدرني قالي اية ان شاء اللة ومن يومها من سنتين وانا استنا

 

[dr-faith]

رد : عطوني رايكم

سوي المستحيل عشان ترضينهم

ثبت في الصحيح عن أبي هريرة - رضي الله عنه - أن رجلاً قال :
(( يا رسول الله ، من أحق الناس بحسن صحابتي ؟ ، قال : أمك ، قال : ثم
من ؟ ، قال : أمك ، قال ثم من ؟ ، قال : أمك ، قال : ثم من ؟ ، قال : أبوك . ))
و في رواية قال : (( .. أمك ثم أمك ثم أمك ثم أبوك ثم أدناك أدناك .. ))

وترى الفلوس تغير النفوس حبيها على راسها وعطيها الفلوس
وكثري من الكلام الحلو
والله يفرج همج ان شالله

 

[ياليل مااطولك]

شوفي ماعليش ذلي نفسك عند امك مايخالف وبكي وبوسي يدها وراسها وقولي لها انا ابيك تزوريني في بيتي كل اسبوع على الاقل تقولين انتي وابوي وتظهرين حاجتك لها وتشترين لها اي شي تحبة ووالله انانصيحتي لكي حاولي بشتا الطرق يرضون عليك لان بعد رحيلهم تندمين لنك ما دستي على قلبك حتا لو قلتلك انقلعي او سمعتي كلام شين ما يخالف برك بوالدين يبرك اولادك ===تكفين راضيهم حاولي تعزمينهم ترا الدنيا ما تسوى اليوم معك وبكرة متوفين كم من اناس كنا مع خصومة معهم وماتوا وبكينا ندم

 

[خشف العذارى]

رد : عطوني رايكم

الله يعينج

 

[البندري]

لاتكابرين هذول أهلج و الظفر من عمره من اللحم......... ومثل مايقولون مايحك ظهيرك إلا ظفيرك

 

[*ريما*]

غريبة قصتك بالصراحة
ان شاء الله يرضون عليك

 

[توفـــا]

حاولي في امج مردها قلبها بيحن لج هذي ام اهم شي امج وابوج والباجي مالج شغل فيهم والله يرجعكم مثل قبل واحسن

 

[yara.g]

يعني عادي انا انطرد من البيت عشان بنتها؟ 4 سنين؟ عادي اني انكسر قدام زوجي؟ عادي تمر علي ايام وليالي ماقدر انام من الي سواة فيني ؟ عادي لما احد من الناس يسالها عني ماتقول الحقيقة وتقول ان انا باعدة نفسي عنهم؟ عادي بعد كل الي صار ادفع لها راتب شهري مكافاة على الي سوينة فيني؟ ادا كان في عقوق والدين فية بعد عقوق ابناءة انا ماحسبها على الي سوتة بنتها بس مفروض هي ما تدخلت بالموضوع ولا وقفت مع بنتها وبعدين انا عارفة انها محتاجة فلوس بس لية بنتها ماتعطيها لية انا الحين لازم اعطيها الحين توها تتدكر ان عندها بنت

 

[yara.g]

وينكم بنات ابي رايكم

 

[مس روبنز]

قلبي انتي قلتيها
تزوجت طيب معناتها مو موجوده 24 ساعه ببيت اهلك
تقدرين تردين للأهل تعتذرين وتقربين منهم
الأم قلبها يحن على ضناها ومستحيل تقسى عليك
صح انا ماجربت اللي تقولينه بس الحل قدامك
قلبي هذي امك جنتك ونارك الجنه تحت رجليها
لو قطعنا بوالدينا وش بقى صدقيني
ترى كل شي ربي يأجل عذابه بالأخره الا عقوق الوالدين يقدمه بالدنيا
وانتِ انها تطلب او تلمح انها تبي منك شي وانتِ قادره ولاتساعدينها يدخل ضمن العقوق
هذا رايي واتمنى افدتك
والله يهدي سركم ويلم شملكم ان شاء الله

وآنا معاها


وسلاحج الدعاء