عطوني حل بسرعه

[مس وردة]

عرايس شلونكم من فتره كرهت خطيبي المسكين ماسوالي شي وانسان محترم واايد بس كل ماشوفه يضيق صدري حيل من ناحيته مع اني كنت موافقه برضاي وشايفته يوم الخطبه بس الحين كل مااشوفه اقول موحلو وجيكر بس اهلي يقولون شكله عادي مو جيكر كل ما اشوف احد غيره اقول ليش هذا اللي ماخطبني واندم علي حظي مع ان اهلي يقولولي اذا خليتيه انتي اللي خسرانه ولا الف وحده تمنا واحد مثل اخلاقه ومراح يتعطل انتي اللي راح تقعدين وحتي لو شكله مو حلو علي قولتي ياخذ احلي وحده مراح يتعطل الحين يبنات ابي حل شسوي

 

[ذايبه بغرامك]

يووو كنك انا ... بس انا ماشفته بس اكلمه بالواتس بس ياختي احسه مو ناضج .. احسس اني اكبر منه
ونفس كلام الأهل يقولون لي انتي اللي بتتعطلين
مدري شسوي

 

[شيخه الخوالد]

شوفي هالشعور حتي أنا احس فيه وأتوقع انه مو من أهلج او قبيلتج فعلشان من كثر ما انتي خايفه منه قمت تكرهين وتعوذي من ابليس وحلو ولا مو حلو علي نفسه اهم شي يكون راجال وإخلاق ويخاف الله فيج هذا المهم وطنشي هالشعور ولا تقعدين تقرانينه بغيره وهذا زوجج واختارج من بد البنات وتمدحي ربج ان الله يرزقج غير في بنات ما حالصهم وعن سوالف اليهال وراح تحبينه بس انتي خايفه أني راح ياخذج من أهلج او انه يغيرج اهم شي ادعي ربج بالتوفيق والصلاح هذا اهم شي واكثري الاستغفار وهذا رجلج لازم تحبينه وتخافين علي وسلامتجج

 

[^لغموضي معاني^]

حبيبتي تعوذي من بليييس

وقومي توضي وصلي لج ركعتييين


ودام ان اخلاق وكلن يذكره بالخير ليش بتخليينه


واذا ع الزين عاادي يااقلبي يكون انساان ماينتقبل يعني فيه اعاقه ولا في تشوهه عشان تقولين مابيه

 

[آنثى خورآفيه !]

ككله وسوآس من الشيطآن

تعوذي من آبليس

الرجـآل مو بالزين و الشكل آهم شي آنه طيب و آخلآق

لو كل وحده تبي لهآ وآحد كآمل جآن محد تزوج

آنتي اللي بتندمين و آلله

 

[قلبهـ 86]

تعوذي من الشيطان واقري وكثري الدعاء

احمدي ربج غيرج مو محصل ،،،، اسمحيلي والله اقري واحمدي ربج ع الرجال انه محترم وكافي انه شااااريج

 

[قطوه بطه]

نفسي

بس الحمدلله نصيب وراضين فيه

 

[مس وردة]

ااااااااب

 

[نبض آلخفوق]

حبوبه تعوذي من ابليس ...

شفايدة الجمال اذا اخلاقه زفت > حشاكم ...

والله والله اعرف ناس مزيييين واخلاقهم زفت للأسف

استهدي بالله واتركي عنج هالوساوس اهم شي اخلاقه بعدين راح تعرفين معنى كلامي واذا صار زوجج وحبيتيه راح تشوفينه ملااااااااااااك

 

[حلى الملكي]

اهم شي الاخلاق ((الانسان بلا اخلاق كالشجرة بلا اوراق )) لا تفكرين بالجمال >> الجمال جمال الروح والا الشكل مرده بيروح لاي سبب من الاسباب حادث تشوه لا سمح الله >> بعيد الشر عنكم بس الواحد يعيش يومه ويقتنع بنصيبه وبعدين مع العشرة بتحبينه وتشوفينه ملاك بس حمدي ربج ولا تقارنينه بغيره

 

[مس وردة]

مشكورين علي الرد وبحارل اتقبله

 

[طالبة1990]

هذا ابليس يوسوس لج

والدليل انج اذا شفتي اخد غيره قلتي ليش مو هذا خطيبي


لاتستعجلين بالزواج وبنفس الوقت لاتصارحينه بشعورج


همن مو سهلة تعيشين مع واحد مو متقبلته بس لان اللي حولج يشوفون انه مايتفوت

وبنفس الوقت لاتظلمينه وتظلمين نفسج

لان الشكل شي مو بيده وخلقة ربي

وماتدرين يمكن باجر تاخذين واحد يحاسبج ويعايرج على شي مو بيدج <<<< تفكير اهلج هع



ادعي واستخيري ان وبي يدلج ع الطريق المستقيم

واتوقع شي طبيعي لانج مقبلة على شي جديد خايفة منه


الله يكتب لج اللي فيه الخير

 

[بنوته ستايل]

انا بقولج تجربه وحده من رفيجاتي المقربه حيـــــــل,,
زوجها استغفر لله ياربي يخرع <<مو بس مو حلو
ولله هي كانت تشبهه بصدام,,
وبشع لابعد درجه ولله ما ابالغ..
طبعا هي ماعندهم يشوفها وتشوفه..
انصدمت فيه بالعررررس <<<تخيلي موشايفته بحياتها وبعرسها وجهها قام يعطي الوان ..
ولله ان قعدت بعد عرسها شهر تدق علي وتبجي تقول ماااااابيه ولله كارهته ولايعه جبدي منه <<ماتقدر تتطلق لانها قبل هالمره مطلقه,,
وسافرت معاه وطول اليوم تسولف معاي بالتلفون تقول مابي اقعد معاه<<هو حس انها كارهته..
وحتى اذا كلمها ترد عليه بزف مو كلام عادي وكنت انا احاول اهديها
المهم مالكم بالطويله..
الحــــــــــــــين صارلها سنه متزوج ..عندها زوجها اجمــــــــــــــــــــــــل شـــــــــــــــــخــــــــــص بالعالم<<وربي بدون مبالغه
تورينا صوره وتتغزل فيه واحنا مستغربين ع شنو يلوع الجبد تتغزلين ع شنو..
ولله الحين تمووووت بالتراب الي يمشي عليها,,
وكل يوم تتأسف له عن اول العرس..

اسفه طولت بس اقسم بالله هالسالفه صارت جدام عيني وقلت اقولج عشان تتطمنين الله يجعل بينكم موده..

 

[ạ7ạśêś ~]

مو صج .؟
يمكن حبيبتي هذا لي مو عجبج عند ربي اخييييير من الكل
استغفري ربج ولا تشوفين نفسج عليه ترى ( زين لـ الحريم )
ذكري ربج واذا مو عجبج من الحين فليها لا تجرحين هل المسكين.؟
وعسى الله يهديج

 

[Queen2012]

(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)