عطوني أفكار بنات ريلي بيرد من السفر

[سمسمة كويتية]

صباح الخير بنات شلونكم .

محتاجه افكاركم الحلوة .ريلي ييرد من السفر بعد جم يوم انشالله و ودي اسوي شي.. ودي أزين الشقة مثلا و لا الغرفة بس عندي ولد اسم الله عليه ما يخلي شي فابي اشياء تتعلق ما يطولهم
ودي اكتب له نورت البيت ...مادري عطوني افكار ما اعرف بهالسوالف :eh_s(10):

ساعدوني :eh_s(17):

 

[طيبة83]

ولدج وديه بيت امج او اذا انتي عند حموله نزليه عندهم

وسوي جذي

5-يوم رجعةالغالي من السفر

في الغالب يكون الزوج في يوم رجعته من السفر تعبان ولا ينتبه للتفاصيل وكل همه يشوف زوجته وعياله بخير
طيب شلون تستقبلين زوجك؟؟

-على حسب وقت وصوله لبسي لبس مريح وناعم بالنهار نفنوف بألوان زاهيه وبنوتيه وبالليل قميص قطن ناعم ومغري وشعر مستشور واكسسوار نعوم لازم تكوني ناعمة ومريحة لنظر عيونه مع طقم اندروير مناسب لملابسج ولازم بعد يكون ناعم والوان فاتحه
-حضري العشا او الغدا مع فازه ورد وردي او ابيض مع مفرش وطقم الضيوف وحضري طبق حلو يحبه من ايدج
-واذا دخل الغرفه فاجئيه بعلبه كاكاو كهديه حلوه وخليها على السرير مع الورد المنثور
-زهبيله بجامه يديده ومناشف وزهبي الحمام بحيث يكون كل شي طقم مع شراء ادواته الخاصه يديده
-وبدون عتب ولوم ومشاكل سولفي احلا السوالف بس اذا طلب عشان ما يقول صدعتيني واهم شي الابتسامه
وجذي بتكونين اهتميتي بكل التفاصيل اللي راح يلاحظها زوجك وتبقى بذاكرته دائماً

 

[توتة UAE]

مرة ريلي رد من السفر قبل اليوم المحدد بيومين فتحت الباب مستغربة منو يدق باب حجرتي من الصبح
فتحت الباب @@ تميت منصدمة ههههههههههههههه بس اشوه فالليل كنت حاطة ماسك ومادري كيف تفيجت
شليته قبل لا ارقد هههههههه ولا كان بيشوفني بالماسك وبينصدم وياي p:

 

[مذهلة2013]

شوفي سوي تي شيرتات حقج وللبيبي تكتبين عليهم الحمدلله عالسلامه وجذي

وزيني الفراش بورد و شموع كهربا مو نار يشتغلون بالبطاريه و عدلي شكلج وقصي شعرج وصبغييه

 

[M!SS.LOBY]

الله يوفقج ويسخره لج