عطونى رايكم

[DO7AWE]

السلام عليكم ورحمة الله وبركاتة

شخباركم؟؟
انشالله طيبين ؟؟
انا بستشيركم بشغلة يعنى انا قلبي حيل حيل ظعيف مادرى شلون اشرح؟؟
خل اقولكم شلون؟؟

كل مااشوف طفل بالشارع عالاشارة يشحذ ؟؟ماقصر معاة والحمدالله بس المشكلة انى لمن اشوفة اقعد ابجى بشكل موطبيعب ابجى يعنى حيلوالله درجة نقابي يتبلل من دموعى..
وانا بطبيعتى موحساسة عادى يعنى..بس بعض المواقف تذبحنى احس قلبي راح يطلع من مكانة؟؟

ولمن اشوف حادث بالشارع ..واااااااااااااااى لاتشوفونى اقعد ابجى بحرقة والله حتى زوجى مرة معاى وصدف شفنا حادث والله بجيت بجى حتى زوجى قعد يضحك يقولى انتى هبلة...

وتذكرون حادث وصلة الدوحة السريعة؟؟
لمن شفت اعلانات العزا بالطريج ..يعنى الشباب كانو اكثرهم بنفس المنطقة وانا داخلة الدوحة شفت كذا يافطة ...يالله والله جني ابجي عاى نفسي ..انا ماعرفهم بس مت مت من البجى ..حتى لمن وصلت بيت اهلى امى شافتنى قالت ولدج فية شي؟؟زوجج فية شي؟؟لايكون طلقج؟؟وانا موقادرة ارد من كثر ما ابجى؟؟
حتى اي احد اسمع انى مات اقعد ابجى علية وانا ماعرفة...

قلبي ظعيف حيل حيل ..

يعنى عادى ؟؟
في احد مثلي

 

[missdreamer]

انا نفسج !!!
انا قلبي يعوووووووووووووورني لدرجه اغمض عيني مابي اشوفهم واللـه حرام الي يصير لازم الديره تشوف لهم حل وتمنعهم

 

[كسر قلبي زماني]

اي عاااااادي


!!!!!!!!

 

[وردة بيتنا]

يا حلوج و يا حلو قلبج الطيب

شوفي اختي

عشان اتهدين بالج و تريحين نفسج

قولي :

(( الحمد لله على كل حال ، راضية بقضاء الله و قدره ، الحمد لله ، انا مو ارحم من الله على عباده ، الله الرحمن الرحيم ، الله عطا كل الناس 1% من الرحمة و اهو عنده 99% من الرحمة ! يعني اهو سبحانه يدري شنو الخيرة و يدري الخير وين ، و الله سبحانه اللي يوزع الارزاق و القضاء و القدر منه سبحانه ، يعني احنا منو عشان ما تعجبنا رحمة الله ؟ الله العالم و الله القادر على كل شيء و كل شي بيده ))

جذي تريحين بالج

 

[هيونه.المزيونه]

قوي قبلج

لازم تحاولييين


اذا على اي شي تبجين ونتي موقفه بجي

الدنيا يبيلها قلب قوي

الله يعينج

 

[الاء أم لولو]

شوفي يابعد قلبي
احيانا البكاء بكثرة ولأسباب غير مبكيه يكون بسبب حاله نفسيه داخليه
يعني هذي الحاله تخليك تبكين على اي شي حتى لو تافهه
فهمتيني
واااااااجد واثقه انا مسويه حالي دكتورة نفسيه هههههههههههه
على العموم ترى صدق الكلام اللي قلته سمعته من الدكتور طارق الحبيب
وسلامتك

 

[noorq8]

أنا نفسج :eh_s(11):

 

[اميره1980]

ان قبل كنت مثلج بس كثره المشاكل و المشاغل بالدنيا خلتني جامدة اكثر و مو اي موقف يهزني

 

[DO7AWE]

تصدقون كلامكم صح ؟؟بس ليش ابجى على ناس ماعرفهم؟؟
وما اقدر اسيطر على نفسي؟؟
يعنى هالشي مومظايقنى عادى بس اخاف فينى شي لاسمح الله وانا مادرى؟؟عشان جذى اسال