عطورات اوروبا ..؟

[Queen ksa]

مرحباا بنات

كيكفكمم .. وحشني هالمنتدى مرررره


انا عندي فظول بخصوص عطورات الاوروبيين

انا توني راده من اوروبا والي مررررررررره لفت انتباهي وانتباه ماما حتى عطوراتهم


من يمر جنبك شخص سواء بنت او رجال تشمين العطر من مسافة كيلوو

عطوراتهم قويه بشكل موو طبيعععي لدرجه اني فكرت لما بطلب عطورات اطلبهم من اوروبا


لان العطورات عندنا تركيزها اتوقع مو شي لانه حتى صاحبتي جايبه عطر من امريكا زوووووووووغه ريحته

قويه حدها والكل يسألها عنه ونفس الشي لاحظته بااوروبا .. شنو رايكم بهالموضوع تهقون نفس الشي او اعلى تركيزز او شنو الموضوع بالضبط ؟ الي عندها فكره عن الموضوع تفيدنا :eh_s(22):


ولكم خالص تحيتي :eh_s(22):
​

 

[قمه النعومه و الأنوثه]

هلا وغلا اختي اساسا العطور في البدايه صنعت للفرنسين والسبب عدم استحمامهم والعطور كانت اتحسن رائحتهم وخصيصا ابتدت التجربه مع احدى الملكات...


وبالفعل العطور بأوروبا تختلف بالتركيز مثل ماركه توم فورد وفي عطور حصريه تنزل فقط بأوروبا وتباع بالبوتيك الأساسي فقط

 

[بنت العقربيه]

^^^^

وع الله يقرفهم معقول باقي وسخين ومايتسبحون الى الان

المويه ببلاش


معروف ان العطور الفرنسيه تتخفف قبل تنزل الاسواق الخليجيه

والله حرام ندفع شي وشويات على العطر الفرنسي وفي الاخير 4ساعات بس يقعد

فيك ليه يخففونه على كيفهم هالتجار نبغاه ثقيل زي لما يجي من اوروبا والله نصب

واحتيال في هالتجار والعذر ان العطور المركزة فيها كميه كبيرة من الكحول ؟؟؟؟؟؟؟

لكن انا لقيت الحل في العطور العربيه الفرنسيه اخذها من القرشي واجمل والشرهان

 

[مسكـ الامارات]

معروف ان العطورات إلي عندهم مركزه اكثر من إلي عندنا وحتى تركيز العطورات إلي في السوق الحره غير عن إلي في المحلات العاديه

يعني إذا ما قدرتي تشترين من اوروبا خذي من السوق الحره إلي في المطار والعطورات إلي في المولات آخر خيار

 

[Queen ksa]

قمه النعومه وبنت العقربيه ومسك الامارات لببببببببى قلوبكم على الردود الحلوه .. وفعلا حسيت انها مممرررا مركززه

كنت بشتري من هناك بس خفت مايمشوني بالمطارر

تسلمون حبيبات قلبي على المرور العطرر

 

[كويتيه شماليه]

الموثوق فيه عندنا بالكويت دبنهامز غيره لا
هالمحلات اللي اطلعت بمسميات كثيره مانثق فيها اغلبها تعبئة الامارات

وانا واحلف والله كل ما اشتري عطر من دبنهامز ما اتحسف ولا انخدع ويطلع الاصلي المركز تعبئة اصليه

 

[manoooram]

البنات ما قصروا بردودهم

 

[ذات الهمة العالية]

للرفع

 

[M!SS.LOBY]

للرررفع

 

[دروبك يالسهر]

حبيبتي عطوراتهم فيها نسبة كحوووول

 

[Daimond.q8]

فعلا انا مجربه العطور لما اشتريها من اوروبا تختلف تماما عن اللي موجود عندنا بقوتها وتركيزها

شرايكم ب هارفي نيكلز عطورهم اصليه والا مخففه وتعبئة الامارات ؟

 

[شانيل نمبر 5]

انا كلش ماااشتري من الكويت....يمكن نفسيه....ههههههه

 

[Bambi85]

هع هنا في بريطانيا الجو بارد و رطوبه عاليه و رشه وحده تفوح في المكان كله مو سالفة عطورات مخففه

حتى عطوراتي اللي من السعوديه ريحتها تصير اقوى هنا و تضل في الملابس مده اطول

 

[مشتطـه]

انا عن نفسي عطوري ثابته الحمدلله وتفوح لاني اذا انعزمت اتبخر حيل وارش وايد

لاني عرف اختار العطر الفواح ما احب الناعم ابد

اعرف بنات عندهم كل انواع عطور اوربا ولا مرة بحياتي شميتهم عليهم تدرين ليش


نظامها رشتين وتطلع


غلط العطر اذا مو 8 رشات ما يبين لو مهما كان


وايد وايد وايد انسأل عن عطوري الحمدلله

اتوقع السبب بإختيار القوة

 

[فواصل]

اساسا اي عطر من اوروبا او من امريكا ..لانها مركزة بالكحول

ولما يجيبونها عندنا لازم تكون مخففة

ما تشوفين بعض العطور للحين ما نزلت عندنا لان لو خففت من الكحول بتتغير ريحتها

مثل ماغي نوار من لانكوم اهني ريحتها تلوع الجبد و في لندن تجننن ومافي احلى منها