عطورات الماجد

[أحـ للأبد ـبك]

مرحبا عسولات شلونكم
بغيت اسالكم حبيباتي عن عطورات الماجد
وش احسن شي عندهم ياليت اللي جربت واشترت من عندهم تقولي وشو العطر وش عندهم مخلطات وبخور للبيت الليله ان شاءالله باروح لهم
ومشكورات مقدما

 

[أم دارين]

كل شي عندهم حلوو انتي روحي شمي العطور واللي يعجبك شيليه لان الناس اذواق

وبخورهم عندهم معمول حلو بس ما اعرف اسمه:eh_s(22): بس الظاهر باسم المحل الماجد

انا رحت له بالسعوديه ....بس هل هو موجود بالكويت ؟؟؟


اعذريني اختي ع السؤال

 

[ميس هارودز]

إيه والله عطورات الماجد موجود بالكويت؟

 

[Angel_store]

اب اب اب

 

[رووح ابووها]

الماجد ماشفتله فرع بالكويت

بس في محل بالمنار بمول بالجهرا عندهم كل عطورات الماجد

 

[nono93]

ماعندنا عطورت الماااجد بالكويت


بس احلا شي عندهم غطر ريما يهبل وبخوووور ب600 ريال يما يما تحطيم



واهني شكثر مدحوا خلطات الارقام خلطه 5 خلطه7

رحت شميتهم ماعجبوني من لخبال خديت واااحد
وطاااح بجبدي

نضيحه العطوور انتي روحي وشمي

 

[دانه الشطوره]

دايماً اسمع البنات يمدحونه

بس للأسف مو موجود عندنا بالكويت عشان جذي ما جربت منه شي

ان شاء الله البنات يفيدونج

 

[أحـ للأبد ـبك]

الف شكر لكل وحده ردت علي
بالنسبه لفروعه في الكويت والله ما ادري

 

[الحلامبتليها]

ريما
جذاب
عبدالعزيز
مسكت
ليان>>> روووعه
مبثوث الماجد
معمول الماجد
هذا للي انصحج فيه

 

[ورد و عود]

الخوات اللى يسئلون عن الماجد
موجود في الفروانيه مجمع مترو
وفيه عطور
الماجد
جنيد
وفي اشياء من الامارات

وان شاء الله افدتكم بهذى المعلومه

 

[النوفا]

السلام بنات
عطورات الماجد عندهم اكثر من شغله حلوه بس المميز عندهم
المسك الابيض رووووعه خاصه بعد الشور اووووه​

 

[ام الدرر]

على مدح البنات
ومن كثر ما شالو وحطو
ب ريما والعاذرية
وصيت عال2 من مكة
وصراحه كاهم من قبل رمضان
رشه وحده وبس
احسهم عاديين ومايستاهلون المدح
وعالعموم الناس اذواق
اذا تبين عطور عربية وشي راقي
ماكو على الجزيره كل عطر احلى من الثاني ​

 

[manoooram]

يسلموا على الموضع
up up up up up

 

[** محبوبه**]

أمي جابتلي بخور المصباح من عندالماجد حلوه ريحته

 

[لولي دلع]

هلا ياقلبي
بغيت افيدك بكم شي اللي جربتهم
وبصراحه من حلاه الماجد وروعته ناويه اجرب كل شييييي
عندك عطر ريما والعاذريه ودهن ليله الدخله وربي تجننننننننننننن هدي اللي لين دحين جربتها وبجد ناويه اشتري المحل كله من روعته
وعندك البخور في واحد جربته للاستخدام الشخصي اسمه بخور العروسه
تتبخري فيه وبعدها ترشي عطر شرقي زي ريما او العاذريه وتطلع ريحتك روووووعه هذول لاتفوتك ولو جربت شي جديد بقولك

 

[فدوه لعيونك]

بخور العروسه ومرش العاذريه للمفارش وعطر ريتاج يهبلوووون
وفي اشياء كثيييره روووعه عندهم بس هذولا اللي اشتريتهم
وبالتوفيق..

 

[هبوب]

والله خيال وبخور رررررررررررررروعه

 

[أحـ للأبد ـبك]

الله يجزاكم الف خير مشكورات حبيباتي
ومحل الجزيره شكله مو عندنا بالرياض
ياليت اذا فيه تقولي وين

 

[شذى الحب]

استغفر الله

 

[ام منوله]

السلام عليكم ورحمه الله وبركاته

بنات انا قريت وايد عن عطورات الماجد وايد يمدحونهم ولقيت وحده تبيعهم بالكويت تشتريهم من السعوديه وعندى رقمها اللى يبى على الخاص اطرشلكم رقمها ودقون عليها وتشترون منها


انا دقيت عليها تقول جايبه عطورات الماجد ارقام من واحد لين ثمانيه

وانا طلبت منها كل الارقام وبصراحه حلوين وايد

​