&& عطلتو..والعيال ومايبون نادي ؟؟ وماكو سفر؟؟ شبتسوين ؟؟؟؟ &&

[حلم الطفولة]

هلا ياجماعة الخير ,, دخل الصيف ,,
وقربنا نخلص مدارس ...
البعض بســافرون ,, والبعض قــاعدين , مــااكو سفر !

وايد حريم لما أقولهم عن الأنديه بالصيف يكون ردهم :

((( لا حرام !! ,, اليهال مايبون نوادي ,, اليهال يبون بالعطله راحه واستجمام .... ومن هالردود ))

تسوي برنامج حق عيالها ,, يوم قعده بالبيت
يــوم مجمع وسوق ,,,,,

يوم صالة التزحلق وعشا بمطعم ...
يوم زيارة أهل ... وهكذا ..

لو كنتي انتي من هالنوع شنو البرنامج اللي تسوينه خلال أسبوع واحد لعيالج ؟؟؟؟

لو آنا .. بحط جدول ويصير فيه كل يوم شي. ويكرر:
السبت : زيارة أحد الأقارب
الأحد: مجمع المثنى (( ألعاب شركة طفل المستقبل )) + عشاء في بيتزا هت داخل المجمع
الأثنين: قعده بالبيت ومشاهدة فيلم فيديو انتاج ديزني مع اطفاء الأنوار وأكل الفشار ! .. شرط النفيش هم يسوونه , منزلي وناسه
الثلاثا: زيارة أحد الأقارب ثم التسوق في سوق الجمعيه التعاونيه (( مقصه يعني ))
الأربعا: أسبوع سكيتنغ وأسبوع المركز العلمي وأسبوع حديقة الشعب بالتناوب
الخميس : قعده بالبيت لغاية بعد صلاة المغرب ثم الذهاب لمطعم لوجبة العشاء
الجمعه : نادي منزلي (( تلوين وكتابه وقصص ورسم وأشغال فنيه )) ثم يزورونهم أصدقائهم وآنا وزوجي نطلع عنهم !! (( ماسويييييهاااا أبد )) !!! :dddds:

عطونا يالله برنامج ومقترحات للأمهات اللي لا بيسافرون ولا بيدخلونهم أنديه .... همتكم يالله.

 

[عزة نفسي]

برنامج حلووو وانا بسافر


بس ارد اطبقه

ناطرين البنات منكم نستفيد

 

[حلم الطفولة]

آنا بطبقه قبل السفر

 

[الصابرة المحتسبة]

خوووش موضوع

وهذي اقتراحات لكم,,,, السبت: الطلعة تكون بعد صلاة المغرب الأفنيوز (ماجيك بلانيت) أو مكان للعب وعشا ياماكدونالدز....
الأحد: الصبح المول يا المارينا أو سوق شرق المهم مجمع مكيف تدرون قيض وحر .
الإثنين: بالبيت ,,,, بلي ستيشن أو سباحة بالحوض ولي شبعوا جمعتهم وقعدت معاهم ولعبتهم لعبة الحروف والأسئلة العامة واللي يفوز يطلب بس بالمعقول...
الثلاثا: خذينا عشانا ورحنا ياحديقة او على البحر وقعدنا .
الأربعا: مع الخوال طلعتهم وخذينا انا والأبو بريك وقعدنا بروحنا او طلعنا مطعم اوتمشي.
الخميس : زوارة ولي حصل سوينا باربكيو شوي مع الأهل .
الجمعه: صلاة الجمعه وقعدة بالبيت لي المغرب وزيارة مواجيب سلام للأهل أو مريض أو مسافر.
وسلامتكم وتعيشون.

 

[أم عبووووود]

موضوعج واااايد حلو يعطيج العافية

لي عودة له ان شالله سواء بسافر ولا لأ

العطلة طويلة ويبي لها برامج جذيه

 

[78MariMar78]

تسلمين على البرنامج الجميل
بس ودي أقويهم بالانجليزي
مادري وين اوديهم بالضبط؟؟

 

[ريماا]

بما انى لى الحين مو عارفة هل انا بسافر او بصيف بربوع الكويت
بسوى جدول بس ادرى ماراح امشى علية ..
يوم الاحد بسويلهم عزيمة صغيرة بالبيت يجمعون عيال خالاتهم طبعا فيها مسابقات وجوائز
يوم الاثنين راحة لعب بالبيت وسهرة على فيلم ديزنى
يوم الثلاثاء طلعة بحر او ماجيك بلانيت او اى العاب ثانية
الاربعاء زوارة لهم لبيت خالتهم(غصب نقط فيسناا)
الخميس نتعشى بمطعم ونسهر على فيلم بالبيت
الجمعة زوارة اهلى
السبت نطلع جمعية او سنتربوينت او اى شوبنق صغير ونتعشى برا
كل طلعاتنا بعد الساعة 6 عشان الجو وفترة قعدتنا بالبيت بتكون فيها دراسة بشكل لعب ماابيهم ينسون للى احفظو بالمدرسة
وبس

 

[حلم الطفولة]

مشكورين عالمشاركه ماري مار 78 موضوع لأنديه المثبت يهبل ,, دخليه واستفيدي منه..
وتابعي الجرايد هالأيام دايما إعلانات أنديه وتقويه ومعاهد و.... ,,,, وعندج بعد معهد اكسفورد بالشعب البحري شارع ابن الخطيب , مو مجربته بصراحه بس دايما أقرا عنه ,,

الصابره وأم عبود تدرون المشكله الوحيده شبتكون ؟؟؟ إذا كان كل الأهل والأقارب مسافرين :$

 

[حلم الطفولة]

بما انى لى الحين مو عارفة هل انا بسافر او بصيف بربوع الكويت
بسوى جدول بس ادرى ماراح امشى علية ..
يوم الاحد بسويلهم عزيمة صغيرة بالبيت يجمعون عيال خالاتهم طبعا فيها مسابقات وجوائز
يوم الاثنين راحة لعب بالبيت وسهرة على فيلم ديزنى
يوم الثلاثاء طلعة بحر او ماجيك بلانيت او اى العاب ثانية
الاربعاء زوارة لهم لبيت خالتهم(غصب نقط فيسناا)
الخميس نتعشى بمطعم ونسهر على فيلم بالبيت
الجمعة زوارة اهلى
السبت نطلع جمعية او سنتربوينت او اى شوبنق صغير ونتعشى برا
كل طلعاتنا بعد الساعة 6 عشان الجو وفترة قعدتنا بالبيت بتكون فيها دراسة بشكل لعب ماابيهم ينسون للى احفظو بالمدرسة
وبس

شكرا ريماا للمشاركه حبيبتي ,, صاجه الله يعينا بالعطله إن ماراجعو شوي بينسون,,
العطله لسنه طويله تقريبا ثلاث شهور وشوي.

 

[حلم الطفولة]

أهم شي جدول الضرب ,, وقواعد اللغه العربيه.

 

[<<لمار>>]

انا ودى اشركهم نادى وافك عمرى لانة مالى خلق فرة بهلحر والزحمة

 

[شانيل نمبر 5]

النادي احسن واوفر

 

[فروحة الكويتية]

رررررررررررررفع

 

[شموخ q8]

واللي عيالها صغار وماراح اتسافر وحامل شتسوي<<<<<<<<<<<<<< اتجيب الكآبه لووووووووووووووووووووووووول

 

[زهرااا]

ماشالله خوووووووووش شي

 

[عهود الحب]

انا حامل وعلى وشك الولادة
وعيالي صغار
وماراح اسافر محد بيسفرنا :/
واهلي احتمال يسافرون ويخلونا
ووووو رمضان عالابواب
وماكو فلوس
وماكو ببالي شي





بس انا احب القراءة واشجع عيالي عليها
احتمال اختار كتاب لكل شخص فيهم
وبنسوي روحات لمحلات الديفيديات
واكيد سينما ومطاعم وبحر

وبالتأكيد جنجفة ودامة وكيرم ومفكرة اشتري لهم بيبي فوت جنه اسمها


طبعا بسوي لهم برنامج رياضي يومي لأنه بنتي وولدي الكبار يبيلهم شوية تخفيف وزن



بنتعلم طبخات جديدة قبل رمضان اانا وبناتي < تخريب ودمار للوزن ههههههههههههه



مفكرة والله اعلم انمي موهبة بناتي بالرسم
شاريتلهم كتاب يعلمهم شلون يرسمون رسومات روعة كاراكيتيرية تهبل صج صج حسيت مفيد وسهل



وموفقين
اي شي اتذكره اضيفه لكم

 

[حلم الطفولة]

في المثنى فوق أكو مثل مكتبه ومركز يبيع ألعاب وقصص وكتب وحتى أجهزه ياضيه للأطفال اللي مثل فلكس ,,
اللي مو مسافره وحامل وماكو فلوس وتحب القصص واللعب << الكلام لج عهود << تروح هناك تشتري وتستانس بالبيت مع العيال
المحل يهبل وفيه ألعاب ذكاء مثل التركيب بس أفكر حلوه ويديده ,, وتولدون بالسلامه يالحمل

 

[+بسبوسة+]

واللي عيالها صغار وماراح اتسافر وحامل شتسوي<<<<<<<<<<<<<< اتجيب الكآبه لووووووووووووووووووووووووول

آآآآه ياقلبي..

هذي معاناتي انا بعد​

 

[سعوديه كوووول]

احنا كالعاده تمر العطله وتخلص ماسافرنا كلها عزايم وطلعاات وعروس زي كل مره وزوجي مستانس يخاف اقول ودنا نسافر والله قهر واذ وداني قال مكه ويسميهاا سفر

 

[أمانيQ8]

رحت بو اميه واخذت لهم اشغال يدويه والوان بكل انواعها وكراسات وبلاااوي قلت بنسوي نفس النادي وخصصت لهم ركن بالبيت

+الطلعات طبعا اقترحت النادي مارضوا قالوا مالهم خلق يمكن ادخل العوده نادي رياضي عالاقل اذا وافقت

لان هالسنه ماكو سفر والسبب حمالي الحين انا بآخر السادس ومافيني شده ولا اهم متعودين عالسفرات الحلوه بعد بعمري عمرهم بس شنسوي...ماباليد حيله