عطرچ شنو ريحته ؟ فواكه ورد بخور نظافة بودر تعالي شاركينا بالصور

[رمشْ الحَيآ]

شلوونكم يالغاليات هذا الموضوع موضوع اذواق يعني في بنات يحبون العطور الي على ورد و في بنات يفضلون الفواكه و في اللي ماتعجبهم الروائح هاذي و تشدهم ريحة البخور بسس ! فشرايكم كل وحدة تحط لنا جم عطر من الي تستخدمهم و تحط تصنيفه اذا فواكه ولا ورد ولا .. و يجوز الجمع مابين الروائح هاذي ههههه انا ان شالله بحط لكم جم صورة مع التعليق لما اشبك من اللاب ! يلا الجميع يشارك اجباااري فديتكم

 

[رمشْ الحَيآ]

ماركة ST DEPOUNT عطر PASSENGER

ريحته علي باودرر واايد حلوووة اذا بردت و تبقي بالملابس فترة

 

[رمشْ الحَيآ]

من نفس الماركة عطر اسمه BLANC

رييحته ورد بحت هاادي و ينفع للصبح

 

[رمشْ الحَيآ]

عطر BELLE D'OPIUM من ماركة YVES SAINT LAUREN

رييحته يايه علي شرقي قوي و ثابت و حلو للمناسبات

 

[رمشْ الحَيآ]

عطر T_T 21COSTUME NATIONAL

حق اللي تحب ريحة البخور انصحهاا فيه

 

[رمشْ الحَيآ]

و اللي تحب ريحة فريش علي فواكه عندها love of pink من lacoste

 

[رمشْ الحَيآ]

و هاذي مجموعه متكاملة من زهور الريف اسمها naptune جنج صابونه تتمشى هههههه

طبعا ست كامل عطر و بودي سبراي و شور جل و زبدة للجسم















::: و يلا الحيين دوور الحلوين نبي تفاعل انا حطيت مجموعة بسيطة و ان شالله بين فترة و فترة احط صور اكثر وو بس انا حاضرة بأي شي :::

 

[قاهره عذالي]

احب العطور اللي على ورد وعلى مسك واللي تكون ريحتها فريش

عطر كوليستار

عطر لاكوست لاف اوف بينك

عطر لاليك بو ربطه حمره شوي قوي وقوي واحسها ريحة فريش على ورد وجنه فيها بودر

عطر ساكريفايس من اجمل ريحته فلوريه وفرنسيه ويشبه عطر الين

مجموعة قطرات مطر من اجمل يهبل ريحته احسها فريش وفرنسيه وقريب من كوكو شانيل

ومجموعة وصال من اجمل مسك بمسك روعه

عطر رومانس من الرصاصي روعه وريحته فرنسيه احسها حلوه وتفرحني احب ارشه الصبح

عطر رصاصي بيور فيم فيه شبه من نينا ريتشي وجاي احسه بريحة ورد على فراولة شوي بس حيل تطلع ريحته حلوه مع البخور الكل يسالني شنو عطرج

وعندج هم عطر لوف كلوي الجديد روووووووووووعه بكل معنى الكلمه ريحته عطر فرنسي تقعد الراس بس ما اعرف
على شنوو بس ريحة فرنسيه فقط
انا احب الي تكون ريحته فرنسيه وفيه بودر على ورد على مسك

هذول اللي ببالي
ويمكن لي عوده

 

[رمشْ الحَيآ]

قاهرة عذااالي بعد عمري مرورج معطر باجمل العطور يعطيج العافيه و ذوقج حلوووو انا احب الفرنسي واللي ياي على ورد بعد و تسلمين عالمشاركة

 

[حلوه ولمآحه]

حبيبتي بقولج العطرين الي الحين كل ماخلصوا جبتهم احبهم

عطر اآرمآني آحقه مهضوووم صرآحه بين العطوور وريحتهم كلهآ على ورد ،~

بلآك اكس اس من بآكو روبآن

 

[رمشْ الحَيآ]

حلوة و لمااااحة تسلمييين عالمشاركة بس العطر الاول يايه ريحته على شنو ؟ يريت تكتبين لنا الوصف لاهنتي

 

[رمشْ الحَيآ]

اهاا اوكي مشكووورة الوصف موجوود اعذرينا يالغلا

 

[هيوفه الحلوه]

ماعندي مووود معين << اي عطر يعجبني اشتريه ..

 

[رمشْ الحَيآ]

هيوووووفه اشكر لج مرورج يالغلا

 

[عروسهـ2011]

انا عطري المفضل بلاك اكس اس ^^

 

[|مـلاكـ|]

واايد عطورات احبهااا

لي رجعه بإذن الله


يعطيج العاااااافيه



اب اب اب لعيونج

 

[ام حنونة]

عطر رومانس عجيب ....هذا اليديد حتى القديم وايد حلو ....
عطر كلوي ....ليدي مليون ....ch.....شيري بلوسوم.....كوتون....كلهم عطورات باردة ...

 

[أخت أخواني]

عطر لاليك فظييييييييييع ريحته ورد

 

[aloooya]

لي عودة للموضوع
يعطيكم العافية

 

[رمشْ الحَيآ]

منورين بنااااات