عطروا لي داري ,,,,,,, بديت أغار....

[*شمعة وفا*]

السلام عليكم ورحمة الله وبركاته
صباح الخير أخواتي
بغيتكم بخدمة
ممكن تكون بسيطة بنظر البعض
بس مهمة جدا بالنسبة لي
ممكن تفيدوني؟؟؟؟؟؟
انا ولدي تعبان صدره
وهذا مرض الاطفال الغالب هالايام
بس ولدي عنده ضيق بالقصبات الهوائية
لاني جايبته على ست شهور ونص
عموما
المشكلة بتعطير الغرفة
طبعا مافي مثل البخور بس للاسف ما اقدر ابخر
اخاف على ولدي_ وبصراحة زهقت من نومة المستشفى
والفواحات احسها ما تفوح بقوة,, ولاتثبت
مجرد ما اطفي الفواحة خلاص
ممكن تجاربكم؟؟؟
خاصة اني مع حمولتي, والغرف حولي تفوح منها ريحة البخور
بس غرفتي,, صرت اشتاق للبخور,, واغار من ريحته عند غيري:eh_s(14):
بس الحمدللة اهم شي ماتفوح من غرفتي ريحة شينة:eh_s(6):

يلا بشوووف شطارتكم ياحلوات:ggdw:

 

[جمر الغضى]

حبيبتى مايبى لها شى طلعى البيبى عند خالتج وبخرى دارك او بالمبخر الكهربائى حطيه بالزاويه بين كل فتره حطى كسره صغيره من العود ماراح ياثر هذى حالتى ولله الحمد ماتاثر ولدى

 

[*شمعة وفا*]

مشكوووووورة حبيبتي عالرد
بس انا خايفة من الطريقة الأولى
لأن دكتورته قالتلي لو أحد دخن وشاله بعد فترة صدره يتأثر

بس بجرب المبخر الكهربائي بإذن الله
والله يستر. تسلمين.

بانتظار آراء أخرى.

 

[ياعشيري جعلك السلال]

معطرات الجو الي تبخ كل 9 دقايق او نص ساعه من ايرويك او جليد حلوين

وانتي تختارين العطر الي تبينه

 

[روزالكويت]

اختي اهم شي صحة ولدج وبس حرام عليج لاتصيرين انانيه على حساب صحته اهم شي النظافه واذا كبر ان شاء الله وتشافى وتحسنت حالته يامالج من البخور وبدعي لاتخلين شي بخاطرج بس اللحين اصبري عشانه وليدج يستاهل وترى اذا هيجتي صدره بالبخور ومرض محد ماكلها غيرج بتقعدين معاه ممرضه عسى الله يشافيه ويخليه لج يارب انا ترى قاطعه البخور من عيد الفطر مابخرت بيتي بس حمدالله مافيه ريحه وصخه ونظيف وهذا اهم شي لان صدري ينكتم ماتحمل البخور صايره....الله يشفي كل مريض...

 

[القرآن ربيع قلبي]

اهم شي صحة ولدج لانه البخور سبحان الله يؤثر عليه حتى لو مافيه شي يختنق ويتحسس صدره من جديد
ديري بالج عليه واهم شي النظافة وبعد مو اي منظف تحطين ممنوع الكلوركس والفلاش وماالومج حلوة ريحة ريحة البخور وتهبل
عندي لج راي بخري شرشف السرير وملابسج وملافعج طبعا مو عند ولدج وبغرفة بروح
تظل ريحة البخور بالملابس والشرشف وماتروح والاهم ماتاثر على ولدج و ماتنحرمين من البخور والريحة الحلوة
على فكرة الفواحات والمعطرات تلعب بالصدر بعد
الله يشفي ولدج وولدي من الربو يارب

 

[*شمعة وفا*]

يعطيكم العافية حبيباتي اللي ردت واللي ماردت
وصدقوني لو ما كانت صحة ولدي أهم شي عندي
ماكنت سالت , كنت أدور على طريقة آمنة

واللي سألوا عن السالفة بالموضوع الأول:dddds:
فهذي هي السالفة, بالغلط نزلت الموضوع مرتين وماقدرت أحذفه
اعذروني اذا دوختكم عالفاضي:tek:​

 

[ملح بدويه]

شتسويين حبيبتي تحملي علشان ولدج كلها ايام وتروووووح

 

[mrs_sugar]

اهم شي صحة ولدج

و البخور ان شاء الله ملحوق عليه

دام شقتج نظيفة و ما تطلع منها روايح مو زينة مثل ما قالتي

معناته البخور لاحقة عليه بعد ما يتشافى وليدج ان شاء الله