عضوة جديدة بحاجة لمساعدتكم

[الضوء الخافت]

السلام عليكم خواتي العزيزات انا من زمان ادخل واتابع يومياتكم الحلوة واحس فيكم واحسكم قريبات مني والله الشاهد وحبيت ادخل واشترك وياكم عشان تساعدوني انا مشكلتي من ايام المراهقة كانت عندي زيادة بلوزن كنت 72 وطولي 161 وكان كل الناس يقولون لي سمينة ومو حلو لازم تضعفي لمهم دخلت مرحلة اكتئاب وما قمت اكل وكنت احرم نفسي من الاكل لين وصل وزني 42 كيلو ووصلت لمرحلة الدورة صارت تغيب والكوليسترول ارتفع ورحت حق مستشفى الصباح للتغذية وخوفتني من النحف ومضاره رديت اكل مثل قبل ورد وزني لل75 ودخلت الجامعه وانا سمينة وهم الكل كان يقول سمينة رديت اخذت ردكتيل وضعفت وايد صرت 55 بس رديت متنت بعد ماتخرجت صرت 66 ولما انخطبت نزلت لل62 وبعدها تزوجت وصارت ظروف اجهضت بلشهر الرابع وصارت نفسيتي تعبانة ضعفت للين 55 وضليت محافظة حتا بعد ولادتي ببنتي حافظت بس لمشكلة لما ولدت الثاني قبل اربع شهور وانا شهيتي مفتوحة وايد علي الحلويات والخبزالحين وزني 61 ونص ولي كرش صغير وانا خايفة اضل اكل لبن اصير بالمييات لانه مو قادرة اشبع واضل اكل لين ما اصير ما اقدر اتنفس وبعدين اصير اتندم واتنكد والمصيبة اهملت بيتي وزوجي وعيالي وانا افكر بنفي والحين انا عندي اكتئاب مادري شونو اسوي ساعدوني ادري طولت عليكم بس اب تساعدوني وتدعموني والله تعبت من نفسي مع العلم انا ارضع طبيعي وشاكرة لكم واسفة عورت راسكم ومشكورين يا احلا بنات

 

[الاميرة الحسناء]

ودي اساعدج ي قلبي بالنسبه للاكتئاب ممكن تسافرين و تغيرين جووو روحي دول اوربيه منها تتفسحين و تمشين ومنها تاكلين اكل صحي


واتمنى اكوون افدج و سامحيني ع القصورر

 

[الضوء الخافت]

مشكورة حبيبتي والله ردج اسعدني واااايد والحمدلله انا الحين ناوية التزم بريجيم الاخت الي حطته لهايدي السعداوي بس توقعت ردود اكثر

 

[ام الدرر]

حبوبة وزنج وااايد زين خاصة ماشالله بعد حمل وولادة
المطلوب منج
نظام غذائي للمحافظة ع الوزن
او نزول بطئ عشان مايرجع يصعد
الريجيم اللي حاطته ما اعرف نظامه
بس اذا كيميائي نصيحه لوجه الله لا تتبعينه
اخذي نظام غذائي لاخصائي تغذيه مثل طالب الشمري او عبدالله المطوع
وانصحج بعبدالله المطوع لانه مافيه تجويع
التزمي بالنظام مع مشي لمدة نص ساعة وقوي ارادتج
والله يصدقيني مع الايام بتحسين بتحسن وشبع تلقائي حتى الاشياء اللي تحبينها ما تشدج
انا حاليا مشتركة بمركز عبدالله المطوع من 3 شهور ونزلت 15 كيلو ومستمرة معاهم
اموت عالعيوش والكاكاو وصرت اقاوم حاليا الكاكاو مايشدني والعيش اكل عن خاطري بحدود القفاش المسموح لي ومو يوميا ​

 

[PrettyPretty]

خففي من اكلج وانتي ترتاحين او افتكي من وجبة العشا

 

[متجر جنات عدن]

للررررررررررفع