بنات انا صارلي عشرايام والدة . وتنفست فبيتي بس امي كل يوم والثاني اطرشلي عصيدة .عاد انا قلت خلاجرب اسوي عصيدة بس ابيها مفيدة حق النفاس دشيت المطبخ وقلت بحط فيها كل الادويه مالت النفاس .المهم ماطول عليكم خليني اقولكم المقادير.
اول شي اتيبين كوب طحين اسمر تحمسينه لما يشوقر لونه وتطلع ريحته تنخلينه وتخلينه علي جنب عشان يبرد.
بعدين تحمسين قفشتين حليب بودر بس ديري بالج لاتحرقينه والحليب اهوا اللي يعطي لون حلو حق العصيده ويعطيها طعم لذيذ:rerrerek:وهم تنخلينه واتحطينه مع الطحين.
الحين اتيبين جدر وتحطين فيه كوب شكر وهم تحمسينه لما يصير نفس الكارميل وتزيدين عليه كوبين ماي حار وتخلين الشكر يذوب
اتخلطين بطاسه صغيرة قفشه مالت الشاي اللي تنحط بلاستكانه كل من (حلبه مطحونه_لهوم النفاس _بهارات الحسو_زنجبيل مطحون_دارسين_شويه كركم_هيل مطحون)
تخلطينهم عدل وتحطينهم فوق الماي والشكر. وتقصرين علي الجوله وتخلينهم يطبخون عدل تقريبا يبيلهم ربع ساعه .
وتزيدين عليه ماي فاتر وتصفينه بمصفات وتخلطينه مع الطحين والحليب وتحوسينهم عدل وتحطين عليهم شويه زبدة انا احط تقريبا ربع صبع .
واقصر علي النارواحط حديده تحت الجدر واخليها تطبخ وتطبخ حول الساعه ولا تنسين اتحوسينها كل شوي عشان لاتمسك بقاع الجدر وبس .جربوها اهيا من تاليفي :ggdw:بس طعمها لذيذ ووايد مفيدة .
وعليكم بالف عافيه:hjy5jewf:
اول شي اتيبين كوب طحين اسمر تحمسينه لما يشوقر لونه وتطلع ريحته تنخلينه وتخلينه علي جنب عشان يبرد.
بعدين تحمسين قفشتين حليب بودر بس ديري بالج لاتحرقينه والحليب اهوا اللي يعطي لون حلو حق العصيده ويعطيها طعم لذيذ:rerrerek:وهم تنخلينه واتحطينه مع الطحين.
الحين اتيبين جدر وتحطين فيه كوب شكر وهم تحمسينه لما يصير نفس الكارميل وتزيدين عليه كوبين ماي حار وتخلين الشكر يذوب
اتخلطين بطاسه صغيرة قفشه مالت الشاي اللي تنحط بلاستكانه كل من (حلبه مطحونه_لهوم النفاس _بهارات الحسو_زنجبيل مطحون_دارسين_شويه كركم_هيل مطحون)
تخلطينهم عدل وتحطينهم فوق الماي والشكر. وتقصرين علي الجوله وتخلينهم يطبخون عدل تقريبا يبيلهم ربع ساعه .
وتزيدين عليه ماي فاتر وتصفينه بمصفات وتخلطينه مع الطحين والحليب وتحوسينهم عدل وتحطين عليهم شويه زبدة انا احط تقريبا ربع صبع .
واقصر علي النارواحط حديده تحت الجدر واخليها تطبخ وتطبخ حول الساعه ولا تنسين اتحوسينها كل شوي عشان لاتمسك بقاع الجدر وبس .جربوها اهيا من تاليفي :ggdw:بس طعمها لذيذ ووايد مفيدة .
وعليكم بالف عافيه:hjy5jewf:
