عصبيتي مضايقتني أرجو المساعدة

[بنت اوسكو]

السلام عليكم بنات
كل عام وأنتوا بخير ورمضان خير ويركة وغفران وتحقيق للأماني بإذن الله

بنات أنا أمر بظروف شوي صعبه علي نفسيا

اللي اماضيقني إني مو قادرة أسيطر على أعاصبي وبالفترة ألأخيرة بس أعصب أسب

طبعا متضايقه وأدري غلط بس مو قادره اسوي كنترول رغم إني ولله الحمد الأستغفار على لساني بشكل مستمر


بس مااادري ليش صايرة جذي انا متضايقه من نفسي فأكيد اللي حوالي نفس الشي


أبي وحده حكيمه أو وحده لها تجربة اقدرت اتخلص من هالشي رغم الظروف اللي اتمر فيها ​

 

[الريشة]

أختي اقري قرآن كل يوم حتى لو كم صفحة لأن القرآن يريّح الواحد.
و إذا حسيتي إنك راح تعصبين تعوذي من إبليس و روحي توضّي و صلي ركعتين.
و حاولي تقولين هالأذكار كل وقت:
سبحان الله - الحمدلله - لا إله إلا الله - الله أكبر - لا حول و لا قوة إلا بالله.
و حطي في بالك إن الدنيا ما تسوى
و احنا بهالدنيا نمر مرور الكرام إن شاءالله
و أهم شيء رضا الرب علينا
و حتى إذا غلطوا عليك الناس احتسبي الأجر و قولي حسبي الله و نعم الوكيل
و إذا صارت لك مشكلة فوضي أمرك إلى الله و ادعيه بكل خشوع بعد كل صلاة

 

[دووونجوووانه]

اذا عصبتي قووومي توضي بسرعه

وان شاء الله كل العصبيه تروح

 

[طموحي جنه]

اختي خطواات بسيطه ,,,


اولا : اضيف عالبناات جزااهم الخيير ,,,و حسيتي انج بدت العصبيه قومي توضي ,,,,

ثانيا ,,,
بسبب ظروفج اللي تمرين فيها ,,, أكييد لمشكله مااا؟ او جرح بالقلب ينزف ,,, وقتها شتسوين جيبي ورقه وقلم ,,, اكتبي كل اللي بخااااااااطرج ,,,, كل شي لاتخليين شي بقلبج ,,, وبعد ماتخلصيين ,,, ابدي اقريها بصوت وااضح و ماله دااعي احد يسمع اهم شي انتي تكونين تسمعيين نفسج ,,, خلصتي ,,,, قطعي الورقه قطعه قطعه او احرقييها ,,,,,,
هذي الطريقه الله يجزااه خيير عنا ,,, قالها لنا الشيخ سلطان الدغيبلي ,, " ابو زقم ,,"

انا جربتها فضيييعه بس ما فكرت اسويها مره ثانيا الا اني اقيم الييل ,, وذلك بسبب رأي بداااخلي ,,,,, وهو ,,,

ان ربي وربج الله لفظ الجلاله سبحاااانه موجوود ,,,,

حبيبتي ,,, حبيبااتي كم منا هجرت بقيااام اللييل ,,,, كثيييرااات انا انتي هي هم و,, نحن جميعاااا ومشاااكلنا لللآسف بزديااااد ,,,,

أذا سجدت فأخبره باسرارك ,,,
ولا تسمع من بجوارك ,,
ونااجه بدمع عينك,,
فهو للقلب مآلك ,,,

لاتقل :من أين أبدأ ,,

طااعه الله البدايه ,,,

لاتقل ك أين طريقي ,,,,؟

شرع الله الهدايه .....

لاتقل : أين نعيمي ...؟

جنه الله كفايه ,,,

لاتقل : غدا سأبدأ ,,,,

ربما تأتي النهايه ,,,,




وربي ييسر لج ,,,, ويحفظج,,,,,, يااارب​

 

[نجمة كويتية]

اللهم اميييييييييين يارب العالمين ​

اختي بنت اوسكو حاولت ارسلج ع الخاص بس طلع ملفج ملياان

ياااااااارب ان الله يستجييب دعواااتنا اللهم امييييين ​

ان شاااءالله قولي اميييين الله يسمع منا ان شااءالله ويعجل بفرجنا ويرد حقنا من اللي اذونا وظلمونا اللهم اميييين ​

الله يعوض علييج ان شاءالله ويجبر بخاطرج يااارب وياخ حقج من اللي ظلمج وينصرج علييهم اللهم امييين اللهم امييين
وحسبي الله ونعم الوكييييييييييييييل ​

 

[مصر-الكويت]

والله انا نفسج

 

[Kocheko]

انا من اتضايق أصلى ركعتين .. بس لو مجروحه او منظلمه الصراحه يبى لج وقت ليما تهدئيين ......
الله يصبرنا على الهم

 

[^البارونه^]

مثل ماقالو الخوات : الوضوء خلج على وضوء 24 ساعه

خلج على يقين اعطي الله مايحب يعطيج ماتحبين ان شاء الله

احب الكلام الى الله 4 : سبحان الله والحمدلله ولا اله الا الله والله اكبر

شوفي الرابط


http://www.youtube.com/watch?v=usQYi0nqIxY

 

[جمبلو جمبليله]

هههههههههههههههههههههه الاخت اللي توقيعها ملابس رقاصات سلامتج من العصبيه



انا بعد اكثر بنت بركانيه اعصابي زلزال انهاااار واعصب واذا احد عصبني او تعمد يستفزني امبيه اظل بالايام


علشان اهدا امبيه بنات مو صج حتى الحين احس قلبي فجأه يعورني الله يستر لا يصير فيني القلب من العصبيه


واااايد حااااره حااااره يا بنات

 

[طموحه بزياده]

حبيبتي بنت اوسكو



الشيطان من نار ولازم تتوضين كل ما حسيتي بالعصبيه
وقولي اعوذ بالله من الشيطان الرجيم

وتذكري ان كل شي يصيرلج اختبار من الله ولانه يحبج يبي يكفر عنج ذنوبج او يرفع من درجاتج وماتدرين يمكن الله خاشج مفاجأة كبيرررررره عقب كل هالحزن ان مع العسر يسرا ان مع العسر يسرا

حاولي تقنعين نفسج بالواثع وتؤمنين بالقضاء بالقدر وترضين فيه عشان ما تعصبين وتذكري كل مره ان كل شي يصيرلج مكتوب وارضي فيه

وما يرد القضاء الا الدعاء

والله يصلح امورج