عشبة السنامكي...شوفو الصوره...وافيدوني

[لمسة فن انثى]

اختي الهاموره كانت منزله موضوع كاتبه وصفة شوربه للرجيم وحاطه السملكه ما ادري هاذي اهي ولا لا انا رحت الحواي وعطاني اياها واسمها السنامكي بنات اللي تعرف شي بهالعشبه تفيدنا وتاخذ اجر

 

[ام عيالها الغاليين]

والله حتى أنا ما أعرفها 0000قلت بروح أشتريها وياريت البنات يفيدونا

 

[F.A]

اختى السنامكى أهو العشرج اهو مسهل قوى أكثر من مره بالاسبوع موزين ديرى بالج

 

[[ . . Jee Jee . . ]]

السلام عليكم ورحمة الله ,,,,


انا جربتها ... السنا مكي عشبة يغلونها ويشربون مايها ... او ياكلونها ناشفه .. قوية وتسبب اسهال تكرمين ميزتها تنضف الجسم من السموم ...


لها طريقة معينة ما تنوخذ عبث لانها خطرة اذا استعمليتها غلط .. ومايصير يومياً لانها قوية على المعدة ...


وهذي الطريقة اللي خذيتها فيها ... على فكرة انا شخصياً سببت لي اسهال ومغص شدييييييييييد وكنت ادخل دورة المياة كل ساعه اكثر من 5 مرات !!

وبعدها خففتها ... طعمها فضيع .. بالاول غصبت نفسي عليها للفايدة .. وبعدها قمت من اشم ريحتها احس بلوعه وقشعريرة قوية وشعر جسمي كله يكش من الريحة بس !



الطريقة :

يوخذ ملأ كف اليد الواحده يوضع في قدر يظاف عليه 3 كاسات ماء يوضع على النار
.
يطبخ على النار حتى تقدر انه لو صفيته يصبح كاسه واحده يصفى ويقراء عليه الرفيا التي ساوضحها

. يشرب بعد ان يبرد واذا اضيف عليه ملعقه عسل فلا مانع
. اول يوم في اي وقت واليوم الثاني لا يشرب اليوم الثالث على الريق اليوم الرابع لا يشرب . اليوم الخامس على الريق

اختي اسألج بالله دعواتج بظهر الغيب لي ولمن افادني بالطريقه..

 

[[ . . Jee Jee . . ]]

اتوقع في لبس بالموضوع .. اقصد شي غلط ... لانه مالها علاقه بالريجيم السنا مكي... تأكدي من صاحبة الموضوع اختي

 

[لمسة فن انثى]

هاذي الصوره اوضح

 

[لمسة فن انثى]

ما ادري شوفو وصفة الشوربه اللي حاطتها الهاموره فيها السملكه ما ادري اهي ولا لا

 

[الهامورة]

حبيبتي موهذي انا الي عندي اوراقها صغيره و على فكره اسمها سلمكه اهي غير العشرج وغير السنامكي
ومنو قال انها تسبب اسهال تكرمون ومو زينه انا باليوم اشربها 2 مره بس اهي افوحها واشرب اشوف ما يحوشني اسهال بس اول ما تشربينها تحسين بليه في البطن و اهي اسمها سلمكه غيييييييييييييييييييييييييير السنماكي والعشرج

 

[[ . . Jee Jee . . ]]

الهامورة انا قلت تسبب اسهال عن السنامكي.. ماقصد العشبة اللي قلتي عنها... حتى كتبت هالجملة جان ماقريتيها ...

اتوقع في لبس بالموضوع .. اقصد شي غلط ... لانه مالها علاقه بالريجيم السنا مكي... تأكدي من صاحبة الموضوع اختي

حطيلي رابط موضوعج اختي انا خاطري انزل كيلوات مو عارفة شلون...