عسى الله يرزقكم ساعدوني,,,,,,,,,,,

[دلوعت مودها]

اولا السلام عليكم بنات انا محتاجه مساعدتكم













انا توني متزوجه صار لي 9 اشهر وما صار حمل للحين انا حللت و الحمد الله هرموناتي سليمه بس ناقصني سونار والفحوصات الباجي انتو عارفين......
وزوجي بعد سليم وبصراحه انا مو عارفه دكتوره شاطره انا سويت الفحوصات عند المستشفى وابي عياده خاصه بس ماتكون حيل غاليه ساعدوني
قالولي دكتوره مهجه البدر شاطره بعدين قالو كبرت وصارت مو شاطره مثل قبل بلييييييييييييييييييز ساعدوني ابي دكتوره شاطره ,,,,,,,,,,,,,,,,
الله يرزق اللي تجاوبني بليييييييز ابي اللي تجاوب تكون مجربته هالدكتوره,,,,,,,,,

 

[bint_al8omar]

انا سعيده لاني اول وحده برد على سؤالج انصحج بالدكتوره دلال السالم وايد بنات يمدحونها ويقولون مو ماديه وهمن انصحج تشوفيلج حرمه شاطره تمرخج وتسويلج كاسات هوا وتعطيج اعشاب والله يرزقج ياقلبي الذريه الصالحه عاجلا غير اجلا يارب

 

[دلوعت مودها]

مشكوره حبيبتي عالرد يعطيج العافيه,,,,,
شدعوه بنات ابي خبرتكم اللي تعرف لاتبخل علي الله يوفقكم,,,,,,,,,

 

[بــروق]

شوفي ياقلبي دام ان لج 9 شهور متزوجه ولا حتى تميتي سنة وتحاليلكم جميعاً سليمة أنصحج نصيحة لوجه الله لا تعالجين بنفسج ولا تلعبين بنفسج ولا بزوجج ، هذا زوجي لعبو فيه وصار عنده غدد لمفاوية لين وصلت الحالة إلى أن إكتمال نمو الحيوانات المنوية للمرحلة الثالثه ويتوقف وقبلها كانت نسبة الحيوانات عنده 75 % وإحنا عشان نبي زيادة على 75% بالميه (استغفر الله مانحمد ربنا ونصبر ) شوفي شصار انقلبت الأمور كلها صار زوجي ماعاد عنده حيوانات وتتوقف نموها ،، الحمدلله على كل حال ياربي عسى ربي يشافيه ويرزقنا ويرزقكم جميعاً ،،


انا اقول اذكري ربج كثيراً وادعي ربج وقومي الليل وإقري قرآن وروحو للعمرة توكم ماصار لكم سنة وكل ماجتج الدورة حافي على نفسج وتدفي وإكلي أدويات عشان يكون رحمج نيف وقابل للحمل ( حلوة قابل للحمل ) وخلي زوجج يسوي نفسج بالدعاء وبالذكر والصلاة وكثرو من أكل السمج وضبطو مواعيد الجماع بينكم وحاولي ماتكثرين على نفسج الأدوية ولا الإبر والتحاليل اللي مثل ماتنفع تضر أكثر من نفعها


ماتشوفين شر ويعطيج العافيه والصحة يارب ويرزقكم انشالله الذرية الصالحه أجمعييين

 

[WaChoCha]

انا مع بنت القمر دلال السالم زينة ومو مادية ..راجعت عندها اول زواجي واهي اللي بينت لي مشكلتي بتاخر الحمل
وعسى ربي يرزقج ان شاء الله

 

[أحلى^حياه]

انا اقولج لحقي من البداية راجعي دكتورة احسن لا تندمين بعدين وتقولين ياريت بديت علاج مبجر
وعن خبره ههههههههههههه من كثر ما جربت دكاتره هههههه
روحي فوزية القطان اخذي تحاليلج وتحاليل ريلج
والله طريقتها عجيبة كافي انها تحل المشكلة الاساسية مو بس تحملج الحين ومع السلامة
نفس اغلب الدكاتره ماتحل المشكلة بس تخليج تحملين الحين وخلاص بعدين اذا بتحملين لازم تعالجين
ودخلتها على 12د مو نفس الباجي على كل موعد تسويلج سونار داخلي عشان تاخذ فلوس لالا هذي وايدزينه
وشوفي تجمعنا موجود بالقسم

 

[mosta7eel]

انا اراجع عند معصومه مخصيد زينه بس غاليه
واسمع من البنات عن فوزية القطان وايد يمدحونها
وموفقة

 

[دلوعت مودها]

مشكورين حبايبي الله يعطيكم العافيه ما قصرتو,,,,,,,,,
ابي تجارب الباجي بليزانصحوني مشكورين,,,,,,,,,

 

[بنوتة رقيقة]

للاسف انا نفسج حملت بس طاح الياهل والله كريييييييييم والحين اروح حق خالده المجيبل برويال حياة

 

[غزلان كويت]

انا مع كلام اختي بروووق صبري واستخيري واذا مصره تروحين روحي لدكتوره تعاملج مثل امج واكثر والله ثم والله ما شفت دكتوره ولا دكتور مثلها ربي يحفظها ومهما ادعي لها ما اطلع من يزاها والله اني اول ما ادخل عليها بالعياده تقوم تلمني وتسالني عن نفسيتي وعن اموري قبل لا تدخل باي شي يخص عملها او الماده انا ما امدحها علشان شي بس الله العالم بشطارتها وذمتها والله يتمم عليها هذي الدكتوره هند الحمدان وعيادتها بخيطان وهذا رقم العياده

 

[كويتيه مذهله 87]

حبيبتي كل الدكااتره شطااار
بس العياادات اغلي من المستشفي

موفقه يارب

 

[غيـ الناس ـر]

انا معالجه عند نداء بو خضور بعد ما مريت على كل الدكاتره المعروفين بالكويت


والحمدالله الحين حامل بالسابع

 

[كويتية ورديه]

الله يرزقج حبيبتي ويمدحون فوزيه القطان ..

 

[دلوعت مودها]

بنات ابي اسالكم في وحده سمعت عن اميره بهبهاني اللي بالفروانيه تكفون ردو,,,,,,,,,,,,,,,,و

 

[ترووفه]

شوووفي حياتي

زين سويتي انج رحتي وجيكتي من الحين عشااان مااطولين اكثر بتاخر الحمل وتقولين يااريت رحت وعالجت من البدايه


انا رحت بعد زواجي ب7شهووور لمره اسمها ام فيصل وييتها 3 يوم الدوره وامسكت رحمي وقالج فيج ضعف بسيط في المبايض

وعطتني علااج

بس مشكلتي مااستمريت عليه

وبعدهاا يوم يتني الدوره كلمتهااا وقالت سوي تحاليل شامله

ومنها قلت بسوي سونار داخلي اشووف صج فيني ضعف


سويت تحاليل لله الحمد كلهاا سليمه الهرمون والغده

بس طلع صج فيني ضعف بالمبايض بس بسيط مو شديد

الحمدلله يارب على كل حااال


بس انا مشكلتي لعبت بنفسي عسااس بس انا فيني المشكله خذيت كلوميد وكبر البويضااات عندي واخذت ابره تفجيريه وماصاار حمل فقلت لريلي انا سويت اللي علي الباااجي عليك

يوم فحص ريلي طلع اهو معاااه ضعف وقفت العلاج فقلت ياااريت من البدايه سوا فحص عشاان ماااخذ شي وبالاخير يطلع في مشكله

والحين مخلينهاا على الله


والله يرزقج حبيبتي

وانا خليت الدكاتره والكلوميد وقلت باخذ الشي اللي ان شاءالله مضمون وهو العسل الطبيعي بغذاء ملكات النحل ولقاااح من عسل المرشد

وربي يرزقني ويرزقج ياااااااااااااااااااااااااااااااااااااارب

 

[نكهةالبرتقال]

أنا أعرف وحدة ما حملت إلا بعد مرور سنة و ثلاث شهور ، و الحين ماشاالله عندها بنوتة و ولد و ماخذة حبوب منع حمل تبي تريح

و بعد وحدة من قايبي ما حملت إلا بعد سنة و نص

و أنا الحين صارلي سنة و شهرين ماحملت بنطر بعد اجازة العيد ان شاالله براجع عند مهجة ، صج قديمة بس مادري ليش مرتاحتلها نفسيا

أنا أقول نطري جم شهر و بعدين راجعي

 

[دلوعت مودها]

يعني انت راجعتي عند مهجه انا وايد سمعت عنها بصراحه دقيت عليها اهي وايد جد وعمليه بس ما ادري ليش يقولون ان صايره مومثل قبل ؟؟؟؟؟؟؟؟؟؟؟؟؟؟

 

[دلوعت مودها]

تروفه حبيبتي الله يرزقنا انا وياج ان شاء الله بس ابي اسالج ليش الكلوميد لهم اعراض جانبيه <<<<<<<حلوه اعرض جانبيه
يعني لهم اضرار,,,,

 

[~ذات السُبحه~]

الله يرزقج حبيبتي
والبنات ماشاء الله ماقصرو

 

[مووووني]

لا تلعبين بنفسج حبيبتي
دام مافيج شي لاتفكرين ترى التفكير له تاثير
والله يرزقنا جميعا ولايحرمنا من الذريه الصالحه
يارب