- إنضم
- 27 نوفمبر 2010
- المشاركات
- 364
- مستوى التفاعل
- 0
- النقاط
- 0
السلام عليكم ورحمة الله وبركاته
كل البنات اللي يهتمون ببشرتهم نفس حالتي اكيد يستخدمون كريم الحماية من الشمس اثناء الخروج ولكن الاغلبية من بينهم حضرتي مايعرفون شنو افضل نوع لبشرتهم ومتى يستخدمونه وكم مرة عشان جيديه قعدت ادور وافر وابحث وفجاءة لقيت موضوع حلو عنه ولخصته للي يحب يستفيد وطبعا اللي عنده اي اضافات حياه الله
وهذا هو
تكمن فعالية كريم الحماية من الشمس في الSPF واللي هو المدة الزمنية اللي تحتاجها الاشعه فوق البنفسجية عشان تحرق الجلد. فلو كان مثلا المده اللازمة لحرق الجلد 10 دقائق واستعملتي كريم 30SPF فنظريا تقدري تقعدي بالشمس 300 دقيقة قبل لاتحترق البشرة بس الواقع غير لان الكريم يتلاشى مع التدليك ومع العرق او التعرض للماء عشان جيذيه تقل هذي الفترة وحتى في هذا الوقت عامل الحماية بيكون 96.7% , واذا استخدمتي 50SPF بيحميج بنسبة 98% واذا 100 SPF بتكون نسبة الحمايه 99% يعني مافي كريم بيحميج 100% وعلى فكرة منظمة الدواء الFDA تقول مافي اي بحث يدل على انه SPF اللي اعلى من 50 فعال اكثر
بعد هالمقدمة نجي حق المهم
شنو الكريم المناسب حق بشرتنا وكم مرة ؟
اذا كنتي ناوية تتعرضين للشمس ساعه اوكثر فلازم الكريم يحتوي على التالي:
- الكريم لازم يكون مضاد للماء ولوقلتي انج مابتتعرضين للماي اقولج العرق ياحبيتي يوخر الكريم
- SPF بين ال30 وال50 (اذا انتي بيضاء استخدمي 50 واذا سمراء كافي30)
- الكريم يكون واسع الطيف (Broad Spectrum Protection) يعني يحمي من الاشعه فوق البنفسجيةA اللي تسبب التجاعيد وB اللي تحرق البشرة
- لازم يحتوي على فلاتر فيزيائي واللي هو اكسيد الزنك او اكسيد التيتانيوم ( طبعا تبحتين عنهم في المكونات INGREDIENTS ) وهذا هو اللي يحمي من الاشعه A و على فكرة فعاليتهم نفس فعالية الطوفة يعني كأنج داخل البيت
- لازم تعاودين استخدامه كل ساعتين او 3 ساعات
لحظة شوي بعد ماخلصنا
اذا كنتي قاعدة في البيت ولا الدنيا غيم ولا بتتعرضي للشمس لاقل من ساعه هل تستخدمي كريم الحماية من الشمس؟
اذا لا اقولج لازم تستخدمينه لان الأشعة الفوق بنفسجية A تخترق الغيوم والزجاج يعني في اي مكان تتعرضي لضوء الشمس لازم تستخدمين الكريم الواقي بس طبعا في هالحاله ممكن تستخدمي 30 SPF او اقل مو مشكلة
بنات بليز لاتستهينون بكريم الوقاية من الشمس صح انه مارح يبين معاج فرق قبل عمر ال25 بس بعد هالسن رح يبين منو اللي كانت تستخدمه قبل ومنو لا
وسلامتكم
