عروووس ؟؟ كم السااااعه تروحين الصالون بعرسج ؟ ..~

[mahwe]

السلام عليكم ..

شلونكم بنااااااااات
:eh_s(7):
عندي استفسااار ياعراايسنا الحلوات .. كم الساعه تروحين الصالون بعررسج ؟
وفي احد مجرب جلسة النضاره اللي تجي مجانا المكياج بصالوون ساس ..؟؟
قالولي تعالي الساعه 11 او 12 اذا تاخرتي يعني ماتحسون ان مبجر؟؟ :eh_s(10):


​

 

[الـــغـــلآ]

قريت عنوآن الموضوع و قلت لآآآآزم أدخل أقول تجربتي

أنآ سلمج الله قعدت من النوم بحدود الساعه 9 أو 9 و ربع

خذيت شور سريع و رحت مريت بنت خالتي و خالتي و رحنآ الصآلون > حنان دشتي بستكي

طبعآ الوقت شلون رآح لأ تسأليني !!

وصلت الصآلون السآعه 12 ونص تقريبآ

بس للأسف كنت آخر عروس أدخل الصآلون و العرآيس كلهم جآيين قبلي

عشآن جذي كنت آخر وحدهـ يحطون لي المكيآج و التسريحه

مآ كنت حيل متأخرهـ بالعكس بلشو المكيآج ع السآعه 4 او 5

و التسريحه مآ أذكر بس متأخر شوي لأني كنت جآيه متأخرهـ ..

صعدت الشقه و قآمت المصورهـ تصور و انآ ع أعصآبي اخآف أتأخر

طلعت من الصآلون السآعه 10

و وصلت الصآله 10 و نص

عبآلي اني بطلع من الصآلون مبجر قلت نتمشى بالليموزين لوووول

بس الحمدلله كل شي كآن تمآآم

ووقتج حلو خليج بالصآلون السآعه 11 يعني تكونين قآعدهـ من قبلهآ و مسآفة الطريق

الله يوفقكم :*

 

[M!SS.LOBY]

موفقين يارب
بس ضروري تروحين بدري للصالون ماتدرين زحمة طريج ولا ظرف طارئ اضمن لج اختى

 

[Dadoosh]

11 الصبح انسب حزه. اموفه يالغاليه

 

[مشتطـه]

انا رحت 11
حنان دشتي حولي

كنت حاجزة في آي بي
قالت لي متى ما بغيتي نادي خبيرة التجميل ومالت الشعر

سويت جلسة نظارة وامبولات
وحطيت عالساعه 4 خلصت كل شي 7 ونص
8 انا بالصاله وصورت

10 دخلتي

وقتي كان ممتاز بكل شي

 

[كلي هداوه]

11 مناسب

اب

 

[روح فـهـد]

انا رحت الساعه ١٠ حنان دشتي بستكي وكنت ثاني عروس حطيت مكياجي

 

[mahwe]

هلا وغلا منووورين خووواتي .. تسلموون على المرور

موفقيين يارب الله يسعدكم بحياتكم :$

 

[الاميرة10]

انا قعدت 8 وشي تسبحت ورحت الصالون وصلت 11 كنت ثاني عروس عند حياة بحنان دشتي و شهلة عندها 5 عرايس حدي انصدمت متئ مداهم العرايس يوصلون الصالون ما شاء الله وخلصت 7 نصيحة قعدي تسع و تسبحي وعلطول الصالون وطلبي ريوق هناك

 

[شقاوتي غير]

فعلا 11 انسب وقت يعني 11 ظهر انتي عند باب الصالون ، انا عندي اكون مبجر على راحتيي ومااحاتي ولا اوصل متاخر وكل شي على اعصابي واحااتي

 

[إيمــآن الكويت]

انا قبل ليلة عرسي باخذ مليون منوم علشان ارتاح نفسيا
اختي سوت مكياج عرسها بـ ليلى هارموني وكانت قاعده
من الساعه 9 وعلى ما حسنا وصلنا يمكن 11 جذي
بس كان حظها حلو ما في اي عروس وياها بصالون
وكل شي كان برآآحــه ..​

 

[سارونا العنزي]

حياااااتي روحي مبجر سبحاان اللله يمكن زحمه بسير يمكن ماتعجبج تسريحه تبين تغيرينها
يمكن تبين تغيرين شي تكونين هاديه اكثر
وبنفس الوقت ريلاكس مافي توتر

 

[نوف الصقعبي]

11 تكونين بالصالون

بس لاتحطين ميك اب قبل الساعه 4​

 

[WAAAW]

حلو 11 تكونين بالصالون

 

[(حكاية قلب )]

لآ انا اختي في القاعة جات الي تمكيج والي تسوي الشعر
سوت شعرها وخلصو مكياجها الساعة 8 و10 دخلتها اتوقع

الآحسن تخلونهم هم يجون لكم مب شي تروحين لهم الصالون
عشان ما تتوترين اكثر ​

 

[last piece]

انا رحت ١٢ وكنت متأخره
عشان جذي اأيد اللي يقولون ١١