عروس وماابى احمل شسوى ؟؟

[FUSHIA-GIRL]

شلونكم بنات ؟
وعيدكم مبارك مقدما .... :aha:

الله يسلمكم انا عرسي ان شاء الله بيكون شهر 2 وانا ادرس وان شاء الله على شهر 7 راح اكون متخرجه ....
فودي اخذ حبوب منع الحمل ... شتنصحوني فيه ؟؟؟ وابي دكتوره زينه اراجع معاها بخصوص هالشي
واللى عندها تجربه بهالشي جان زين تقول لى شنو صار معاها ...
وشنو الاعراض الجانبيه اللى صارت معاها ......

 

[FUSHIA-GIRL]

رد : عروس وماابى احمل شسوى ؟؟

فوووووووووووووووووووووووووووووق

 

[ماعلى الدنياعتب]

الف مبرووووك

نصيحة اخت

الا الحبووووب مو زين وانتي توج متزوجة

سمعت انهم يسوون عقم اسمله عليج

 

[لمعة اللولو]

رد : عروس وماابى احمل شسوى ؟؟

اي ديربالج من الحبوب يسببون عقم مؤقت

وموفقة يارب

 

[FUSHIA-GIRL]

رد : عروس وماابى احمل شسوى ؟؟

حبيباتى ماقصرتوا بس شسوي ؟؟ اخاف احمل واتوهق وانا ادرس بره يعنى كل ساعه بسافر اخاف اتوهق ؟

 

[غــلآ]

رد : عروس وماابى احمل شسوى ؟؟

شوفي
بقولج شغله

لو الله كاتب لج تحملين
راح تحملين لو اكلتي سم ( اسم الله عليج بس تشبيه يعني )

انا اقول تركيها على الله

اصلا يبيلج تقريبا حول الـ3 شهور على ماتاخذ هرموناتج على الوضع وبعدين يصير خير

فلا تاكلين حبوب وتضرين نفسج

خلي كل شي بيد رب العالمين

 

[FUSHIA-GIRL]

رد : عروس وماابى احمل شسوى ؟؟

شوفي
بقولج شغله

لو الله كاتب لج تحملين
راح تحملين لو اكلتي سم ( اسم الله عليج بس تشبيه يعني )

انا اقول تركيها على الله

اصلا يبيلج تقريبا حول الـ3 شهور على ماتاخذ هرموناتج على الوضع وبعدين يصير خير

فلا تاكلين حبوب وتضرين نفسج

خلي كل شي بيد رب العالمين

حبيبتى شورج وهداية الله ... :eh_s(9): :eh_s(9): :eh_s(9):

 

[Amlly Ent]

رد : عروس وماابى احمل شسوى ؟؟

اذا انتي ما تبين تحملين و متفقه انتي و ريلج على هالشي جربي المناعه الطبيعيه او مادري شيسمونها :$

 

[شقرديـه عالطل]

اب لعيونج
وانشالله البنات يفيدونج

 

[ام كوشه منكووشه]

رد : عروس وماابى احمل شسوى ؟؟

حبوبه نصيحه طالما انج تدرسين برا ف راجعي طبيب نسا برا الكويت لانهم مع احترامي للكل افضل وعن تجربه
انا اول ماتزوجت اتفقت مع ريلي ان انأجل موضوع الحمل سنه ورحت حق دكتوره بالكويت اسوت فيني خرعتني قالت طالما ان ماسبق لي احمل راح يصير فيني عقم وماراح اييب اعيال والصراحه مااقتنعنا بكلامها ولمن سافرت مع ريلي لان اهوا يدرس برا رحت حق دكتوره هناك وسالتها عن اذا يسبب عقم ولا لأ جان تضحك قالت البنات اهني اول مايبلغون ياخذون هالحبوب عشان تنظم الدوره وعشان بعد مايحملون واهم صغار.. وخذيت حبوب لمده سنه وحملت ثاني شهر بعد ماتركتها وعلى فكره ترا نوعيه الحبوب اللى برا تختلف عن اللى بالكويت لاني لمن كنت ارجع الكويت وادور نفس الحبوب اللى اخذها ما احصل منها.. واذا كنتى متخوفه من الحبوب تقدرين تتبعين طريقه العزل.. والله يتمم عليج بالخير ان شاء الله

 

[ام الغاليه شيخه]

حبيبتي تبين نصيحتي لا تاخذين ولا شي لا حبوب منع الحمل ولا شي انا نفسج ماكنت ابي احمل اول زواجي و لمن بغيت احمل حملت
احسن شي تحسبين بعد الدوره و بفتره التبويض لا يجامعج زورجج عاد انتي و شطارتج تصرفي ولمن تبين تحملين بعد الدوره باسبوع او على حسب .. اهني تبويض هذا اللي انا سويته .. انا حسيت بعوار مثل الدوره و كنت توني مخلصه دريت تبويض و سبحان الله على طول حللت حامل
والله كريم انشالله اللي كاتبه الله سبحانه بصير

 

[دآنة آلرشآيده]

نفس ماقالوا الخوآت
كلش ولا الحبوب تسوي لج عقم

 

[كتكوته ورديه]

لا تاكلين حبوب مو زين خليها علي الله بعدين مو زين تقولين ما ابي احمل قالوها ناس واجد صاروه يدورون الحمل

 

[Om 3zo0oz_2011]

لا ثم لا

ما انصحج

سوي مانع طبيعي احسلج

 

[كويتيه مذهله 87]

انا خذيت حبوب منع الحمل ودورتي اعتفست فووووووق تحت

وهذا صارلي 4 سنين ناطره رزقه ربج

 

[بيان الكويت]

رد : عروس وماابى احمل شسوى ؟؟

انتي ماتضمنين انج تحملين من اول ليله لان الحمال عند الله والشي الثاني الحبوب اتاثر فمانصحج بالشغله هذي

 

[fun88]

انا زوجي قايل لي سنه بنستانس مانبي عيال .. وانا قلت هم انا ,, وربج وربي واحد .. بدون موانع لا طبيعيه ولا صناعيه .. سنه ما حملت

صار عندي خمول بالغده ,, وزاد وزني 30 كيلو .. واكلت هوا .. ووبعدها زوجي تحسف على كلمه ,, والحمد الله بعد سنه حملت والحين لي 3 شهور


اذا ما تبين تحملين على طول بعد الجماع انقزي وغسلي .. لا تناميين على ظهرج .. واذا طاحت الميانه بينكم قولي خل يكون القذف بره .. سوي على الكلام بس يعني كطريقه .. لين تخلصين دراستج ..

 

[G!RLooNa]

بنات من قال الحبوب تسوي عقم !!! انا بنت مو متزوجه راجعت عند دكتوره عشان عوار الدوره وصفتلي حبوب قالت اذا مافاد نعطيج حبوب منع حمل امي قالت لها ما يأثر قالت حبوب منع الحمل تأثيرها مؤقت وقت اللي تاخذين الحبوب من تقطينها يرد كل شي طبيعي و اللي خذو حبوب وقطوها و ماحملو على طول مو من الحبوب اهما جسمهم جذي اللي اعرفه عن الحبوب انها تأثر عالنفسيه واكو الحين يستخدمون ال contraceptive patch واهيا لزقات تمنع الحمل يقولون مفعولها نفس الحبوب بس الاعراض الجانبيه اقل

 

[حرم يوسف بيك]

رد : عروس وماابى احمل شسوى ؟؟

خلج على الموانع الطبيعيه احسن القذف يكون بره او ريلج يستخدم الواقي

 

[FUSHIA-GIRL]

رد : عروس وماابى احمل شسوى ؟؟

مشكورين يابنات
ماقصرتوا