عروس وتعبانه نفسيا

[Gorgeous ~]

السلام عليكم والرحمه


شحالكم حبيباتي ؟ ان شاء الله بخيرر ,,

بنات حدي تعبانه نفسيا وجسديا باقي 3 شهور على العرس و ماجهزت ولا شي ..
امي سوت حادث مع أبوي وهم بالمستشفى وماراح اقدر اروح معاهم ولا مكان

مادري شو اسوي علاجهم راح يطول وانا استحي اقولهم اي شي بهالظروف
ماعرف من وين ابدأ ولا شو اسوي حدي ضايعه

وتمنيت امي تكون معاي
الحين اللي مخفف عني ان اختي عندها ليسن ووممكن نرووح
بس المهر عند ابوي وانا استحي اكلمه او اقوله عطني :eh_s(11):

 

[قآنون كيفكـ!!]

حبيبتي الحمد لله ع سلامتهم والله يشافيهم لج يارب
والله مادري نطري شوي عليهم يطلعون للبيت وحاجي امج بالموضوع
وعندج وقت كافي ان شاء الله

 

[كنوشة 2009]

الحمدالله على سلامتهم
انا اقول ما دام امج وابوج بالمستشفى
اجلي العرس احسن

 

[M!SS.LOBY]

ما تشوفون شر ان شاءالله

معاج الوقت كلمي وحده من عماتج او خالاتج وطلعي معاهم للتسوق والتجهيز

 

[Gorgeous ~]

يعطيكم العافيه .. خلآص راح انتظرهم
ويوم بيطلعون بكلمهم

 

[mona mhmad]

_

يا حياتي سلامتهم يأرب مايشوفون شر
لاإ تتضايقين 3 شهور وقت مو قصير ويمديك تتجهزين .. أنا زواجي بعد 3 شهور بأذن الله ولا بديت بالسوق أبدن
تقدرين بشهر تخلصين كل شيء لكن أنتي الحين استغلي الوقت واستخدمي كريمات لجسمك وشعرك الين ربي يسهل لك
الله يوفقك ويتمم لك على خير ويطلع لك أمك وابوك بالسلامه يآآآرب

 

[مذهلة2013]

حبيبتي التجهيز مايبيله شي والله
ربي يقومهم بالسلامه حبيبتي

 

[مدّهره !]

أولاً الحمد لله ع سلامتهم وربي يحفظهم لج ..~


وثانياً رتبي أمورج بورقه وكل يوم شغلات بسيطه وأختج معاج الحمد لله ...~


وخلي عندج يقين إن معاج وقت المهم الترتيب والتنظيم ...~

 

[أمورته]

حبيبتي الوقت طويل جدامج ولا تخافين ابد
المهم سلامت امج وابوج بالدنيا كلها يالغاليه
احمدي ربج وعساها خيره قولي
كل تاخيره
عليج بالدعاء يالغاليه
والتجهيز فعلا مايبيله الا اسبوعين او ثلاث انتي خالصه
اعرف وحده تحدد عرسها بعد 4 اسابيع ماشاء الله خلصت اغراضها من اول اسبوعين
دعواتج ربي يتمم لي ع خير قولي امين

 

[تحب اختها]

لاتشيلين هم حبيبتي ... اهم شي سلامة الوالد و الوالده .. وهم قلبهم معاااك وبيرتبونك لما يطلعون بالسلامه .. اهتمي فيهم .. واشغلي نفسك بالعنايه بجسمك وشعرك .. وراحتك النفسيه وتغذيتك مهممممممممه اهم من التجهيز ... والزمي الاستغفار و الصلاة بوقتها وقراءة القران والاذكار وخليك مع ربك وبتتسهل امورك .. ولاتنسين ان امر المؤمن كله خير ... انا لي 5 سنوات مخطوبه ... وتحدد عرسي 3 مرات وللاسف تجي ظروف ويتغير الموعد ... وتجهيزي من 4 سنوات ... تخيلي !! ... طبعا تجهيز ملابس البيت والاشياء البسيطه وفيه عطور من سنتين ... تخيلي .. وتو عرسي تحدد انه بالشهر اللي طاف وسبحان الله مرض ابوي وتنوم بالمستشفى وللحين ماطلع ... فأجلنا العرس لبعدين ... ومع هذا موو زعلانه ... صح مقهوره بس صدقيني امر المؤمن كله خيررررررررررر .... وكل شي مقدر ومكتوب ... واللي كاتبه ربك هو اللي فيه الخيررر... فقولي الحمدلله .....

والتجهيز سهلللللللللللللللل ..... و اهم شي اختاري الشي اللي يناسبك وتحبينه وترتاحين له ... وحددي يوم للملابس يوم للمكياج يوم للجزم الله يكرمك مع الشنط .... ويكون عندك كم مول او محل معتمدين ومجربتهم ....واكتبي اغراظك بورقه ولاااااااااااااااااتكثرين ...... اهم شي اللي يكفيك لشهرين ... ولاحقه على السوق ....

 

[نـعـومـه]

لو تأجلين العرس

وسلامتهم مايشوفون شر

 

[((غلاي))]

سلامتهم ياقلبي
اهم شي اهلج سلامتهم تسوا الدنيا و الي فيها
ماعليه
انتي الحين تقدرين تخططين شنو بتشترين ونظمي الشغل
واهتمي ببشرتج و اذا رجيم

ولمن يطلعون بالسلامه للبيت تقدرين تجهزين عادي
سهالات ان شاء الله
ترى التجهيز مو صعب بسرعه يخلص اذا كنتي عارفه شنو تبين تشترين

 

[حنانو 89]

حمدالله على سلامتهم وخطاهم السوء

الافضل تأجلين العرس لان مو حلوه اهلج مسوين حادث وانتى تجهزين

مارح اتحسين بفرحه

حتى امج بتكون تعبانه ليله عرسج

وموفقه ان شاءالله وعلى ٣ شهور يمديج