عروس واعاني من القولون شالحل - تم تعديل العنوان من قبل الاشراف

[ريري 2012]

عرايس القالون العصبي مشكلتي حيل متعبني مدري وش اسوي بطني عزكم الله ماشي من اي توتر او خوف واحاتي ليلة عرسي وش بسوي مكياج وفستان والصلاة وانا بطني ماشي وحيل الم في المعده وخايفه اذا صارت ذيك الشغله اتعب واطيح على رجلي المتزوجات ولا الي بيتزوجون يفيدوني لان معاد باقي شيئ على عرسي والقالون من الحين تعبان شلون يوم العرس تكفون ادعولي الله يجزاكم خير

 

[نبضت يتم]

رد: القالون العصبي

ما عندي خبر
اللهم اشفيها اللهم اشفيها
اللهم امين اللهم امين

 

[غـلآوي ّ ~]

رد: القالون العصبي

القولون مشكلته مآيحب شي اسمه حليب لأنه الحليب يسبب غازات

سوي نفسيّ انسي شي أسمه ببـسي وسفن ومشروبات غازيه

وكثري من شرب الماي

وتوكلي علئ الله ومآعليجّ شــر ي ّ رب

بآلتوفيقّ

 

[حناينq8]

رد: القالون العصبي

استشيري طبيب باطنيه
يمكن في ابره تريحج بيوم العرس من العوار

 

[هدؤ أحسآس]

كثري ثرب شاي البابونج والنعنااع .. ولا تفكري كثير

الله يوفقك

 

[&موناليزا&]

عزيزتي استمري عالتفاح الاخضر بس وقفيه قبل العرس بيومين

 

[بقايا كحل]

الله يشفيج ويسهل عليج

 

[ام الاسيرالشهيد]

الله يشفيك ويعافيك يارب
ما عندي فكره

 

[أجمل إنسـآنـه ~]

عسسسى ربي يسسهل عليـج ..

عسسسى ربي يسسسهل علييـج..وتعدي هالييله ع خيـر..~~

 

[بنت الاحلام]

هلا وغلا يا قلبي

فديتج انا نفسج بالضبط

بقول لج نصيحه صار فيني اسهال وامساك ومغص ودوخه حتي

بس شوفي انا خليت نفسي ما افكر بيوم العرس اقنعني نفسج انج ما تفكرين وانج ضيفه مو العروسه عشان ما تتوترين

ولا تفكرين بالدخله ابدا

اتركيها علي ربج

ونظمي اكلج وريحي نفسيتج عدل مدل

وفي حبوب تمسك البطن حبيتين مع بعض

جان تبينهم راسليني عالوتس اب ادز لج صورهم
مالهم اضرار اول دايم اكلهم قبل لا احمل

 

[ريري 2012]

مشكورررين بنات على الرد واستفدت منكم حبايبي ومشكورين على الدعاوي الحلووووه وانا اصلاً قاطعه المشروبات الغازيه من جاتني المعده في وقت الملكه وبعدين تشافية من التقرحات بعد العلاجات وبعدن قال فيني قالون عصبي هو الي يتعبني حيييل واذا احد يعرف شاي يهدي العصاب حييييل عشان اشربه ليلة العرس احس حدي بموت من الخوف 

 

[ريري 2012]

الف مبرووووك يابنت الاحلام الله يوفقش بس يوم صارت الشغله ماتعبتي بوقتها من القالون ولا ضاق نفسش ورحتي الطبيب لان في وحده اعرفها من ليلة عرسها طاحت عليه بعدها وحدي خايفه الله يوفقش علميني

 

[ريري 2012]

الله يستر بكره العرس وحدي متوتره وخايفه شعور لا احسد عليه والقالون مستمر المه ادعولي تكفون الله يشافيني ويعديها على خيررر يارب 

 

[((غلاي))]

الله يوفقج ان شاء الله
لاتفكرين وايد ريحي اعصابج

 

[F.a.R.o.7.a]

الله يوفقج اليوم عرسج الله يسهل عليج

ويثبت قلبج

انا مثل حالتج واكثر

الله العالم بالحال

باقي شهرين على عرسي و من الحين شغال القولون

عسى الله يثبتنا و يقوي قلوبنا و يشافينا ويريح بالنا

أأميييييييييييييييييين يارب

 

[Mjnont '3lay]

الله يوفقج يااارب ويسهل عليج حبيبتي
اليوم عرسج عساج تنزفين لزوجج احلى وارق عروس والله يهون عليج ان شاءالله
مو تنسين البقره والاستغفار وذكر الله خليهم دايم على لسانج وادعي الله وانتي تصلين يهون عليج
يارب اشفيها شفاء عاجل غير اجل ويسرها عليها وهون على قلبها ياااااارب

 

[فديت قلبك يمه]

فيه حبوب لتهيجات القالون

انا لمن اكها ارتحت عليها

والله ادمنتها مممممرا


وريحتني كثير

قبل الاكل بنصف ساعه تاكلينها ..