عروس وابي مساعده

[اسواريه]

السلام عليكم
شلونكم بنات

أَنْـــا عرسي ان شاء الله بعد العيد واحاتي شي واحد
(الخطوط البيضا) بفخوذي واستخدمت خلطات التاجرات والجهاز المساج وماشفت نتيجه بس الالام واطلعتلي حبوب
وحكه وعروق اطلعتلي فخفت ووقفت
المشكله الزوج يدقق ولا لأ بالخطوط سواءاً بأي مكان؟؟

 

[ام فواازي]

اذا الله اعمى عينه والله ماراح يشوف شي شين فيج
مبروك والله يوفقج

 

[اميره1980]

كلنا فينا خطوط و سوالف ثانية بعد
حاولي كثر ما تقدرين تعالجينهم
في جلسات ليزر سامعه فيها بس مو مجربتها للاسف
اذا ما راح حاولي باللبس انج تخفينهم

 

[سارة ة]

خلي الاضاءة خافته وبس ماراح يبين شي

 

[لمى الهاجري]

شوفي وقت الشيسمونه طفي الليلت وشغلي ابوجرة بالوان عشان تنعكس على جسمج بيخفي الخطوط والزوج ما بيلاحظها

 

[بولندية]

مثل ما قالت الاخت اميرة كلنا عندنا بلاوي

اول الايام حاولي تلبسين شي طويل و طفي الليت ولا ابجورة اضاءتها خفيفة

والله يوفقج

 

[مـس مـطـيـر]

عالجي ليزر و تقشير يساعد
انتي نفس مشكلتي و الحمدلله خف و العيادات التجميل شكثرها روحي عالجيهم احسن لج
علشان توفرين على نفسج التعليقات السخيييفه منه

 

[أجمل إنسـآنـه ~]

عالجي ليزر و تقشير يساعد
انتي نفس مشكلتي و الحمدلله خف و العيادات التجميل شكثرها روحي عالجيهم احسن لج
علشان توفرين على نفسج التعليقات السخيييفه منه

يؤيلييي بعلقق حتى على هاذا ,~


الله يعين مثل مشكلتج,~"<:

 

[lolo.qtr]

انا كانت عندي وفنفس المكان
قريت نصيحه فالنت عشان اتخلص منهم وصج نفعت معاي
اختي سوي رياضه مشي حاول نص ساعه او اكثر انا امشي ساعه واذا اني فالحديقه مالت البيت واخذها جري خفيف خبرج مانقدر جري فالممشي &#55357;&#56836;تقريبا شبه يوميا اسوي هالشي ووزني نزل اكثر وجسمي ترتب
وحمام مغربي كل خميس اسويه استخدمت كريمات كلش ما نفعت معاي

اتمنى اني فدتج اختي الغاليه

 

[Glamour Bride]

سوي ليزر لأن في ادوية و اعشاب ما تمشي عالجسم و ممكن جسمج يتحسس منها

الموضوع يعتمد عليج انتي و شطارتج

خلي لبسج شوي طويل اول ايام .. و الاضاءه خففيها و حركات مني مناك اهو ما يلاحظ d:

 

[كويتيه شماليه]

توكلي على الله اهم شي النظافه و غطيهم بقمصان نوم طويله في البدايه وراح يتعود عليج وخلاص لاتحاتين عادي
والخطوط البيضا اغلب اللي كانوا متان واضعفوا تطلع لهم
والله يوفقج

 

[بــــدره]

عادي الخطوط البيضا
عيل الي خطوط سوده و حمرا شتسوي

حبيبتي الريال ماراح يهتم بالتفاصيل و ماراح يدقق
باله بشي ثاني

و بعدين الريال مو كامل بتشوفين بلاوي بجسمه و شعر بكل مكان و ركب سود و خشونه عادي راح تطلعين قمة النعومه و الجمال عنده

 

[omaseel]

ما راح يدقق

 

[Gifts&Occaions]

ماراح يدقق

 

[فوفو22]

ما يدقق

فوفو

 

[زوجة عزيز]

بالبركه ان شاء الله سوي ليزر احسن حل

 

[غلآ نوآف]

والله معذبة نفسج

انا طلعت لي بالحمل

وبعد سمار وخطوط صاير لونهم ع بني مايل للاسود بدون مبالغة

لكن ريلي خبرررررررر خير
كلش مايدقق وهو العكس ابيضاني وصافي احسن مني ظهرت لي بالحمل
لكن الحمدلله ع كل حال

هي خفت وايد الاحظ من الحمام المغربي
وبعد ما اطلع من الحمام الله يكرمج
ادهن عليهم بزيت زيتون خفيف بدون رائحة والبس ملابسي

رطبيهم

في كريم التجديد بنفسجي من فازلين يقولون روووووووعة للخطوط والتشققات العجيبة هذي
جربيه ورطبي كل يوم مع زيت زيتون وبالاسبوع مرتين حمام مغربي

 

[كـويتية]

بنااات مالي خلق اسوي موضوع ثاااني

انا عندي ببطني يم سري على اليمين واليسار خطوط حمر

وكتفي خطوط حمرا

شنو الخطوط الحمراهاذي ولها اضرار ؟؟

 

[Ranoon]

حبيبتي لا صج ترى في ازواج يدققون ويقولون شنو هذا

زوجي بصراحه انا ماشفت منه خطوط ولا سواد ما شاء الله
كوعه وركبته بيضاء وما فيها اي سواد حتى سليوليت اصلا مافيه !!!!!!!!!

وظهره ما شاء الله لووووووووونه واحد وما فيه حبوب او اي شئ !!!!
وحتى شعر جسمه خفيف وزين ومو كثييييييييييييييف !
ما شاء الله ..
مع انه لا يروح لا نادي ولا شئ مغير ديوانية مع الاهل والجيران ...

بس اذا سالج وقال ليه هذي خطوط .. قولي له عادي
منطقة دايما مسكرة من ملابس ... واحنا بنات لبسنا دايما غامج
من عباية .. وشمس تمتص لون الاسود وخاصة بالصيف ... ووو
وبيسكت ...

الله يعينا صرااااااااااااااااحه ..

انا نفسي انصدمت يوم شفت زوجي مواصفاته احسن مني
سبحان الله مع انهم لا يفركون ولا يستخدمون الا اشياء عادية ماي وصابون عادي ...

سبحان الله هذي خلقت ربي ..