عروس محتاره بليز ساعدوني

[دلوعه و مزاجيه]

السلام عليكم ورحمه الله وبركات

انا ملجت والفال للمومتزوجه

انا مجلت شهر عشره وقالولي عرسج اقل من الشهر وحسبالي شهر اربعه علي كلام زوجي والصدمه اني جهزت جميع العطور والبخور تقريبا فوق 500 دينار يعني مايبيلي الا جم عطر فرش قبل عرسي اخر عطور لان مجنونه بخور وعطور المشكله الحين العرس قالو احتمال كبير شهر 9 الجاي علي السنه الجديده باذن الله طيب ياخواتي الفاضلات شنو تنصحوني الحين اسوي واجهز شرايت شناط كبار ومكياج وجم بدله لما اكون مع زوجي بروحنا والحين ابي نصيحتكم انا استعجلت هل هالشغلات تخرب والله محتار ساعدوني

 

[قطعة حلا2]

اممم والله حرام المكياج يخرب والعطور بحرنا يروح مفعولها وماتسير مركزه

والله اقولج وقفي وانطري قبل عرسج على شهر سبعه تكون في عروض وسيل كبير قضي فيه وعطورج لازم تحطينهم بمكان بارد اهو والمكياج لانه يخرب

ولاتكثرين عطور بتجيج هدايا وبتسير لويه ساليني مثلج ٧٠٠ عطور فرنسيه وبخور وعربيه وجتني هدايا وايد اغلبها عطور وتحسفت صراحه

ومثل ماقلتلج بس ياليت تتاكدين عشان مايعفسونج بعد ولا تختارين النفنوف ولاشي لانه يمكن موضته تكون قديمه خليه قبل عرسج بشهرين اقل شي

وبس حبي

 

[دلوعه و مزاجيه]

تسلمين ياقلبي بس شسوي والله ماادري

 

[مدّهره !]

وعليكم السلام والرحمه ...~

إن شااء الله يفيدوونج البنااات اللي جهزوووا ...’

 

[WAAAW]

لاتحاتين انشالله ماكو الا العافيه .. بس خلي عطورج مثل ما قالت الاخت بمكان ما يكون حار والمكياج بعد .. وماراح يصير لهم شي عادي .. ونطري لا تستعيلين

 

[Miss Eteket]

مثل ما قالوو البنات مراح تخررب

 

[دلوعه و مزاجيه]

طيب شنو نصحوني اشتري شغلات خفيفه

 

[قآنون كيفكـ!!]

حبيبتي انتي خلي عطورج وميك ابج بمكان بارد علشان ماتخيس مع الحررر
الحين جهزي شغلات خفيفة من بجايم وقمصان ولبس شقتج لان هذول مالهم موضة معينة واتركي بدل الاستقبال قبل عرسج
بشهر ..

 

[Miss Eteket]

خلصي قمصان وبجاايم وبدل للشقه وابدي عنااايه من اللحين واذا ما سويتي ليزر سوي واظن بس هذا ..~

 

[yam_yam]

لا تحاتين العطور خليها مقفوله شدعوا العطور اللي نشتريها مو صاير لها اكثر من سنة مخزنة
و اذا عندج دهن عود حطيه بكبت ظلمة و خليه سنة بالكبت عادي كل ما قدر كل ماصار احلى

المكياج شوفي العلبة تلقين عليها مثل علامة تكرمين زباله مكتوب عليها 12m او 24
اذا 12 معناته انه 12 شهر و تنتهي صلاحيتها
و اذا 24 معناته سنتين


الحين اشتري بجايم و قمصان نوم و هالسوالف
اخذي ملابس داخلية
جناط لا تشترين الحين نطري خل تنزل الكولكشن الجديد و حتى الساعات
اذا حصلتي دراريع اخذي من الحين و حتى بدل ناعمة اخذي

و الله يوفقج

 

[دلوعه و مزاجيه]

فديتكم تسلمون