عروس محتاااااااره

[لمى..]

مرحباً صبايا
أنا زواجي بثاني عيد الفطر استخدمت خلطة بياض الثلج وكرهت نفسي فيها مع ان نتيجتها حلوه بس أنا في فترة تجهيز وتعرفون السوق وتعبه
المهم قررت استخدم حبوب التبييض اسمها ايفوري كابس
احد استخدمها منكم ??
والشي الثاني قائمة الميك اب لسى ماشريتها
وانا مالي بالميك اب أبدا
اللهم كحل داخلي وماسكرا
اتمنى تقولو لي ايش الحاجات المهمه

 

[لمى..]

وثاااااااااانكس مقدماً حبوبات

 

[قاهره عذالي]

حبوب التبييض

جربتهم مالهم فايده

نصيحتي اكلي لج فيتامينات تعطي نضاره مثل الكولاجين وكبد الحوت

 

[حطمۈكہ يآقلبي]

ماتنفع الحبوب ياقلبـــي
استخدمي خلطات ترا تبيض لمده شهر هااا اقولج شهر مو تحطين يوم واليوم الثاني لا:eh_s(4):
وبعدين لاقرب عرسج خليها يوم اي يومين لااا علشان ماتسمرين بسسرعه
وبيني وبينج فير اند لافلي عجييييييييييييب :rerrerek:
دعواتج حبوبه لــي :eh_s(7):​

 

[شيخه كويتية]

up

up

up




ياحلات الحمام المغربي والترطيب

واخذي فيتامينات



موفقه

 

[قاهره عذالي]

انا اقول لو كل اسبوعين تسوين حمام مغربي لحد يوم العرس
يبي يساعد
طبعا بعد الحمام تحطين لوشن فيتامين سي وتخلينه هو لوشنج الوحيد لان يبيض

مع خلطه صابونيه كل يوم تسبحين فيها

وقبل السبوح تمسحين جسمج بزيت زيتون مسخنته وتاخذين ليمونه تقصينها نصين وتشين فوقها ملح خشن
وتروحين الحمام وتفركين تفكرين عدل المناطق السوده
وعقب تسبحين سبوحج وتستخدمين اخر شي خلطه صابونيه
وتنشيفين وتحطين لوشنج فيتامين سي
وبالليل تحطين اي خلطه تبييض للجسم قوقل متروس
او خلطه من اي صيدليه لتبييض المناطق السوده بالجسم

 

[لمى..]

بنات حبوب التبييض في منها انواع كثير

اللي أخذتها أنا اسمها ايفوري كابس

مدحتهم لي وحده تقول انه جربتها ولقت مفعول حلوو

 

[لمى..]

أنا بستخدمهم واذا جابت نتيجه بقولكم

 

[لمى..]

طيب بخصوص الميك اب محد جاوبني

 

[لمى..]

والحمام المغربي اكيد بسويه بإذن الله

 

[غنآآآتي]

خلج على المغربي وعندج خلطه انل الي بيضت اختها باسبوع
هذا رابطها >> http://www.q8yat.com/t736530.html
حلوه حيل ومكوناتها ماتخوف
وعندج الخلطه الصابونيه مالت مزيونه حلللوه حيل جربتها موطبيعيه وبعدها رطبي بلوشن فيتامين سي
والله يهنيج يالغاليه

 

[لمى..]

مشكورات حياااااااااتي عالنصايح

 

[قاهره عذالي]

شوفي المكياج

عندج من سنتر بوينت في ماركات حلوه

ريميل للحمر

وللكحل السائل

نيفيا مسكره الورديه حلوه

ريفلون الاساس فوتو ريدي حلوو

عندج هم من ماركة نيفيا اصباغ الاظافر حلوه

روحي سنتر بوينت وخمي مكياجج من ماركاتهم ( ريميل - ريفلون - برجوا عندهم بلشرات حلوه - نيفيا )

 

[لمى..]

مشكوووره قاهره عذالي يعطيكي العافيه


اخر سؤال ادري ثقلت
كم بحط ميزانية للميك اب ??
اكثر مهري راح عالذهب والساعات الالماس
*

 

[قاهره عذالي]

يعني 100 دك الى 150

حسب

مثلا 6 حمر الى 8 منوعين بالوانهم

مسكرتين

كحل قلم

كحل سائل

شدوات منوعين

وعندج من محلات مكياج الشدوات حلوه

كريم الاساس

اخذي بودرة مضغوطه ريميل رينيو
والاساس من ريفلون اللي اسمه فوتو ريدي ومن نيفيا الي اسمه ايديال

والبلشرات انصحج من ماركة برجواز
الحين احط لج شنو تشترين بالصور

 

[لمى..]

ياقلبي والله تسلمين كلك ذوووق والله

 

[قاهره عذالي]

كريم اساس فوتو ريدي من ريفلون موجود بسنتر بوينت هالماركه

ومنها بعد في حمر حلوه

وعندج ماسكرا من ريفلون الحمره حلوه

وهذا الشدو من ريفلون حلو والوانه هدوء فيها

وحلوه للنهار وللشقه تعطي لوك هادي
الحين نجي لماركة ريميل

هذا الكحل السائل حلو وعندي من ريميل

وعندج الحمر ماركة ريميل خاصه الباهته تجنن

البلشرات عندج من برجواز هم ماركة موجوده بسنتر بوينت

وطبعا في شي اسمه كونسيلر ينحط قبل الاساس حق الهالات السوده وعيوب البشره

عندج كونسيلر من ماركة ريميل على شكل حمره بس ينحط ع الوجه وع الهالات السوده

وباخر المكياج لما تخلصين وقبل البلاشر حق الخدود لازم تحطين بودره مضغوطه

في بودرتين من ريميل حلوين
وحده اسمها ستي مات وهذي مافيها لمعه

وهم وحده ثانيه اسمها رينيو من ريميل

بالنسبه للبودره وكريم الاساس لازم افتح من لونج بدرجه او درجتين عشان ما تصيرين مطفي وجهج

ونروح لماركة نيفيا طبعا احلى مافيها اصباغ الاظافر

وعنهم ماسكرا حلويه ورديه وتناسب الاستعمال اليومي

وفي عندهم كريم اساس حلو اسمه ايديال فينيش يصلح للمناسبات وتغطيته ممتازه

ومن محلات مكياج منصور انصحج تشترين باليت شدوات من ماركة قولدن ليدي

فيه كل الالوان

وهم اشتري من عندهم ستاند مكياج تحطينه على التسريحه يلم كل مكياجج بدال العفسه والادراج

سعره حسب حجمه في ب10 وفي ب15
شكله نفس هالصوره

واخر شي لا تنسين تشترين طقم فرش مكياج من محلات مكياج المنصور

لان راح يساعدج حيل وبتحتاجينهم


وبالنهايه موفقه

وان شاء الله المكياج تكفيه الـ100

 

[لمى..]

تسلميييييين ياعسل أعجبني كثير ستاند للمكاج
تتوقعين القاه بسنتربوينت

 

[قاهره عذالي]

لا يا قلبي

تلقينه بمحلات مكياج منصور