عروس متوهقه

[أكيد أبنسى]

السلام عليكم بنات

ببدي بالموضوع على طول .. انا اول وحده من خواتي تملچ وماني عارفه شنو اجهز وشنو مفروض اسوي الحين .. عرسي بعد سنه على ماخلص دراستي .. بس من يوم الملجه قبل شهرين وانا قاعده ماسويت شي .. وخواتي مايعرفون وماعندي بنات خالات يساعدوني .. يعني حدي متوهقه .. اجهز شي الحين والا تو الناس ؟ قلت ببدي بالليزر وشعري وبشرتي وبعطلة الصيف ابدي اجهز ،، واصلا مااعرف شجهز يعني حالتي كسيفه?:/ ساعدوني صبايا اكسبو اجر تراني ضايعه بالطوشه ؛eh_s(16):

 

[مدّهره !]

وعليكم السلام والرحمه .’


إبدي بالليزر لأنه يآخذ ووقت وإهتمي بشعرج ووجسمج .’


والتجهيز إن شااءا لله يسااعدونج خواتناا .’,

 

[MRS.coupe]

سوي كورسات حق شعرج و جسمج
وبشرتج
روحي معرض العطور اخذيلج جم عطر بالذات الي عليهم خصومات عشان لا تتوهقين بعدين
وبس احس هذا الي تقدرين تسوينه اللحين الباجي بعدين
​

 

[مختلفه عن الغير]

سنه فتره مناسبه جدا عندج وقت
اول شي ابدي بالامور اللي تاخذ عنايه سواء الشعر البشره توحيد الجسم
رياضه اذا محتاجه
والليزر للجسم
واما المشتريات ملابس عطور الخ لاتكثرين منها واستفيدي من فتره الخصومات
وموفقه حياتي

 

[أكيد أبنسى]

انا شريت جم عطر وتحسفت لان احس تو الناس على هالسوالف

انزين وين اسوي كورسات الشعر ؟

 

[أكيد أبنسى]

وين تنصحوني اسوي كورسات شعر وتوحيد جسم ؟ ؛(

 

[قطرية كشخة]

اذا عرسج بالشتا اشتري ثياب اشتى اذا عرسج بالصيف اشتري ثياب صيفي

 

[سبتمبريه]

اهتمي اول شي بنفسج توحيد لون الجسم
و شعررج و حمام مغربي كل شهر و قبل عرسج ب3 شهور بلشي اسبوعي
و جايتج الحين خصومات و هلا فبراير بلشي عطور
و شوي شوي بتخلصين ان شاءالله
موفقه ♥

 

[Smra^_^Cool]

حبيبتي وايد صالونات يسوون كورسات حق الشعر عندج صالون رنيم و jc
وابدي ليزر لان ترى يطول
و روحي دكتور جلديه عالجي بشرتج اذا فيها شي واذا شعرج يطيح اخذي حبوب من الدكتور اتوقف التساقط لان العلاج يبدي من الداخل وشامبو طبي افضل

 

[ربيع_الروح]

سنة فترة طويله حرام تجهزين الحين نطري التنزيلات

وأهم شي لا تلعبين في مهرج أول شي اخذيلج شبكه حلوه لج

وبعدين ابدي بالليزر


بالنسبة لتجهيزات الملابس والاكسسوارات وحجز الصالون ونفنوف العرس
ابدي فيهم قبل شهرين أو 3 شهور من عرسج عشان لا تتوهقين ويلزج الوقت




وأي استفسار أو سؤال انا حاضرة سواء بالخاص أو العام

 

[Dalo0o3a Cute]

ما شاء الله سنه وااايد فتره زينه

ابدي اشتركي بنادي عدلي جسمج وقولي للمدربه شنو تبين تسوين فيه

ابدي جلسات ليزر

وعنايه بالشعر والجسم ومن رايي احسن تاجره grass

وتجهيز الملابس والعطور وجذي لاحقه عليه يخلص بسرعه

 

[غـلآوي ّ ~]

حبيبتي تو الناس ع العطور بسم الله بعد سـنه أبدي ليزر من الحين لأنه كل شهر جلسه عندج رويال حياة أنا مجربه ليزر يهبل

و روحي دكتور جلديه مثل ماتبين و توحيد اللون اشتركي حمام مغربي كل أسبوعين مره و بالبيت اشتري صابونية مزيونه و كريم للجسم اسمه دلال يهبل يرطب ويفتح

موفقهه

 

[جامعيه طموحه]

حبيبتي مبروك والله يتمم عليج وعقبالي ان شاءالله

الحين تقدرين تهتمين في شعرج تسوين كورسات واذا تقدرين سويله ماسكات بالبيت وحطي حنه كل اسبوع عشان يرتاح ويطول ولو في اي مشكله تساقط تقصف تتعالج بسرعه ..

ثاني شي تقدرين تهتمين باسنانج سواء تقويم او تبييض وهالسوالف
وتقدرين تشتركين بنادي اذا حابه تنزلين وزنج او شي وطبعآ لازم تهتمين بأكلج تغذين نفسج وتكثرين فواكه وخضروات عشان بشرتج وشعرج ... الخ
وتهتمين بأظافرج اذا يتكسرون او مايطولون وتسوين حمام مغربي كل شهر

اذا في شي مشكله ببشرتج او لون الجلد تروحين حق دكتور جلديه

وطبعآ اكيد المهم انج تسوين ليزر عشان تخلصين منه وماتتوهقين جريب العرس

اما التجهيزات الثانيه الي اهي اللبس مثلآ حق الطلعه أجليه عشان الموديلات ماتروح موضتها وتملين منها
عقب ما تخلصين كلشي قبل عرسج بكم شهر تشترين قمصان نوم وملابس داخليه وجناط وتكرمين جواتي ومكياج وعطور وطبعآ لا تنسين استغلي فرصة الخصومات

والاهم من هذا كله انه تشترين الاهم وما تيبين شغلات مو مهمه وتصرفين مهرج عالفاضي وبعد ماتكثرين بالمشترى لانه اكيد عقب الزواج بتشترين ..

واي استسفسار هني او عالخاص انا مثل اختج

 

[F.Strawberry]

أنا مع البنات اللي يقولون اهتمي ببشرتج و شعرج الحين و التجهيز خليه قبل العرس ب 3 شهور عشان ما تشترين شي و تتحسفين عقب, تروح هبته و تخسرين عالفاضي

والله يوفقج و يوفق الجميع و يرزقكم الذرية الصالحه
و يرزق بنات المسلمين بالازواج الصالحين

 

[A p r i l]

دام انه سنه تو الناس عالتجهيييز

بس من الحين بلشي اهتمي في بشرتج وشعرررج والليزر لانه ياخذ وقت ولازم ترتاحين عقب ..

قبل العرس تقرريبا ب 6 او 5 شهورر ابدي جهززي ملابس ووغيره
وبدلة العرس وحجز الشعر والمكياج قبل العرس ب 5 اشهرر لانه ساعات فل ماتحصلين
والعطور والميك اب اشتريهم قريب العرس مو الحين
وقبل كل شيي قسمي مهررج عدل

والله يهنيج ويوفقج

 

[الأوركيد~]

اول شيء الف مبروك

و يتمم لج الرحمن على خير يا رب

مثل ما قالوا الخوات

ابدي بالعناية كامل من الحين

و عدلي نظام أكلج

و في اشيا ما تروح موضتها و اذا عليها سيل خذي

بس المشترى الصجي

ابدي قبل العرس ب6 شهور اعتقد كافي

و الميك اب و الكريمات خلهم اخر شيء

و بتحصلين جداول تجهيز وايد بالنت

شوفي اللي يناسبج و سجليه بجدول

و دايم خلي معاج دفتر كتبي شنو شريتي و شنو باقي لج و الالوان عشان ترتبين نفسج

نصيحه لا تكثرين شرى

لانه احتمال تحملين او ينزل شي جديد بالسوق

بتتوهقين باللي عندج

 

[الأوركيد~]

و موفقه خير يا رب

 

[شربـــات لـــوز]

بلشي ليزر ةعنايه بجسمج ولونج وشعرج
واذا عندج ميزانيه روحي لقنال الصايغ سوي تقشير عشان يتوحد لونج
واذا عرسج بالشتا الياي روخي اشتري بجايم نهايه هالموسم لان يسوون تنزيلات اخذي بجايم وترينقات وشالات
والعطور لاحقه عليهم يلشي تجعيز بالعطور والمكياج قبل عرسج باربع شهور
والله يوفقج حبي

 

[الكوويت حره]

أبدي بالشغلات هاذي الحين

- عالجي بشرتج من اللي تعاني منه سواء كلف حبوب نمش عدم توحيد لون ...الخ
- عالجي شعرج إذا كنتي تعانين من مشاكل فيه وخلي الصبغ بعد العرس
- عالجي أسنانج وإذا تحتاج تقويم ركبي وإذا قرب العرس سويلهم تبييض لأن التبييض يتغير من الحين لبعد سنة
- أي مشكلة صحية تعانين منها عالجيها
- إذا انتي متينة دخلي نادي رياضي وروحي لدكتور وامشي معاه على رجيم وإذا ضعيفه دوري على شيء يمتنج ويا ليت شيء صحي عند دكتور تغذية مو خلطات وخرابيط


إذا خلصتي من الشغلات هاذي ^^^^^ الباجي كله سهالات


التجهيز تو الناس عليه بس في شغلات تقدرين تبلشين تشترينها من ألحين واستغلي فرصة التنزيلات بهلا فبراير وجهزي الشغلات اللي ما تصير قديمة


موفقه