عروس متوهقة .. لا طقم ولا مسكة ولا تاج ولا زفة والعرس بعد اسبوعين

[LeGeNdS]

السلام عليكم قوة بنات

:lkmnkl:
بنات ابي مساعدتكم :eh_s(2):

عرسي بعد أسبوعين وللحين مالاقيت طقم حلو .. مهري تقريبا خلصته على عبايات غالية واطقم شنط ونعال الله يكرمكم غالية وكل شئ اشتريته غالي حتى ملابس البيت :krkrkr:
والحين توهقت وماعندي ميزانية اشتري طقم ذهب ابيض او ألماس
ميزايتي ماتكفي الا فضة ومالاقيت طقم حلو .. لاقيت اطقم بالزركون ومطلية بالراديوم راقية وحلوة يصير ألبسها يوم عرسي؟ ووي والله ورطة والعرايس مايلبسون الا الالماس

والمشكلة الثانية شريت تاج حلو بس الحين ماصار يعجبني حسيته مرة صغير ولاقيت تاج ثاني ديزاينه روعة بس تحسونه كبير وضخم اشرايكم ؟

المشكلة الثالثة ماعندي زفة حلوووة .. اش رايكم بالزفات الجاهزة من النت؟ بس انا كان نفسي في زفة بأسمي ومدح لي ومعرف يمكن اسويها عند شاعر ومدري اذا يمدي تخلص في اسبوعين بس :eh_s(2):

المشكلة الرابعة ودي بمسكة وردي طبيعي اوف وايت .. بس محتارة ألفها بشريطة بس ؟ لاني ماعرف اش موضة المسكات مؤخرا :denya: عايشة في عالم آخر

بنات فديتكم أتمنى تساعدوني بأفكاركم :eh_s(2):

 

[fatomd]

من غير زف لأن ماكو وقت ولا كان ذبحتك
اول شي ينشرى الطقم يا حلوة حتى قبل النفنوف
المهم مالك الا العضوة احب الككاو تنقذك باطقم الفضة ملوتها عجيبين نفس الالماس
سأليها بسرعة م باكر يمكن تقدر تسويللك واحد تفصال او تاخذين من الجاهز مع اني افضل الالماس بس للضرورة احكام
التاج حسب النفنوف اذا بسيط مو حلو التاج ضخم وانا نصيحتي خليه ناعم و ماله داعي تفسفس الفلوس
الزفات الجاهزة ما فيها شي بس اذا تبين باسمك انا ادري ديجي العسعوسي يسويها باسبوع بحدود 100-200 دينار حسب شعر او اغنية او الاثنين مجربينه من قبل و عجبني
الورد و الله انا اشوف عادي شريطة كلا يرجع لذوقك اولا و شكل النفنوف ثانيا
ماكو شي ثابت اهوا مو قران كل عروس غير عن الثانية ولا شلون تتميزين

 

[LeGeNdS]

فديييييييييييييتك fatomd والله ماقصرتي ياعمري

تسلميييييييين يارب على الافكار وعلى مساعدتك لي
وراح اشوف العضوة أحب الككاو وان شاء الله خير

ربي يحفظك

 

[زينة شو]

الطقم اجريه من عند الذهب بس تعطينهم بطاقتج ومبلغ بسيط لأنه بهالايام محد يلبس ذهب
ورشا شيك مسكاتهم روووعه وعلى 70 و فووق ورااااقيه
ودخلتج احلا شي على اهل المعرس واذا كان طقاقهى يكوون احسسسن
واتمنى انج استفدتي

 

[LeGeNdS]

فديييييييييييتك زينة شوووووووووووو

مشكوووووووووووووووورة على الافكار والاقتراحات وربي ماقصرتوا يا احلى بنات ربي يحفظكم

ومنتظرة باقي الارااااااااء والله اني ادري اني استاهل تأخرت لهالوقت بس شسوي الظروف اجبرتني

 

[قطوووة]

مووووووفقة

 

[عـالـي سـمـاهـا]

زيااااااااااااد انطوان ابداع في االمسكات واهوه مجمع غاليري 2000
بس اسعار 250
وبالتوفيق

 

[( درّه )]

طقم الإكسسوار , أخذي تقليد الألماس من سلفراما روووووعة , إيكون ذهب أبيض على فضة ..

المسكة .. سويها عند بياع الورد ولا فاطمة العجمي .. وألحين الهبّة ماكو شغل ولوية .. خلّي مسكتج أوف وايت دائرة .. وخلي تحت شريطة ملفوفة ..

الزفة .. واااااايدة الزفات .. وخاصة زفات راشد الماجد اليديدة كششخة ويديدة ..

مووفجة حبوبة .

 

[حبيكو]

ان شاء اللة البنات يساعدونج

 

[مدام زيزو]

رد : عروس متوهقة .. لا طقم ولا مسكة ولا تاج ولا زفة والعرس بعد اسبوعين

المسكه سويها بالريف الهولندي او بياع الورد اسعارهم مناسبه والمسكه البيضه روووعه
تاج؟ مو لازم تقدرين تستغنين عنه
الحين اهم شي الشبكه ... عندج احد تقدرين تتسلفين منه حق العرس او تأجرين أحسن من الفضه؟

 

[الأميرة جوري]

رفع لعيوونج

 

[الغدق]

اول شي بالتوووفيــق
وبعدين عااادي ترا كلها شغلات بسيطه

بالنسبة للطقم عااادي اخذي اكسسوار أعرف بنات اشكثر لبسوا اكسسوارات وانا ناويه اكسسوار
إن شاءالله لأن انتي شايفه الذهب والالماس اشلون ناااار
وبعدين ترا محد يفرق أكو اكسسوارات اسعارها فوق 100 يعني ماتفرقين بينها وبين الالماس
هذي المشكلة الاولى

المشكلة الثانية :التاج يعتمد على التسريحة مدام تاجج صغير اتسويلج تسريحه تصلح عليه
واخذي الطقم يكون فخم بس اذا تبين التاج الكبير لازم الطقم يكون ناااااعم عشان مايصير خبة واوفر

المشكلة الثالثة الزفة الله يخلي الديجيهات يمدي روحي اي دي جي وشفي عاد شيقول
وبعدين مادري احس سالفه الشعر والمدح باسمج وابوج العايلة صارت قديمة ومو حلوة
كافي الاغنية حتى لو مو باسمج

المشكلة الرابعة المسكة : الحين كله نواعم ماكو ستايل اول شغل ومادري شنو يعني كافي
لو اتلفها بشريطه وفيها اشوي شغل الشريطة بس ناااااااااااااااااااعم لان كله استايل اجانب
وعندج بياع الورد واشكثر اكو محلات مسكات بحولي بس نسيت مادري وين اوصفلج

وبس روحي من باجر عالأقل اخذي الطقم والمسكة
وعقب باجر شوفي اي دي جي حلو عندج والبنات هني مايقرون بالديجيهات

 

[cute katkota]

أب لعيونج حبيبتي

 

[marshmllow]

رد : عروس متوهقة .. لا طقم ولا مسكة ولا تاج ولا زفة والعرس بعد اسبوعين

الله يوفقج ان شالله وااي عورتي قلبي

اب لعيوونج ^_*

 

[فداك ياخلي]

خلي الزفه على اهل المعرس احلى شي عن الخساير ووفري حقها حطيه على الطقم

وبالتوفيق يارب

 

[LeGeNdS]

قطوة
تسلمين ربي يوفقك

عالي سماها

تسلمين مشكوورة حبيبتي

درة

شكرا ياقلبي ان شاء الله رح اخلي المسكة ناعمة وبدون شغل ولوية

حبيكوو

مشكووورة حبيبتيييي

مدام زيزوو

والله اهلي يقولون لا تستعيرين مايصير العروس تستعير واذا انسألت عنه مشكلة واحراج

ومشكوووووووووووورة عزيزتي

الاميرة جوري

ربي يرفع مقدارج يارب

الغدق ربي يسسسسسعدك على الاقتراحات الحلووووة واستفدت منك ياعيوني تسلميييييين

كيوت كتكوتا
مارشملوز
فداك ياخلي

ربي يرفع مقداركم ويووفقكم تسلمون