عروس ضايعه

[شرهة خفوق]

ابي مساعدتكم :eh_s(16):
انا عرسي شهر 3 الجاي
وما ادري متى ابدي تجهيز وبشنو ابدي
وابي اماكن زينه حق التجهيز لاني معرف ولا شي بالتجهيز:eh_s(2):
اتمنى انكم تفيدوني
والله يوفق الجميع :yaaaaaarb:
ارجوا الرفع للافادة

 

[لميس نفسي]

من غير شر على السنه الجايه

ابدي جهزي وراء رمضان

ولكن من الحين ابدي عنايه بالشعر والبشره والليزر

والله يوفقج ...

 

[غلا التركي]

تو الناس ياقلبي

والله يوفقج
هذا انا قبلج

خفت واحتست طلع كل شي سهلات
اهم شي التوفيق

 

[أبكاني ذنبي]

انا اشوووف تو النااااس حيييل


بس اهم شي ابدي عنااايه من اليوووم


عشان ما تتعبين بعدين


وبالتوفيق

 

[شرهة خفوق]

يعطيكم العافية
والله يسهل انشالله بس السنة تمر بسرعه يعني بغمضت عين الا باجر عرسج =(

 

[شرهة خفوق]

هلا بلميس نفسي
بغيت اسالج انتي مجربه الليزر ؟
لان جد اخاف من هل شغلات:eh_s(2):

 

[كويتية زقرتيه]

أنا بعد أقولج تو الناس الحين عليج بشعرج وجسمج والليزر والتجهيز ريض عليه بس إذا أحصلت لج فرصه وسافرتي جهزي من بره مثل ما أنا سويت ملابسهم وبجاماتهم كانت صج روعه والله يوفقج

 

[بنت الاحلام]

اذا ع السنه الجايه تو الناس حبيبتي

 

[MiSS B.K]

صح
الحين خلي كل اهتماماتج البشره والجسم
وانشالله قبل عرسج بثلاث اربع شهور بلشي جهزي

 

[غنآآآتي]

عرسي ماتحدد بس احتمال على السنه الجديده بس بصراحه بديت تجهيز من معاشي اول شي معرض العطور ماطوفته شريت كل الي احتاجه وثاني شي
شريت كل شغلات الجسم طبعا قبل لا اشتري سالت عنه مايخربون ولا شي والحين بلشت بالقمصان والبجايم ..

 

[غنآآآتي]

وحاليا قاعده اهتم بنفسي من ريجيم وبشرة ومن هالسوالف

 

[*^ *الليليم]

اهم شي اهم شي ..... ابدي من الحين العنايه بالشعر

لانه يحتاج له وقت ( دهن و زيوت و تونيك )

و الجسم حطي كريمات و خلطات و سوي حمامات مغربي دوريه كل شهر (انتي لنفسج ببيتكم او روحي صالون )

لانه هذا ياخذ وقت وبعد الليزر ,,
دشي مكان البشرة و الجسم و اخذي اللي تبين و طبقي "لا تنسين خلطه مزيونه و شقره + سنفره العروسه بالحواي + تتدهنيت جسمج بزيت اللوز و لا زيت الزينون و فركي "


اما السوووق لاحقه عليه ... راح يصير سيل قوي من شهر1 لي 3 تشري منه ... بس مو كل المحلات بضايعهم حلوه
و كل ما شفتي عروووض اشتري عشان تفتكيك و سجلي كل شي بنوووت ... عشان لا تنسين او تكررين (اقترح عليج تصورين اللي تشترينه ).

لا تشترين بوقت الاعياد يدبلون الاسعاار ....

اهم شي اهم شي افتكي من الشبكه و الدبله عشان تلعبين لافلووس الباجيه .............لوووول

و لا قسمي فلووووسج احسن ..


ادعيلي بالتوفيييييق

 

[شرهة خفوق]

يسلمو ع النصائح ً
والله يوفقكم ويرزقكم بالذرية الصالحة ان شاء الله

 

[BLack doll]

أنا مع البنات اللي أقترحو عليج العناية بالشعر + البشرة + الجسم

ومرة وحدة تدربي على كذا طريقة بالمكياج وخط الآيلاينر او ستايلات ميك اب يديدة + إذا حابه تجربين طبخات شغلات حلوة مني مناك

بس خلي التجهيز قبل العرس بـ4 شهور اتوقع كاافي


والله يوفقج إن شاء الله ويرزقج الذرية الصالحة

يرزق كل البنات بزوج صالح

اللهم آمين

 

[أم*سلمان]

عسى الله يوفقج يا رب

 

[ام شووووق]

الله يوفقج