عروس شهر9 وحايسه بتجهيزي مساعدتكم ربّي يسعدكم

[انوار]

السلام عليكم و رحمة الله و بركاته

صباحكم // مساكم سعد و توافيق

فديتكم انا عروس و محتاجه رايكم و شوركم لي

انا اكبر خواتي وحايسه بـ عمري مو عارفه شسوي

عرسي شهر9

وماني عارفه كم دراعه اخذ بدل استقبال و جذي

و ساعات وجناط وعطور ومكياج و التجهيز بـ شكل عام كله

و من وين اشتري و اجهز

بليززززززز وقفتكم ربّي يوفقكم و يسعد قلوبكم

 

[أم النووفي]

الجناط أخذي الوان أساسيه وركبي عليهم نعال ( تكرمين) >>> يعني فايدتج بشي ...

ترا أنا نفسج وكل يوم اروح للسوق واذا دخلت قلت ماااعرف اشتري وطلعت ..

روحي افتري عل المعارض *والمشاغل وفصلي دراعات الاستقبال ودراعات الحموله ..

اشتري بجايمج ...*
خلصي المكياج والعطور اللحين قفلي عليهم ..
انا الحمدلله خلصت المكياج >>> هههه تبي تعلم*

خلي عندج نوووووت وأكتبي فيه شنو تبين بالضبط ..*
وكل يوم وين تروحين ،، حددي أسبوع تشترين فيه شي معين وتخلصين منه .. رتبي أفكارج ...
وهكذا..... لين الله يسهل عليج ...

الله ييسر لنا ...
أتمنى إني أفدتج ....*

 

[bmboosh]

السلام عليكم
الله يتمم عليج فرحتج انا حاسه بالحوسه اللي انتي فيها بس ماعليج رتبي افكارج اول شي لازم تكتبين شنو محتاجته عشان ماتنسين ...
1- ثوب صلاة وسجاده وقرآن عشان الله يباركلج بزواجج
2- بجايم للبيت والاندرويرز
3- دراريع اقطان تقريبا سته
4- دراعتين فخمين اذا بتزورين حمولتج اول الايام
5- ثلاث بدل فخمه وحده حق استقبالج اللي بيسونه لج وثنتين احتياط تصير عزيمه كبيره اوعرس تكونين عامله حسابج
6- كعب فظي وذهبي واسود طبعا هذا الاساسي غير الألوان اللي بيعجبونج والفلاتات
7- ثلاث جناط عشان الزوارات والطلعات ووحده صغيره تنمسك بالايد وتكون مشغوله يعني خرز وشوارفسكي للعرس
8-عطورات ودهن العود والبخور ومرشات الفراش ومبخر عاد بدعي فيهم وكله على ذوقج وبصراحه مافيها خساره
9- طقم روب للحمام طبعا اذا حبيتي لج ولريلج
10- مكاج ( شدو - مسكارا - فاونديشن - آي لاينر - كونسيلار- بودره خدود بليشر- حمر ومحددات - اضاءات - قلم حواجب او تاتو - فرش مكياج - اصباغ اظافر - اسيتول عشان ماتتوهقين )
والباجي نفنوف العرس والمسكه وتحجزين الصالون والذهب 
وبس ترا سهله بس يبيلها تنظيم عشان ماتنسين شي او تشترين شي ماله داعي وتتحسفين *

 

[ذبحهمـ وجوديـ]

حبيبتي اهم شي تخلصين بدلتج اووول شي واهم شي وبعدها تبدين بالذهب لانه هو اللي يقص المهر
وبعدين اكتبي اغراضح اللي تحتاجينها كلللللها بورقه حتى اصغر التفاصيل علشان ماتنسين شي وطبعا
وكل ماشريتي شغله اشطبيها وبكذا ماراح تنسين ولا شي وماراح تتخربطين. والله يوفقج ياعمري

على فكره حبيبتي انا بدله عرسي جديده وحلوه وناعمه وبنفس الوقت فخمه وبيوم عرسي كللللهم
سالوني عنها وطرحتي كانت حلللوه وغريبه اذا حابه تشوفينها ارسليلي مسج عالخاص وانا حاضره ياقلبي

 

[المتلثمه بعلم الكويت]

موفقه

 

[&موناليزا&]

عزيزتي رفع لعيووووووووووونج

 

[معلمة شيسمونه]

شوفي هالموضوع كاتبين فيه البنات بهالقسم لين ملوا

ورديييييينا عليهم ليييييييين ملينا وفي شكثر تقسيمات شوفي اللي يناسبج


بس انصحج بنصيحه

لااااااااا تشترين مكياجج وعطورج الا بشهر 8 دام عرسج شهر 9 يعني قبل العرس بشهر

المكياج والعطور لها صلاحيه وتبتدي كفاءتها تخف وجودتها تقل فلا تاخذينها الا قبلها بشهر

وباقي النتاتيف تحصلينهم هني بهالقسم بس انتي افتررررررررري فيه عدل نفس ما سويت قبلج ​

 

[q8helwa]

نصيحه كثري بجايم وقمصان نوم
وكثري اهم شي دراريع نعومة وعاديه

واستقبال بس ٤
وفخمة ٢ حق اول اسبوعين من عرسج

وعطور
ومن هالسوالف التجهيز


وربي يوفقج

 

[ام هديل الحمام]

الله يعينج لاتذكريني بالجهاز مالي خلقه ابد تلعوزت حزت عرسي ههه

 

[ya al3rosa]

اب







اب

 

[حكآية قلب]

واااااااي


فزززز قلبي


انا من عرايس شهر ٩ اللي فات





كثري بجايم و قمصان نوم ووووو دراريع ستان و بجايم ستان


لانج اول العرس راح تكرفين البجايم الراقية


و راح تستحين تلبسين قمصان قصيرة



نوعي بين البجايم القطن شورتات كم طويل علاق كللل انواع البجايم



وكثرررررري اطقم ستيانات



وووووووو كثري دراريع ناعمة اذا كنتي ساكنه عند حمولتج


لانج بتنزلين لهم واايد وماراح تنفعج غير النواعم




هذااااااا اهم شي



مكيااااااج نصييييييحة لا تكثرين

اناااا ٣ كريمات اساس يدد للحين

كل شي اخذي نوع واحد بس

و العطوررررر لاااااتكثرين


و اخذي ٥٠ ملي بس لانج بتملين
ويمكن تحملين وتكرهين عطوراتج

 

[بيلسسان]

الله يوفقج ان شاء الله

بس نصيحه روحي يوم اشتري العطوووور
ويوم المكياج
ويوم اشتري القمصان والملابس الداخليه
"بس طبعا قبلها عارفه وين بتروحين وشنو تشترين"
وعقب على الراحه فري اشتري جواتي وجناط
وملابس

 

[Dar-AlJuman]

مبروك مقدما , حياج بمعرضنا يوم الخميس بأرض المعارض صاله 4 معرض مواهب عندنا عرض خاص للمعرض وتفرجي على أرقى بدلة عرس دار الجمان 55045409:eh_s(7):

 

[انوار]

فديتكم وربّي ماقصرتوو معاااااااي

جزاكم الله خيير الله يوفقكم و يسعدكم و يخليلكم ظناكم وازوااجكم و تكونون قرة عينكم دايم العمر ي ربّ

جد جد فدتوني

 

[انوار]

عينكم ^^ اقصد عينهم

 

[انوار]

الله يباركم ف عمركم و يوفقكم اجمعين عسى

موناليزاا تسلمم عيوونج فديتج

 

[& حكاية حب موعود &]

ماشالله بما ان عرسج شهر 9 يمديج
جهزي من الحين وبلشي اشتري العطور وقفلي عليهم
وفتري علي المعارض والمشاغل
موو نفسي انا عرسي بعد شوي وتو يالله خلصت
موفقه

 

[دلوعة أبوهآ]

الله يتمم لك ع خير ويوفقك

 

[عمر الهنا]

آب
آب​

 

[المـــــها]

هلا حبيبتي شوفي مواضيعي للعرايس بملفي الشخصي و إن شاء الله تستفيدين