عروس جديده ومحتاجتكم الدراريع والبدل للعرايس العبايات والبخور والجناط والعطور

[مطيريه قول وفعل]

مرحبا بنات شلونكم ان شاءالله بخير اختي عروس وحابه اسألكم من وين اخذتوا الدراريع
والبدل للعرايس وتبيها تكون راقيه وحلوه
سواء معارض او مشاغل اومحلات وبعد حابه
اسأل عن العبايات والبخور والجناط والعطورات وشنو
رايم بعطورات الجزيره شنو احلى العطورات
والخلطات للعرايس عندهم
اتمنى تفيدوني؟؟؟؟؟؟؟؟؟؟

 

[دلوعة أبوهآ]

رد: عروس جديده ومحتاجتكم

آلله يوفق اختج ويتمم لهآ ع خير ..

ان شاءالله يفيدونج

 

[*مطبخ الذواقة*]

الله يوفقها

وراجعي القسم في وااااااايد مواضيع ماشالله البنات ماقصروا

 

[م بقئ إلآ القليل !]

ودي اكتب لش بس مكسله تووني قاعده م فيني حيل ششوفي المواضيع وان كان
في شي حسيتي انش محتاجتهه عندي ابششري
مالش الا طيبةة الخاطر : ) ��

 

[yam_yam]

ملابس داخلية عندج لاسنزا - الطاهر - انور
البخور و العطور انا مره وحده كان فيه معرض العطور و رحت و خذيت كل شي من هناك و افتكيت
البدل عندج مجمع زهرة - الراية - المهلب - مجمع مريم محل نورامينا و سويت لي جم بدلة تفصال
الدراريع ماسويت وايد لان ماحبهم سويت لي 4 بس و انا طلعت الموديل و شريت الخام و سويته لان حرام تروحين لمصممة تسويهم لج بسعر مبالغ فيه
الجناط اخذي لج جنطتين ماركة و الباقي العادي
و ساعتين وحده للعرس و خليها للعزايم الكشخه ووحده شوي اقل عملية تلبسينها كل يوم



شنو بعد ذكريني

 

[مطيريه قول وفعل]

يعطيك العافيه اختي yam مآقصرتيبس حابه اسأل وين مجمع مريم اللي فيه
المحل

 

[مطير وحلاها غير]

هلا اختي شوفي بالنسبه للعبي انا اختي عروس وشرت عبي حيل غاليه وقالت لها رفيجتها على مشغل she1 للعبي والله يا اختج يوم رحنا الموديلات تجيب العافيه و جهزت لها لدوام و الزواه كله منهم و حتى سعرها حيل حيل مناسب والخام خام دبي و موديلاتها كلها من الامارات اذا تبين فناتق تحصلين و الله بتدعين لي وهذا رقمها : 66009384

 

[$الاميررة$]

بالنسبه للبدل والدراريع عندج المعارض الرقعي وغيره والعبي انا اشتري من السوق لاني احب الناعمه والجناط والجواتي تكرمين عندج محلات الدو وناين وست واهم شي العطورات والبخور غرامي هذولا عاد شوفي لازم يكون عندها عطر من سيد جنيد وعطر من اجمل وعطرين عالاقل من الجزيره هالعطورات ضروريه لانها ثابته وفواحه واخذيلها جم عطر فرنسي تلقينهم بموضوع مثبت والبخور يمدحون معمول المعاريس من امل الكويت وعن تجربه معمول حنان من عبدالمحسن وبخور الملكي من القرشي وجربي مسك العروس ومسك الختام من القرشي وبس هذا اللي اذكره الله يوفقها انشالله

 

[مطيريه قول وفعل]

يعطيكم العافيه بنات فيدوني بالدراريع والبدل اكثر
وشنو احلى عطورات الجزيره مع اسعارها وشكرا

 

[لمساتـي]

الف مبرووك اختي
الحين الاغلب يطلبون من النت
لان تتميزين فيهم
واذا حابه تشوفين شغلات من فساتين وشوزات وساعات بسعر مغري غير عن السوق
وكله اصلي غير مقلد
راسليني واتس اب

 

[yam_yam]

يعطيك العافيه اختي yam مآقصرتيبس حابه اسأل وين مجمع مريم اللي فيه
المحل

السالمية بعد ليلى جاليري
المجمع دور واحد اعتقد و فيه محل جس من بره
و مقابله مجمع جاليريا 2000 انشالله تكونين دليتيه :eh_s(22):

 

[MiSS B.K]

الله يوفقج ان ان شاالله بالنسبه للدراريع عندج دراريع ساره و سوق دعيج فوق عندهم موديلات حلوه

 

[(*ام عهــــد *)]

موفقه ياارب

 

[$الاميررة$]

عطورات الجزيره كلها تهبل لا رحتلهم احتار جربت من عندهم روز الكسر اتوقع كان ب٣٠ وحاليا توني شاريه مسك روز ب٢٥ واسعارهم عموما تبدا من ٢٥ وفوق بس تستاهل الكل يسألني عنهم ثابته وفواحه

 

[مطيريه قول وفعل]

اب اب

 

[الغنج والدلع]

تبين بدل استقبال حلوه وكشخه فاطمه اسماعيل بس غاليه من200 وطالع والغرشوب ذرب وهم غالي بليلي جاليري كلهم

 

[الغنج والدلع]

وعندج الاوقاب رخيص وايد وحلو احسن من مشاغل الحريم غالي ونفس اللي بالسوق