عروس تجربتي مع استديو ايفانتوس للتصوير

[catwiti]

السلام عليكم ورحمة الله وبركاته
شلونكم يا عرايس
لاحظت وايد عرايس يسالون عن المصور ومحتارين شنو يختارون حق يوم عرسهم فحبيت اكتب تجربتي بمصورتي طبعا عرسي كان قبل شهر ومافتريت على التصوير بس شفت مصور ستار شوت الي بحولي بارك و ماحبيت الالبومات مايازتلي مع انه اسعارهم زينه وعقبها بالصدفه رحت مجمع قاليرياا 200 و دخلت مصور ايفانتوس وشفت الالبومات ودش خاااطريييي حييل شغلهم حبيت التصويب وطريقة الفوتوشوب قلت هذا الي ابيه و حجزت عندهم خذيت الي ب 750 اهو تقريبا اقل واحد الفرق بشكل الالبوم من بره بالاسعار وطبعا الهدايا تزيد مع الاغلى بس ماهتميت بالهدايا وياا يوم عرسي وكانت مصورتي خوش وحدهى وحبوبه ويعني مريحه اثناء التصوير الحمد لله وامس استلمت البوماتي بنات روووووووووعه ولله الحمد ماقطيت فلوس على شي مايسوا صج رووووعه تصميم الصور من داخل والفوتوشوب راقيييي ونوعية الطباعه واللوان راقيه جداا سوتي البومين حقي وحق ريلي واحد كبيير والثاني اصغر والبوم حق المعازيم يعني 3 البومات وعطتني البوم صغييير هديه وصورة كبيره تتعلق بالنسبه للفيديو سعره بروح ب 200 استغليته وماخذيت لاني ماهتم بالفيديو
وهذي كانت تجربتي اتمنى اكون افدتكم والي تدور على مصوره انصحها بايفانتوس والي تبي تشوف تروحلهم مكانهم بقاليريا 200 بالسالميه

 

[مذهلة2013]

الف الف مبروك حبيبتي

ربي يوفقج

 

[M!SS.LOBY]

اول مرة اسمع عنه

 

[غآب نورك ~]

تهنيتي حبيبتي


ربي يهنيج ويسعدج ويرزقج الذرية الصالححة

 

[Miss Minne]

تسلمين حبيبتي على الافادة بروح اشوووفهم لان لي اللحين محتارة بالمصور

 

[catwiti]

اب
اب

 

[Gorgeous ~]

يعطيج العافيه حبيبتي

 

[مشتطـه]

عليج بالعافيه بس حرام وايد غالي over سعره

انا مصورتي تهبل روعه اصلا ما صدقت ان انا بهالجمال سوتني مثل ما تمنيت
كنت اشوف صور الممثلات والمشاهير واتمنى اطلع زوغه

والحين التصوير يتشابهه مع اختلاف الاسعار


مصورتي البومين كبار ب 350

وانا اشوف ان البومين كافي وزود

صوري مقطوطين بالكبت لهم سنتين

واخذوها مني وايد وصارت تعرفنا لان كل رفيجاتي عندها والحمدلله ما اندقرت

حيل انعجبو بالتصوير

 

[أم*سلمان]

مبروك وعليج بالعافيه