عروس بحاجتكم

[ماعرفتك زين!!]

السلام عليكم شلونكم يااحلى كويتيات ؟
بنت اختي عروس وتبي تجهز وحنا خالاتها اخر وحده تزوجت قبل 7 سنين عجايز لوووول:dddds:
ابيكم تساعدونها شنو تشتري بجايم بيت وبدل دلع وقمصان ومكياج ودراريع وبدل استقبال ومكياج وساعات واكسسوارت وبدلة اول يوم ومستلزماتها وعطورات عددهم يعني من كل شي جم يكفيها وسوالف العروس عموما وابيلها فناتك البنات هاليومين يعني سوالف الفنتقه من تلبيس جناط من شغلات هاليومين اللي انتوعارفينها ماشاء الله عليكم كل شي تتفنتقون فيه:ggdw:
ابيها تطلع احلى عروس من ناحية التجهيز كاااااامل ويوم العرس وفناتقه لانها بنت اختي المتوفيه ومانبيها تحس بالنقص انه امها مو عندها
وادري كويتيات فديت قلويهم مايقصرون وهمتكم يابنات
اهي عرسها شهر 5
وسلامتكم

 

[7bebt 3bod]

رد : عروس بحاجتكم

الله يوفقها
اخذي لفه بالقسم و راح تلقين كل اللي تحتاجينه ان شاء الله :blueSmCLR:

 

[أكذب عليك]

رد : عروس بحاجتكم

انا مو خوش بنت :dddds: للاسف لو بتسمعين راي بتضيعين على قولت امي
عن نفسي كل شيء خبصت فيه


طبعاا الكل قالي سوي لسته بالشغلات اللي تحتاجينها
انا شريت على الله كل شيء ابيه شريته بس يعني ماكثرت شيء معين


بخصوص بنت اختج


بجايم 15 قصير طويله لانه هالشغلات تحتاجهم بكثره200
قمصان 20 طويل وقصير وروباتهم معاها يكلفها 300
العطورات 9الى 10 تقريبا ممكن يكلفها 400
العبي كشخه 3 او 4 (افضلهم من برا مو من الكويت الخبر لا البحرين لانه اكشخ وارخص ) يكلفونها 500
بدل ااستقبال 4 ب1000 تقريبا
بدله العرس 1000
ساعتين ماركه وحده بيضه ووحده ذهبيه 1500 تقريبا
جناط ماركه مو شرط ماركات غاليه في ماركات رخيصه على 100 و80 وماركات حلووه يبيلها 4
مكياج وخرابيطه :dddds:500
صنادل وجواتي عزج الله 400
اكسسورات 200
بدله ثاني يوم 400



اما الفناتك يبيلج تروحين سنتر بوينت وايكيا وهناك بتشوفين الفناتق اللي بتطلعينهم من كيفج:ggdw:



ودي والله انصحج بس انا اهلي لايعه جبدهم مني ومن تجهيزي كان لازم اكتب كل شغلي واحدد
بس مالي خلق :denya:

الله يهنيهااا وتجهزونها وتصير احلى عروس
​

 

[لميس نفسي]

اهلين

بالمبارك عليكم


انا عروس وخلصت ولله الحمد اكثر تجهيزي ..


اول شي ونصيحه مني ،،،

خلو ميزانيه للذهب وللبدله البيضه . . .

وبعدها على حسب المهر يتقسم اللسته . . . .

واهم شي اهم شي نصيحه مني

اخذي دفتر وسجلي كل الاشياء اللي تحتاجونلها وكل شي يطري ببالكم

وكل ماشريتوا شي شخبطو عليه من الورقه



طبعا تسألين وين وين وين

انا مستعده اقولج :


1 ) من نعومي قميص الدخله وقيص طويل وقميصين قصار ...

2) الملابس اللداخليه وبعض من القمصان من الجميع وسنتربوينت . .

3) بيجامات وفساتين ودراريع قصيره من ماكس و سنتربوينت وسبلاش ..




أكلج الباقي بعد شوي لوول ..

 

[ماعرفتك زين!!]

رد : عروس بحاجتكم

اب اب
اللي ردو مشكوووورين ياقلبي
بنات شدعوه كل هالمشاهدات وبس 3 ردود؟؟

 

[مطنـوخهـ]

رد : عروس بحاجتكم

مووووفقه بنت اختج للحين ما جهزت وبروح الخبر هاليومين واقوووولكم شنو شريت:q8:

 

[عذآب إلـ أنآ]

شوفي ،، كلام البنات :
دشي هالرابط خاص بالبيجامات وغيرها :

http://ww.q8yat.net/showthread.php?t=326772


آما بآلنسبه للاشياء الثانيه : شوفي هالبنت مو مقصره والله :

http://www.q8yat.net/showthread.php?t=730646

 

[MiSS B.K]

رد : عروس بحاجتكم

عسى ربي يوفقكم انشالله

 

[نيو سيدنى]

:n2006107::n2006107:
:blueSmCLR:

 

[شذونه]

رد : عروس بحاجتكم

فووق وعقبالي:dddds:

 

[ماعرفتك زين!!]

رد : عروس بحاجتكم

اب اب

 

[7noOna]

رد : عروس بحاجتكم

السلام عليكم شلونكم يااحلى كويتيات ؟
بنت اختي عروس وتبي تجهز وحنا خالاتها اخر وحده تزوجت قبل 7 سنين عجايز لوووول:dddds:
ابيكم تساعدونها شنو تشتري بجايم بيت وبدل دلع وقمصان ومكياج ودراريع وبدل استقبال ومكياج وساعات واكسسوارت وبدلة اول يوم ومستلزماتها وعطورات عددهم يعني من كل شي جم يكفيها وسوالف العروس عموما وابيلها فناتك البنات هاليومين يعني سوالف الفنتقه من تلبيس جناط من شغلات هاليومين اللي انتوعارفينها ماشاء الله عليكم كل شي تتفنتقون فيه:ggdw:
ابيها تطلع احلى عروس من ناحية التجهيز كاااااامل ويوم العرس وفناتقه لانها بنت اختي المتوفيه ومانبيها تحس بالنقص انه امها مو عندها
وادري كويتيات فديت قلويهم مايقصرون وهمتكم يابنات
اهي عرسها شهر 5
وسلامتكم

اول شي بجــآيم البيت ::

اخذو لها 20 بجامه متنوعين
يعني :: 3 او 4 بجايم حرير من الجميع سعرهم على 15 دينار و رووعه عاللبس

و 4 او 5 شورت و بدي علاق و حفر ،، و اخذو عليهم ارواب حرير احلى

و 10 او 12 بجايم برمودا و طويل بس لا تكثرون سوالف ديزني و ببايات


* نصيحه بالبجايم :: نوعو بالألوان ،، انا بـ بدايه تجهيزي اكتشفت ان كل بجايمي لونهم وردي لووول

^^ الاماكــن :: الحرير بالجميـع :: الشورتات بنعومي ولاسنزا و اويشو و ماكس :: الطويل والبرمودا باويشو و فاشن مل و سنتربوينت و ماكس ^^





ثاني شي :: القمصــان

امممم اتوقع 15 كافي ، انا ماكثرت ~

3 او 4 طوآل من بينهم اول ليله ،، و الباجي متنوعين بين القصير و القصير حيل << اهم شي مع اورابهم و حتى بالارواب نوعو طويل و تحت الركبه ~




ثالـث شـي :: الدراريـع
طبعا ينقسمون قسمين ~ الفخمين و اللي فيهم شغل ،، و الناعمين

الألوان اخذوو فوااااااااااتــح و وخرو عن المظلم والاسود ،،

الناعمين اخذت 7 من الفروانيه مجمع العربيد على 25 و 30 و هالحدود مايتعدوون الـ40 ،، والفخمين اخذتلي 2 من حريم




رابــع شي :: المكيـاج

اهم شي تاخذ اللي متعوده عليه وترتاحله و مجربته ،، الاساسيات لازم ماركات مثل الكريم و البودره و الكحل والمسكرا
انصحكم :: اساس ديور ،، و مسكرا سان لوران فيها زيت خروع واايد زينه

و باجي المكياج عادي من سرداب الشايع او ماركات رخيصه مثل ريميل و مكياجي و بدي شوب





خامس شي :: بدل الاستقبال

امممم تقريبا 10 كافي ،، الخام من البلوكات تحت ،، وفوق كله خياطين حلوين و رخاص على 40 و 50 خياطهم
و اخذيلها بعد 2 جاهزين من الافنيوز يكونون فخمين
و هم بدل طلعه 5 كافي اخذيهم نفانيف مكسي على بديات و جذي حركات ،، و جينزات لازم





الاكسسوارات ::

عادي انا من كل مكان خميت لووول
معرض مشرف حلوين اطقم الاكسسوارات ،، و عندج محلات بالافنيوز H&M و mango ~
و اي محلات اكسسوارات عادي من الهنود مرات عندهم شغلات اتينن

في محل بمجمع منيره فوق عنده اكسسوارات ايننون و رخيص الطقم مايتعدى 20

و الاكسسوارات الناعمه من كليرز بالتنزيلات





الساعـات ::

4 كاافي ،،
- وحده فضي مع ذهبي << اول ليله- وحده فضيه
- وحده ذهبيه
- وحده جلد اسود << عمليه من اون تايم
روحي روائع جنيف صج صج ساعات عرايس و عندهم هالماركات :: فندي ، فرزاتشي ، نينا رتشي ، روبيرتو كافالي و اسعاره بالـ 100 و فوق اغلبهم الماس و مطليين ذهب

و اون تايم ساعاته عمليه و حلوه عنده شغلات تحت ال100 مثل ماركه دكني ،، و عنده بربري بالـ 100
- ساعة اول ليله يا اوميغا او شوبارد او كارتير << انا ان شاء الله اوميغا




نفنوف اول ليله::

لازم قبل العرس بوقت تفرون و تشوف اللي يناسب جسمها و يعجبها موديله تحجزه




العطوور :: طبعا الناس اذواق

خل اقوللج ذووقي

اخذت :: فيفا لا جوسي - غوتشي غيلتي - ذا ون - تريزير ان لوف - و عطر لانكوم دايم انسى اسمه
و العطور العربيه لاتكثر كاافي 2
و لازم تاخذ رشوش و بخور للاستعمال اليومي لشقتها

و لازم معطرات جسم و كريمات و هالسوالف ،، و شموع و معطرات الكبت من سنتربوينت احلى شي brushing tulip هاذي اخذت معطرات الكبت و معطر الجو الصراحه عجيييب



:eh_s(17):




و لازم تاخذ صندوه للاكسسوارات وفي بسنتربوينت اينن بـ 55 دينار صج كان خاطري فيه بس حسافه شريت من سرداب الشايع


امممم ،، اي والملافع و الشوزات و الجناط اخذو الالوان الاساسيه اهم شي ،، ما عدا البدل اللي تحسين يبيلها نفس اللون روحي و اخذي



و العبـي 3 كاافي اتوقع ،، انا لأن مو دايم البس عباة فـ اخذت 3 وحده فخمه و 2 عمليين


و بس ان شاء الله مانسيت شي ،، والله يوفقكم و يتمم على خير




:eh_s(17):

 

[mysterious sea]

رد : عروس بحاجتكم

ان شاءالله يفيدونج


أب لعيوونج

 

[أحلى عروس 2012]

رد : عروس بحاجتكم

اببببببببببببببببببب

 

[مس روبنز]

رد : عروس بحاجتكم

أنا اللي أعرفه إن الوحده ما تلبس ساعة ليلة عرسها << يقولون عيب

 

[بريانكا تشوبرا]

رد : عروس بحاجتكم

ماقصروووو البنات
اب لعيونج

 

[قطوه بطه]

رد : عروس بحاجتكم

مممم ماجهزت للحين بس ماشالله البنات ماقصروا

موفقيين

 

[حبي لكـ وهـم]

رد : عروس بحاجتكم

^^^^

مسس روبنز

اول مره اسسمع هالشششي .؟






حبيبتي البنات ماقصروا وموفقييين يآرب

 

[ماعرفتك زين!!]

رد : عروس بحاجتكم

يابعد قلبي ياحنونه ماقصرتي وعساني اخدمج بيوم عرسج وتوفيقج يااارب
وباجي البنات مشكورين وجزاكم الله الف خير

 

[دنـــدونـــه]

رد : عروس بحاجتكم

الف مبروووك حبيبتي
والله انا ماراح اقولج شنوو تجهيز وغيره
انا راح اقولج عن مصممات لبدل الاستقبال
عندج نجوى ستايل بالظهر وهذا رقمهاا 66443349 تستقبل بس مسجات
وهاذي عين كولكشن عجييييب بالمنقف وهذا رقمهم 97795830
وعدج منى الكندري تلاقينهااا بركن الازياء مشغلها اسمه الغرشوب
وبعد حراير ديزاين بنفس القسم
ومشغل ايمان نجم بحولى بس مااعرف رقمهااا شغلهاا نظيف
وعندج بعد ساره الجسمي بالبلوكات فوق
وعندج شروووق سالمين بعد
والله يوفقهااا انشاءاللله