عروسَ أخر السسنه .. [ تحتاجَ فزعتكَم ونصايحكم ] !

[رهيـد]

السَلام عليكَم يـ أحلى عرايس : )​

كيفكَم اٍن شاء الله طيبينْ :eh_s(17): !​

بـ ما أني عضوه جديدَه وعروسْ ​

[ عسى ربيَ يوفقنيَ ويوفقكَم ] ..!​

عرسي بأذن الله أخر السنه :*​

مدريَ شنو أبدي أو شنو أسوي من جدَ خايفه
ومتوتره ومحتاره !؟​

[ أظن مريتوا بـ اللي أنا فيييه : ( ]​

وأنا ناويه أسويَ تبييض أسنانَ من متى أبدي فيييه !

وبعد تمليس مع أن شعريَ ناعم بس فيه تكسرات بسيطه ،
متى أبتدي فييه !​

وسوالف السنفره والحماماتَ المغربيه متى ؟​

ياليتَ تفيدونيَ بالتفاصيلْ ..​

عسى ربي ييسر أموركَم ويجمعني معكم بـ جنة الفردوس الأعلى :eh_s(17):​

تكَفون لآ تبخلونَ علي وأدري منتوآ مقصرين :* ..​

 

[eng^^zozo]

رد : عروسَ أخر السسنه .. [ تحتاجَ فزعتكَم ونصايحكم ] !

حبيبتي الف مبروك يا قلبي ..

تبييض الاسنان خليه قبل عرسج باسبوعين عشان لا يختربون بالعرس ويطلعون زوغه ..

و الحمامات المغربيه خليها قبل شهرين من عرسج بالضبط بس من الحين اعتني بنفسج خلطات لجسمج و لوشنات وهالسوالف عشان لي ييتي تبين تسوين حمام مغربي يفرق معاج وايد عرفتي ..

والتمليس مادري والله انا مو مسويه تمليس ان شاء الله البنات يفيدونج

 

[7noOna]

رد: رد : عروسَ أخر السسنه .. [ تحتاجَ فزعتكَم ونصايحكم ] !



حبيبتـي أول شي بلشـي فيه التجهيـز ،، البدل والدرآريـع و اللبس والجنآط والشوز و كــل اغرآضـج اشتريـهـآ


و تبييض الأسنــآن والتمليس و الحمامات خليهم آخــر شـي

قبل العرس بـ شهر بلشي كل اسبوع حمام مغربي

و تبييض الاسنان قبل العرس باسبوعين

و التمليس ترآ ماله دآعي اذا شعرج زين ،، يعني بس اهتمي بشعرج و حطيله ماسكـآت و زيوت و يصير زين

و موفقـه

 

[• JoJo •]

رد : عروسَ أخر السسنه .. [ تحتاجَ فزعتكَم ونصايحكم ] !

تبييض الاسنآن خليه قبل عرسك بأسبوعين او ثلاثة , والحمام المغربي قبل العرس بشهرين او ثلاثه ,
بس تقدرين من الحين تسويين خلطات خاصه اذا كانت طبيعيه عشان تاخذ وقت على ما تظهر النتيجه وبمجرد ما تطلع النتيجه حااااافظي عليها ,

الحين اشتري الذهب أهم شي ,

وبالنسبة للملابس اشوفه بدري تشترين الحين خليه على نص السنه او اكثر
لانه اكيد بتنزل قصات واستايلات جديده على نهاية السنه

كمان نفس الشي للعطور والشنط والاكسسوارات والجزم والكعوب , مدري انا انصحك لا تستعجلين فيها

اهم موضوع انك تهتمين بصحتك من الداخل يعني ابعدي عن الغازيات اكلي فواكه وخضراوات اشربي عصائر طازجه خلي غذائك صحي

لان هالشي راح ينعكس على بشرتك ويخليها منورة ونضرة وما راح تتعبين وقت تسوين خلطات وحمامات , وكمان راح ينعكس على شعرك ويصير صحي وناعم
ولامع

نصييييحة ..~ لا تسويين تمليس لشعرك اذا هو ناعم لانه بس تنتهي فترة التمليس يتجعد ويصير خشن ويتساقط , لكن اهتمي بالزيوت وكريمات العناية بالشعر


والنفسية تكون مرتااحه وابعدي عن الضغوط والقلق انبسطي بكل يوم يمر عليك لا تفكرين ولاتحطين فبالك ان عندك شي نهاية السنه عيشي يومك واضحكي


انا كنت كذا اشيل هم وافكر لدرجه صار التعب واضح على وجهي وضعفت مرة بس لما شلت الفكرة من راسي صرت مرتاحه وعايشة حياتي ولحظتي *_^​

 

[أكذب عليك]

وأنا ناويه أسويَ تبييض أسنانَ من متى أبدي فيييه !​

دكاتره الاسنان نفسهم ماينصحون بالتبيض لانه ياذي وكلهم ينصحون بالقوالب انا استخدم قالب التبيض حاليا
تستخدمينه قبل المناسبه باسبوعين ونتائجه رووعه

وبعد تمليس مع أن شعريَ ناعم بس فيه تكسرات بسيطه ،
متى أبتدي فييه !​

التمليس هم قبل العرس باسبوع

وسوالف السنفره والحماماتَ المغربيه متى ؟​

الحين ابتدي كل شهر مرا على الاقل وقبل العرس بثلاث شهور كل اسبووع




لاتحاتين شيء كل يء سهالات

 

[!الجادل الصعب!]

حبيبتي المغربي بلشي فيه لانه يبيله وقت عشآن يبين / مرتين كل شهر زين صدقيني لا تاجلينه ..!

الخلطات وغيره ابتدي فيهم بعد دام عندج وقت عالآقل ثلاث مرات بالاسبوع ..!

اذا بتسوين تمليس كيرآتين وغيره خليها قبل العرس بآسبوعين ..!

تبييض الاسنان آحسن شي القوآلب وهي نفسها بكل العيآدات بس تختلف الاسعآر وبلشي فيه قبل العرس بشهرين ثلآثه ..بس اذا بتعآلجينها بلشي من آلحين ..!

وموفقه يآرب ..!

 

[حبيبه حبيبي:$]

رد : عروسَ أخر السسنه .. [ تحتاجَ فزعتكَم ونصايحكم ] !

البنات ما قصرو
قالولج كل شي
بس التمليس ماانصحج يحت الشعر حت دام شعرج ناعم ماراح تتعبين فيه عندج الستريت
الحمام المغربي بلشي فيه كل شهر مرة وقبل عرسج بشهر سوي كل اسبوع مرة

 

[رهيـد]

رد: رد : عروسَ أخر السسنه .. [ تحتاجَ فزعتكَم ونصايحكم ] !

حبيبتي الف مبروك يا قلبي ..

تبييض الاسنان خليه قبل عرسج باسبوعين عشان لا يختربون بالعرس ويطلعون زوغه ..

و الحمامات المغربيه خليها قبل شهرين من عرسج بالضبط بس من الحين اعتني بنفسج خلطات لجسمج و لوشنات وهالسوالف عشان لي ييتي تبين تسوين حمام مغربي يفرق معاج وايد عرفتي ..

والتمليس مادري والله انا مو مسويه تمليس ان شاء الله البنات يفيدونج

جزاك الله الف خير ياقلبيَ :eh_s(17): ..
وعسى ربي يوفقنا : )

 

[رهيـد]

رد: رد : عروسَ أخر السسنه .. [ تحتاجَ فزعتكَم ونصايحكم ] !

حبيبتـي أول شي بلشـي فيه التجهيـز ،، البدل والدرآريـع و اللبس والجنآط والشوز و كــل اغرآضـج اشتريـهـآ


و تبييض الأسنــآن والتمليس و الحمامات خليهم آخــر شـي

قبل العرس بـ شهر بلشي كل اسبوع حمام مغربي

و تبييض الاسنان قبل العرس باسبوعين

و التمليس ترآ ماله دآعي اذا شعرج زين ،، يعني بس اهتمي بشعرج و حطيله ماسكـآت و زيوت و يصير زين

و موفقـه

أحس الدراريع والشنط بدري عليهمَ ..

أنا بلشت اللحين بالبجامات والبدل لانهم شتويه شرايك !
وخاطري بـ بوتات حلوين دورت ماكو : (

لآني ابي اكون مشطبه قبل العرس بشهر مايمدي أدور بوتات !

مادري التمليس سوته رفيقتي وحلو عليها أنا مالي خلق أستريت
لآنه يبين أني مسويته أبي طبيعي ما أتعب !


الله يوفقك يارب ويسعدك ويتمم عليك :eh_s(17):